fríggjadagur 12. apríl 2002síða 2

2 Nr. 69 - 12. apríl 2002 Nr. 69 - 12. apríl 2002 3 Í dag, fríggjadagin 12. apríl, hava hjúnini Marianna og Vilhelm Nielsen í Sandavági diamant- brúdleyp. Bæði eru tey væl kend millum manna í Føroyum. Saman hava tey í meira enn eitt mannaminni rikið skinnvirkið Vilmu, og nógvir eru teir útlendingar, sum hesi árini hava leitað inn í handilin í Havn at keypa okkurt forkunnugt heim aftur við sær. Í góðum práti í handli- num hevur Marianna vunnið sær nógvar vinir víða um lond, og nógvar munnu heilsanirnar vera, sum eru leitaðar aftur til hennara í handlinum frá nøgdum viðskiftafólki. Umframt hetta dagliga livibreyðið, hava tey verið virkin á so nógvum økjum. Í langt áramál var Vil- helm tingmaður fyri Fólkaflokkin í Vágum. Hann mundi vera tann fyrsti, sum setti navn á fast samband um sundið, so fólk í Vágunum kundi fáa høvi at virka undir somu treytum sum tey, ið hann plagar at kalla “á meginlandinum”. Áhaldandi helt hann fram at minna á hesa týd- ningarmiklu útbygging av føroyska samfelagnum, og nú er hol á. Hann fylgir væl við gongdini í arbeiðinum við Vága- tunlinum, og alt, undir- sjóvartunlinum viðvíkj- andi, verður klipt út úr før- oysku bløðunum og tikið fram við jøvnum millum- bilum. Hann gleðir seg at liva tann dag, tá ið tunnilin verður tikin í nýtslu til al- menna ferðslu. Tey giftust sum heims- bardagin leikaði upp á tað harðasta, og vanligar ger- andisvørur ikki longur vóru at fáa hendur á. Livibreyðið tá var tí ein pylsuverksmiðja, sum nøktaði tørvin á pylsum til føroyska marknaðin. Kjøt- maskinan varð rikin við einum gomlum motor- súkklumotori. Eftir kríggið høvdu tey handil við m.ø. skóm og elútgerð, og eisini skósmiðju. Tuflur og gaggur vórðu sendar um alt landið. Vilhelm hevur eisini ver- ið til skips og starvast sum arbeiðsformaður í fiska- virkinum hjá bróðurinum Zachariasi Nielsen. Hann hevur eisini róð út, ikki minst við kalvalínu, og sum hjá flest øllum á bygd, var kúgv í húsinum. Uttan um húsini var leingi ein sera vakur urtagarður við fjøld av blómum, og trøini, sum tey bæði í síni tíð settu niður, eru nú eina størstu og vakrastu trøini í allari bygdini. Í langt áramál røkti Vil- helm starvið sum deknur í kirkjuni í Sandavági, sum hann tók á seg eftir faðir sín. Saman høvdu Vilhelm og Marianna sunnudags- skúla í Meinigheitshúsi- num, og tey hava til ellisár verið virkin í arbeiðinum í Meinigheitshúsinum yvir- høvur, eins og í nevndarar- beiði innan kirkju og heimamissión. Bróðurkret- surin á havninum, sjó- mansmissiónin og ytra missión hava staðið hjarta teirra nær, og mong eru tey fólk, bæði í tílíkum og í øðrum ørindum, sum hava sitið væl inni hjá teimum báðum, Vilhelmi og Marionnu. Marianna er fødd og upp- vaksin í Nesinum beint yvir av Vestmanna og kom til Sandavágs at tæna hjá Dánjal Peturi og Onnu Sofíu, sum høvdu posthúsið og telefon- støðina Vilhelm er yngsti sonur teirra. Marianna og Vilhelm giftust 12. apríl í 1942 og fluttu inn í nýbygdu húsini miðskeiðis millum Sandar og Steig. Tey eiga børnini Paula, Sólgerð, Sofus og Ann. Ommu- og abbabørnini eru 16 í tali, og langommu- og lang- abbabørnini eru 7. Tey, sum vilja hitta Vil- helm og Marionnu á hátíð- ardegnum, kunnu hitta tey í Meinigheitshúsinum millum kl. 18 og 21. Tøkk Hjartaliga takka vit øllum, sum sýndu samkenslu, og sum fylgdu kæri konu míni og mammu, ommu og langommu okkara Jóhonnu Johannesen Vestmanna (áður Joensen í Klaksvík) til hennara seinasta hvíldarstað her á jørð. Eina serliga tøkk veita vit starvsfólkinum á B8 fyri góða umsorgan, tykkum, sum tóku ímóti henni og fylgdu henni úr heiminum í Vestmanna og vestmannadekni fyri andaktina í heiminum. Somuleiðis takka vit klaksvíkspresti, dekni, klokkara, urguleikara, gravarum, berarum og sangarum og norðoyingum annars fyri ta virðiligu jarðarferðina úr Christianskirkjuni, so sum hon sjálv hevði ynskti. Takk fyri blómur, kransar og aðrar samkensluheilsanir. Fyri tey avvarðandi Frits Regin, Eyðun, Mikkjal og Ruth Diamantbrúðarparið Marianna og Vilhelm Nielsen í Sandavági LØNARHÆKKAN Tíðindaskriv 1. mars hækkaðu flestu løn- irnar hjá tí almenna samb. tær semjur, ið gjørdar eru við ymsu feløgini og Fíggjarmálastýrið. Gjaldstovan hevur tann 1. mars skrásett nýggju talv- urnar hjá ávikavist hesum feløgum: • Búskapar- og Løgfrøð- ingafelag Føroya • Føroya Byggifrøðinga- felag • Føroya Lærarafelag • Føroya