hósdagur 28. apríl 1994síða 18

Síða 18 Nr. 80 — 28. APRIL 1994 Tíðindablaðið CD Dýra biðidag (Fjórða friggjadag eftir páskir) Kollekt. Latum okkum øll biðja: Náðigi Guð, miskunnsami faðir. Tú, sum fyrigevur ríkliga og gjarna vilt miskunna gllum teimum, sum í sannari iðran leita til tin, vær biðjum teg av hjartans grund, kæri, himmalski faðir: fyrigev, fyrigev okkum allar syndir okkara, og gev øllum okkum, sum ákalla navn títt, náði til av heilum hjarta okkara at venda okkum til tín, so at vit í dag og hvønn dag leggja alla órættvísi og alla synd og dagliga við kraft anda tíns vaksa í trúarlýdni og bera åvøkst, sum samsvarar við umvendingina, fyri at vit altíð mega finna teg sum náðiga Guð og faðir okkara og í øllum lutum vera vís í náðigu hjálp tíni og signing bæði til likams og sálar, inntil vit umsíðir av náði tíni mega verða sæl allar ævir fyri tín kæra son, harra og frelsara váran, Jesus Krist, sum við tær livir og ræður í einleika heilaga andans, ein sanur Guð um aldur og ævir allar! Amen. Epistulin er skrivaður í Hebrearabrævinum, 10. kap. 19.—25. v. Tá ið vit nú, brødur, í Jesu blóði hava treyst at ganga inn í halgidómin, hagar hann vígdi okkum at- gongd, nýggjan og livandi veg inn fgjøgnum forhangið, tað er hold hansara, og tá ið vit hava stóran prest yvir húsi Guðs, tá latum okkum ganga fram fyri Guð við sonnum hjarta, við fullari tråarvissu, tá ið vit hava fingið hjørtu okkara reinsa frá ringari samvitsku og hava fingið likamið tváað við reinum vatni; latum okk- um halda óvikuliga fast við játtingina av vón okkara; tí at trúfastur er tann, sum fyrijáttanina hevur givið; og latum okkum geva gætur hver eftir gørum, so at vit birta hvør undir annan til kærleika og góðar gemingar og ikki skilja okkum frá okkara egnu samkoming, so- leiðis sum siður er hjá summum, men áminna hver annan; og hetta so mikið meira, sum tit síggja, at dagurin nærkast. Teksturin til gudstænastuna fyrrapartin um dagin. 51. sálmur. (Ein sálmur av Dévidi, ta ferðina, tá ið Nåtan profetur kom til hansara, eftir at hann hevði verið inni hjá Batsebu). Náða meg, Guð, fyri miskunn tína, fyri tína stóru várkunn strika út misgerðir mínar! Tváa meg allan reinan frå mini sek, frå mini synd meg reinsa! Tí mis- gerðir mínar eg veit, synd mín er mær altíð fyri eygum! Eina móti tær eg havi syndað og gjørt tað, ið tær tykir ilt, at tú mást rættvísur vera, tá ið tú talar, reinur, tá ið tú heldur dóm! Sí, í misgerð eri eg føddur, í synd hevur móðir mín meg gitið. Sí, til sannleiks í hjartadýpi er hugur tín, í hjartans duld tú meg vísdóm lærir! Reinsa meg við ýsopi, so at eg verði reinur, tváa meg, so at eg verði hvítari enn fann! Unna mær at hoyra gleði og gleim, lat gleðast tey bein, tú hevur brotið! Fjal títt and- lit fyri syndum mínum, strika út mínar misgerðir allar! Skapa, Guð, mær hjarta reint, gev mær av nýggjum fastan anda mær í brósti! Koyr meg ei burtur frá ásjón tíni, tak ei tín heilaga anda mær frá! Veit mær aftur gleði um frelsu tína, halt mær uppi við einum reystum anda! So vil eg gudleysum læra vegir tínar, og syndarar skulu venda við til tín. Bjarga mær, Guð, frá blóðsek, mínar frelsunnar Guð! Lat tungu mína gleðast um rætt- vísi tína! Lat upp, Harri, varrar mínar, og mín muður skal boða títt pris! Tí skurðoffur ikki tær líkar, um eg brennioffur gav, tú einki legði í tað. Offur til Guðs er ein sundurbrotin andi; Guð, tú vrakar ei eitt brotið og sundurfarið hjarta! Sýn í tíni náði góðsku móti Sion, lata upp Jorsala múrar! Tá skalt tú gleðast av rættum ofrum, bæði brenniofri og fullum ofri, tá skulu tarvar verða leiddir upp á altar títt! Gudstænastur Dýra biðiðdag Vesturkirkjan: H. Poulsen Hestur: K. Mørkøre Landssjúkrahúsið: S. Klein Kvívík: M. Bæk kl. 12, konfirmatión Vestmanna: Innsavnan til Guds orðs boðan Sørvågur: U. Næs kl. 11.00, familjugudstænasta, barna- kórið syngur Bøur: D. Johannesen kl. 11.00 Selatrað: H. J. Joensen, bispur, kl. 11.00 Sjóvar kirkja: J. Fríðriksson kl. 11.00, innsavnan til Guds orðs bodan Gjógv: E. Olsen kl. 12.00 Gøta: P. O. K. Olofson kl. 