fríggjadagur 24. januar 2003síða 3

4 Nr. 16 - 24. januar 2003 Nr. 16 - 24. januar 2003 5 Nýggi trolarin hjá vágbingum er í góðum standi. Hann er er eisini bíligur og hann hevur nógvar møguleikar SKIPSKEYP Áki Bertholdsen Vágur: Tað grør um gang- andi fót í Suðuroynni. Í farnu viku keyptu hvalb- ingar nýggjan trolara til oynna og týsdagin varð aftur ein trolari skrásettur í Suðuroy. Hesuferð eru tað vágbingar, sum hava keypt nýggjan trolara. Og aftur hesaferð er tað ein djúpvatnstrolari nú fær heimstað í Suðuroy. Tað eru teir fimm Augustinussen brøðurnir í Vági, sum nú hava keypt eitt skip afturat, saman við øðrum. Trolarin, teir hava keypt, er ikki heilt ókendur í Vági. Talan er nevniliga um, Hvannaberg, sum Jákup Olsen og aðrir keyptu úr Íslandi í 2001 at fiska rækjur við. Men tann royndin mis- eydnaðist fullkomiliga og longu seinasta vár fór bát- urin á heysin. Hetta seinasta árið hevur hann ligið í Havn, men nú er hann so aftur endaður í Vági. – Endaligi sáttmálin varð undirskrivaður beint fyri døgverða mikudagin og tá yvirtóku vit bátin, sigur ein av undangongumonnunum, Helgi Augustinussen, sum millum manna verður nevndur Hegga. Nýggi trol- arin skal eita Sancy. Hann er smíðaður í Noregi í 1978, men hann varð longdur í Danmark í 1986. Hann er 40,7 metrar langur, 9,3 metrar breiður og hann er settur at taka 248 tons. Maskinan er 1103 kW. Í góðum standi Tá ið vágbingar keyptu bát- in fyrru ferðina, fingu teir hann fyri 14 milliónir og teir hildu seg hava gjørt eitt gott keyp. Nú vágbingar hava keypt bátina aftur, fingu teir hann fyri sjey milliónir og Hegga dylir ikki fyri, at hann hel- dur, at teir hava fingið ein sera góðan bát. – Báturin er í allarbesta standi, tí tað er ógvuliga nógv gjørt við hann, síðani hann upprunaliga kom undir føroyskt flagg í 2001. Maskinan er tikin í botn og annars er hann høvuðsum- vældur, so nú er hann í sera góðum standi. Gomlu føroysku eigar- arnir søgdu eisini, at hann vísti seg at vera sera sjó- góður. Somu menn áttu eisini ein annan Sancy, sum varð seld av landinum fyri nøk- rum árum síðani. Men fiskiloyvið vildu teir ikki selja í sama viðfangi, hóast áhugi avgjørt var til staðar, tí teir vildu varðveita tað í Vági. Og tað verður hetta fiskiloyvi, sum nýggja Sancy nú fær. Hon fer sostatt at fiska á djúpum vatni undir Føroy- um. Men tað verður ikki bein- anvegin, at hann verður klárur at fara til fiskiskap. Sancy skal nú á beding í Havn at verða málað, um- framt at ymiskt annað skal gerast við hann. Tað arbeiðið tekur einar 8-10 dagar og tá verður far- ið til Vágs, har nýggj verk- smiðja skal setast í hana, men Hegga væntar, at teir verða klárir at fara til fiski- skap um einar seks vikur. Tað verður Andras Samson í Havn, sum skal føra hann. Hann leggur afturat, at bát- urin fer at kosta níggju milliónir, tá ið hann verður klárur at fara til fiskiskap. Nógvir møguleikar Sancy er bátur við nógvum møguleikum, tí umframt at hann kann brúkast til ísfisk, hevur hann eisini tann fyri- mun framum aðrar djúp- vatnstrolarar, at hann hevur frystilast, so hann kann eis- ini fiska rækjur ein part av árinum, ella frysta onnur fiskasløg, skuldi tað verið. – Vit kunnu frysta alt, vit fáa í trolið og sum ikki verður ísað. Og nú, teir hava keypt trolaran, er hann fult út- gjørdur at fiska eftir rækj- um, men tað verða ikki teir møguleikarnar, teir fara at royna, í hvussu so er ikki í fyrstu syftu. Í fyrstu syftu fara teir undir Føroyar at fiska, eins og hinir djúpvatnstrolararn- ir. – Annars kundu vit loyst til rækur beinanvegin, skul- di tað verið. Men rækjuloyvi hava teir ikki fingið. Tann møguleik- in verður umhugsaður til seinni. Brøðurnir Augustinussen hava frammanundan trol- aran, Roc Amadour, um- framt fiskavirkið Sancy Seafood í Vági. Vágbingar keypt nýggjan trolara – Nýggi vágstrolarin er smíðaður í 1978, men hann er í sera góðum standi og eigararnir siga at teir hava fingið eitt gott skip. Hann verður klárur at fara til fiskiskap um seks vikur Tað eru brøðurnir Augustinussen í Vági, sum nú hava keypt eitt skip afturat, saman við øðrum. Frá vinstru eru teir Lundahl, Helgi, vanliga nevndur Hegga, Eyðun, vanliga nevndur Sammi og Monrad. Fimti bróðurin, Flóvin, er uttanlands C M Y K 5 4