Pedagogfelag Nýggir flokkar og stig – eftirlønin hjá sáttm. peda- gogum er nú 12% arb. gev. partur - hjá hjálparfólkum óbroytt 8% • Føroya Skipara- og Navigatørfelag • Føroya Verkfrøðinga- felag • Magistarafelag Føroya • Felagið Maskinskúla- og Sjómansskúlalærara • Starvsmannafelagið Í mars er gjaldið í eftirløn- argrunn býtt soleiðis: 6,5% til privata uppsparingin og 1% til eftirlønargrunn Frá apríl verður gjaldið 5,5% til privatu uppspar- ingina og 2% til eftirlønar- grunn. Tænastumannalíknandi sett: • Læraraeftirlønir Eftirgjald fyri februar - galdandi fyri føroyskar eftirlønir. Í februar hækkaði lønin hjá frammanundan løntum: • Tænastumannafelag • Landsins • Løgmaður og Landsstýrismenn • Løgtingsmenn • Tænastumannaeftirlønir • Tænastumannasettir lærarar • Tænastumannasettir pedagogar Gjaldstovan Formlig viðurskifti Roknskapur Vegleiðingar Verkætlanir Tíðindi Lønarhækkan SKIPASMÍÐ Ein byrjar at síggja, at talan er um eitt risaskip. Nógv umtalaða Norrøna tekur nú so smátt skap niðri í Týsklandi. Eftir ætlanini skal hon sjósetast longu í august mánaða í ár, og síðst vit frættu av Smyril Line varð henda tíðarætlan hildin. Jomfrútúrurin verður so ikki fyrr enn næsta ár, men tað kunnu vit bara gleða okkum til. -ib Gongur framá við Norrønu Ein 30 ára gamal dani úr Keypmannahavn var hósmorgunin dømdur átta mánaða fongsulsrevsing fyri vera við til at smugla eitt kilo av hassji og umleið 40 gramm av kokaini til Føroyar RÚSEVNI Stefan í Skorini Føroya Rættur viðgjørdi allan mikudagin á tamb enn eitt mál í stóra narko- málinum, sum hevur verið í hæddini síðan 16. januar. Ein 30 ára gamal dani var hesuferð funnin sekur í at hava hjálpt til at smugla rúsevni til Føroyar. Dóm- arin fann haldgóð prógv fyri, at maðurin hevði veitt eitt kilo av hassji og umleið 40 gramm av kokaini til føroyska marknaðin, hóast hann sjálvur ikki hevði smuglað rúsevnini til Før- oyar. Hann hevði givið ein- um smuglara tey í Keyp- mannahavn. Umframt at skula sita átta mánaðir í fongsli varð hald lagt á 10.000 krónur, sum var vinningur fyri søluna, og 40 gramm av hassji, sum varð funnið í bústaðinum hjá manninum í Keypmannahavn, tá hann varð handtikin. Eisini skal hann rinda sakarmálskost- naðin. Ákæruvaldið vildi hinvegin vera við, at hann hevði fingið 22.500 krónur í vinningi og kravdi upp- runaliga tíggju mánaða fongsling. Tvey vitni vóru í rættin- um henda dagin. Annað vitnið hevur longu fingið eitt ára fongsulsrevsing í narkomálinum, meðan hitt vitni framvegis situr varð- haldsfongslað og bíðar eftir dómsviðgerðini. Maðurin noktaði seg sek- an í at hava veitt einum smuglara eitt kilo av hassji, men hann játtaði hinvegin at hava veitt umleið 40 gramm av kokaini. Rætturin tók frágreiðing- ina hjá øðrum vitninum, sum greiddi frá, at hann hevði fingið ein pakka við einum kilo av hassji frá tí ákærda, til eftirtektar. Av tí at henda frágreið- ingin ikki var nágreinilig á øllum økjum, gav dómarin tí ákærda eina linari revs- ing. Óvissan um mongd- irnar kom í hesum førinum tí ákærda til góðar. Dómarin segði í úrskurð- inum, at danin fær seks mánaðir fyri kokaini og tveir mánaðir fyri hassjið. Dømt varð eftir føroyskari mannagongd, har lógarbrot við rúsevnum verða dømd harðari enn í Danmark, hóast lógarbrotini eru framd í Keypmannahavn, tí maðurin visti, hvar rús- evnini skuldu. Orsøkin er, at vinningurin av søluni er størri í Føroyum, og tí at føroyska samfelagið er meira viðbrekið. Eisini fekk ákærdi linari revsing, tí hann hevur sitið avbyrgdur í varðhaldinum síðan 16. januar. Tíðin í varðhaldinum verður drigin frá samlaðu revsingini. Maðurin vildi vera við, at hann ikki hevði nakran stórvegis leiklut í smugl- ingini av rúsevnum til Før- oyar. Hesum vísti dómarin frá sær, tí hann helt, at avlurtingar av telefon- samrøðum millum tann 30 ára gamla danan og ein seljara í Føroyum, greitt vístu, at hann hevði verið við til at skipa fyri smugl- ing av rúsevnum. Hesar avlurtingar vórðu spældar í rættinum. Maðurin fer at umhugsa, um hann tekur við dómin- um, og hann er nú leyslatin. Dani fekk 8 mánaðir C M Y K 3 2 team85 TÆNASTAN Boðtænastan er ein ókeypis telefonsvarari, sum allir GSM-felagar hjá FøroyaTele kunnu brúka Soleiðis fært tú tín telefonsvarara settan til: ring ókeypis til 80 80 80 ella vitja eina av Telebúðunum So kunnu øll leggja boð inn á tín persónliga telefonsvarara og tú fært tað at vita í einum SMS-boði