12.00, altargongd, í Fugla- fjarðar prestagjaldi er innsavnan til Guds orðs bodan Klaksvik: P. Paulsen kl. 11.00 Mikladalur: H. Bøgesvang kl. 12.00 Hov: H. Joensen kl. 11.00 Porkeri: H. Joensen kl. 12.00 Meinigheitshúsið, Tórshavn Í dag kl. 16-17.00: Barna- kórið venur. Í kvgld kl. 20.00: Ung- dómsfundur. Dýra biðidag kl. 18.00: Møti um bøn. Samkoman Sion Vågur Sunnudag kl. 11.00: Morg- unmøti. Sunnukvøld kl. 18.00: Evangeliskur fundur. Månakvøld kl. 20.00: Bønarfundur. Mikukvøld kl. 20.00: Bønarfundur. Bønartænastan svarar å tlf. 73941, frå kl. 20.00— 22.00. VITIN, Århus Apríl-samkoman verður leygardagin 30. apríl kl. 13.30-17.00 í felagshúsin- um >Stenhytten<, Stenald- ervej 77, Brabrand, við lut- tóku úr Keypmannahavn og Odense av Per Johan Djur- huus og Kitty Jóhannesen. Byrjað og endað verður við onkrum til matna. Øll eru vælkomin — takið børnini við. Ráðgeving fyri bern og ung á tlf. 10645 månadag kl. 16 —18.00. Barnabati Føroyingafelagid i London Nærri upplýsingar frá: Birgit Sólstein, tlf. 00944816815730 Helgi Joensen, tif. 00944932829027 Al-Anon Fundur fyri avvarðandi at alkoholikarum verður í Havn í kveld kl. 21.00 á Vaskarínum, Térsgøtu 5 (inngongd vestanfyri). AA-fundir verða í Havn Dýra bididag kl. 20.00 á Vaskarínum, Térsgøtu 5 (inngongd vest- anfyri), og kl. 22.30 í Uppi- stovu, C. Pløyensgøtu 17. Barna- ” - = tíðindi Á 53. ári hevur Jákup Berg ótroyttiliga givið út Barna- tíðindi, og annað blað í ár er komið, nr. 3-4. Har eru sum vant sýgur og sagnir og frásagnir av yms- um slagi. Sumt er umsent, men tað mesta er úr okkara egna. | | . Konfirmation Dyra bididag verdur Anja Møller, Hósvík, dóttur Annie Erik Møller, fermd í Uldum kirke. Adr.: Nørregade 1, 7171 Uldum. Jens vard føddur 2. mai 1914 f heiminum hjå Poulinu Pállsson og Jens Paula í Dali undir Pisuvarða. 16 ára gamalur fór hann á studentaskúla í Danmark, og fór síðan at lesa til landinspektør. Í 1936 giftist hann við Secco, og eiga tey trý børn, Jan, Unnur og Jens. Undir krígnum fekk hann arbeiði hjá Geodætisk Institut og kom á henda hátt eisini at virka í Grønlandi summrini 46-49. Fyri tað dygdar- arbeiði fekk hann Fortjenstmedaljen. Fyrst í fimtiårunum varð hann biðin at koma heim til Føroya at vera stjóri á Matrikulstovuni. Hann gjørdist útskiftingarformaður eftir Líggjas Húsgarð, bónda í Syðruggtu. Atavloysa ta gomlu tinglesingar- skipanina vórðu nýggjar lógir um tinglýsing og matrikulering framdar, og var Jens við til at tilevna hesar. Her bleiv honum tó ov trongt, og tí átók hann sær í 1963 starvið sum stjóri á skrivstovuni hjá Den Danske Landinspektørforening. Fyri hetta felag lut- tók hann sum aðalskrivari í norðurlendskum og al- tjóða samstarvi. Eisini her hevdi hann eina mennandi ávirkan. Hetta starv røkti hann til hann fór frá vegna aldur. Jens varð kosin til heiðurslim í hesum felag, og býr hann í felagsins húsum á Lindevangs Alle 4, á Frederiksberg. Jens hevur ikki gloymt, at hann er Føroyingur, og vit, sum hava havt ta gleði at vitja í heiminum hjá Honum og Secco, kunnu minnast aftur á nógvar ríkar løtur. Altíð fryntlig og gestablíð hava tey tikið ímóti okkum í teirra vakra og hugnaliga heimi. Altíð til reiðar at skifta orð, ongantíð líkasæl. Tey ferðaðust nógv, vóru á gongutúrum í Sama- landi og aðrastaðni, ella fóru til stórbýir sum Paris og Rom, har framsýningar, sjónleikur og søgulig stød vórðu vitjað. Jens hevur stóran alsk til sjógvin, sjálv- ur hevur hann bát og hevur siglt nógv. Í 1985 sigldi hann saman við soninum Jan, vinmanninum Bo og abbadóttrini Mariu til Føroya í seglbátinum Anika. Tokka til Føroyar hava tey bæði altíð havt. Hetta kom eisini til sjóndar, tá Secco andaðist á heysti 1992. Hon varð eftir egnum ynski jarðað í Føroyum. Seinastu árini hevur Jens arbeitt nógv við ættar- gransking og eldri korttilfari. . Góði Jens, vit ynskja tær hjartaliga tillukku á fød- ingardegnum og ynskja tær blíðan byr framyvir. Skyldfólk Mánadagin 2. mai 1994 kl. 15.00 verður opið hús á Frederiksberg, har Jens bjóðar øllum vinum, kenn- ingum og skyldfólki vælkomnum.