leygardagur 30. november 1974síða 12

TILL: Alkoholspurningar Seinastu dagarnar hevur Losjan í Havn havt vitjan av danska skúlastjóranum, Gunnar Nielsen úr Árhus. Hann hevur undir vitjan síni hildið fyrilestrar á skúlum kring landið og á almennum fundum. Hósdagin helt Gunnar Nielsen fyrilestur fyri næmingum á skúlanum á Giljanesi. Eingin missión Ætlanin at fáa danska skúlastjóran higar á vitjan er årsgomul, men umstødurnar loyvdu ikki vitjanini fyrr enn nú. HORNIÐ hitti Gunnar Nielsen í vikuni, og segði hann, at endamálið við Føroya-vitjanini og við arbeiði hansara annars er ikki at bera eina missión til fólkið. Harímóti verða gjørdar royndir til at greiða frá teimum vandum, sum rúsdrekka hevur við sær, og hvat sett verður í vága, tá rúsdrekka verður notið. Samantikið, at geva eina sakliga upp- lýsing um spurningin. 150.000 alkoholistar í Danmark — Í Danmark eru trupulleikarnir aftan fyri rúsdrekka stórir í løtuni, sigur Gunnar Nielsen. Talið á teimum, sum njóta rús- drekka har, er av serfrødingum mett til ímillum 100 og 150.000. Í Århus verða gjørd nógv tiltøk ímóti rús- drekka. Gunnar Nielsen sigur, at har hava teir samkomur fyri áhugaðum bæði í av- haldsfeløgum og uttanfyri. Á einstøkum av hesum fundum verða rúsdrekkaspurningar ikki beinleiðis vidgjørdir. Harímóti lýðir fundarfólkið á rødarar, sum greiða frá øðrum aktuellum spurningum, sum eru frammi. 20.000 alkoholikkarar eru í Árhus. Føroyskar sjónvarpssendingar — fyrst til móttakarar í Havnini Um stutta tid fer Arni Joensen í Havn undir sjón- varpssendingar. Sendingarnar fara í fyrsta umfari bert at rokka til teirra, sum hava sjónvarp í Havn. Í løtuni verða gjørdar fyrireik- ingar til sjónvarpssendingar í Feroyum. Arni Joensen í Havn, sum stendur fyri hesum fyrireik- ingum, sigur, at tað ber illa til at tidarfesta, nær sendingarnar byrja, men væntandi verður tað skjótt. Uttan loyvi Sendingarnar fara í luftina uttan loyvi frá myndugleikun- um. Men vit hava krav upp á somu rættindi sum grenlending- ar hava viðvíkjandi sjónvarpi, sigur Arni Joensen. Hann sigur, at myndugleik- arnir annars hverki hava heimild til at nokta ella geva loyvi til tilikar sendingar. Arni Joensen sekti tó um loyvi, men umsóknin varð noktað. Hann vísir sam- stundis á, at grønlendska sjón- varpið, sum er á privatum hondum, nú til endans er vorðið góðkent av donsku myndug- leikunum. Sjónvarpið har er skipað sum kaðalsjónvarp, og teir grønlend- ingar, sum hava móttakara, eru limir í sjónvarpsfelagi. Tilfarið, sum teir siggja, hevur at kalla alt verið sent í danska sjónvarp- inum frammanundan. Ein tíma um dagin Tað er ætlanin, at vit skulu gera so nógv av tilfari til send- ingarnar sjálvir sum gjorligt, sigur Arni Joensen. Hann sigur, at tað er ikki óhugsandi, at sendingar verða ein tíma hvenn dag. Eg meti tað ikki fyri at vera torført at fáa til vega tilfar til sjónvarpssendingar. Heldur ikki skuldi tað verið torfert at fingið hjálparfólk, sigur Arni Joensen. Hann upplýsir, at longu nú hava fólk boðið sær til at taka eina hond í. Sendingarnar fara í fyrsta um- fari bert at verða at síggja í Havn. Arni Joensen sigur, at millum 250 og 300 sjónvarps móttakarar eru í Havnini. Hevur útgerð Er slíkt tiltak kostnadarmik- ið? Eg rokni ikki við, at tað verður kostnaðarmikið, ti frammanundan havi eg væl av útgerð til sjónvarpssendingar, sigur Arni Joensen. Eg fari at heita á mínar kæru lesarar og biðja tykkum um at hjálpa mær at umseta niðanfyri standandi til danskt: Menn vóru og róku. Áraka tarakøstarnar mistu teir fylgið. Í ollum hesum hurlivasanum fóru summir tuskandi gjøgnum vatnstrondina og blakaðu tað, sum fyri hond var — malargrót og flagbøkkar — meðan aðrir fóru við tann spentan ál, men bert til fánýtis. Einans ein flókutur geldseyður kom í rætt. Menn vóru næstan deyðir av andsperru. Og teir gleddu seg til at koma heim at piða ræstan háls. Sum vera man fóru menn nakkalangir aftur at húsum. Seinni um dagin øtladi hann veðrið, og tað bleiv stormur í vindi. Tekjur rivu vida hvar og nævurskrukkurnar fuku um geilarhornini, so ein kann hugsa sær, at menn vóru bæði ør- kymlaðir og í andarisi av hesum. Smábernini, sum gingu og runnu í túninum í nýbarkaðum rotiskóm, høvdu glett seg at fingið sperilsendar og nýumskumpaði rokepli. Týðingin skal sendast til: Óla í Áarstovu Box 76 3800 Tórshavn Óli í Áarstovu Tað er torført at sleppa av við fisk heldur ikki allar log- tingsmenninar sluppu vit av við. 0 — Hevur sambandsflokkurin ikki gjørt annað, so hevur hann í hvussu er gjørt sítt til, at vit meguliga fáa eitt nýtt landsstýri (0) Sjálvstýrisflokkurin hevur skil fyri at selja seg sjálvan, men tíverri ikki til út- fluttnings. (0) Fólkaflokkurin, ið vil seta forbrúkið niður, gongur und- an sum gott fyridømi og er hildin uppat við at brúka høvdid. (0) Við undantak av læknunum, kunnu vit øll liva uttan blind- tarmar. - 0 Mong vildu havt tað nógv betri, um ikki onnur hevdu tað líka gott. (0) Og so var tað kværulanturin, ið royndi-at koma framat onkrum, sum hann kundi halda seg burtur frá. (0) Tað eru tey, sum ikki kunnu sova, ti tey ikki kunnu minn- ast til, um tey hava tikið sovipillarar ella ikki. (0) Maðurin: Góða, tú er ikki ill, ti eg kom til hús við einum bláum egya í gjárkveldið? Konan: Nei, tá tú komst til hús hevði tú onki blátt eyga!