leygardagur 21. mars 1981síða 9

Tú sum er ungur. Tú kemur uttan iva ferð eftir ferð fram á spurningar, tú heldur vera týðandi. Vit — føroyski javnaðarungdómurin innan SU — heldur, at tað unga fólki skal hava eina hugsan og taka støðu til spurningar, sum viðkoma okkum ungu. Vit halda, at slíkir týðandi spurningar eru: Arbeiðsviðurskifti Eisini løntakarabélkurin skal hava økonomiska åvirkan. Arbeiðandi fólkið skal vera umboðað í virkisleiðslum og ognarrættur teirra til hesi verður skrásettur. Mentan Hvor er tað, sum verður ríkur av tí, at tey ungu keypa mótalutir og frasmentan? Storfyritøkurnar hava fingið eyguni upp fyri, at tað eru vit ungu, sum eru lættast at ávirka av reklamuni. Tí gera teir eisini alt fyri at knýta okkum at sær. Vit eru inni í ringinum, har tað bert er at keypa og blaka burtur. Men vit vilja gera okkara egnu mentan. U-londini Hví svelta menniskju? Og hví eru rådvørurnar so ójavnt býttar? Tað er tí, at tey ríku londini stjala frá u-lond- unum. |-londini eru í dag bundin at einum økonomiskum vøkstri, av at verða ríkari við at lata u-londini gjalda. Friðurin Fyri okkum ungu er tað týdningarmikið at arbeiða fyri heimsfriðinum. Í dag er hann hóttaður. Vit mugu steðga herdubbingini — eisini í Føroyum. Javnrættur Tey sum hava pening hava eisini ræði. Fá hava pening og få hava ræði. Vit hava eitt økonomiskt og politiskt órættvísi og órættvísi millum kynini. Vit ganga út frá, at øll menniskju hava sama virði og tí, at øll skulu hava somu ávirkan. Yvirgangur Hví klandrast fólk? Tað ber ikki til bert at geva teimum ungu skuldina fyri ungdómsharðskapi og brotsgerðum. Orsgkirnar mugu greinast út. Fyri eitt ungt menniskja, sum einki arbeiði hevur, ongan bústað, og sum kennir seg misnýtt, er vegurin til harðskap ógvuliga stuttur. Fyri at steðga hesum yvirgangi krevjast nógv tiltøk. Demokratisk sosialisma Í einum demokratiskum sosialistiskum samfelag er javnrættur og demokrati. Øll menniskju hava sama virði og eingin mergsýgur eitt annað menniskja. Eingin rænur til sín við at lata onnur gjalda. Arbeiðsloysi Arbeiði er ein grundleggjandi rættur hjá einum hverjum menniskja. Í dag er tað veruleiki, at arbeiðsloysi millum tey ungu er vaksandi í Føroyum. Samfelagið kann ikki framhaldandi stoyta tey ungu frá sær. Vit halda at teimum ungu má tryggjast arbeiðs- og lestrargki. Orka Orkan er bundin at samfelagsmynstrinum og sam- felagsútbyggingini. Við at siga nei til kjarnorku, siga vit eisini nei til, at tung vápn eru í samfelagnum. Umhvørvid Tad er veruleiki, at dålkanin av okkara umhvørvi økist år um år. Higartil hava vit ongar lógir, sum kunnu steðga hesi dålkan. Vit krevja eina låg, sum gevur hvørjum menniskja rætt til náttúruna, til eitt umhvørvi, sum er frítt fyri dálkan. Ídnaðurin má taka sína ábyrgd. Lívsvirði Lívsvirði merkir, at vit skulu kunna eta eiturfrían mat, og at øll skulu kenna tryggleika. Lívsvirði merkir fyri okkum, at menniskju skulu kunna hava ávirkan á arbeidsøki teirra og á bústaðargki teirra. Lívsvirði er frælsi frá mergsúgvan. Í dag er lívsvirði ógvuliga avmarkað. Bústaður Tað tykist vera émøguligt hjá teimum ungu at fáa nakað at búgva í. Bíðirgðini eru long. og í flestu forum krevst nógvur peningur. Tað sindrið sum verður bygt, er ikki hóskandi til tey ungu. Tað eru tey ríku, sum hava ráð at búgva í teimum luksuskubbum, sum eru. Vit krevja, at kommunurnar økja um bústaðarbyggingina — byggja bústaðir, eisini til tey ungu.