fríggjadagur 10. juni 1994síða 2

Danir vilja ikki skilja okkum TAÐ er framvegis langt ímillum sjónar- miðini hjá føroyingum og dønum um gagnnýtslu av tilfeingi í havinum. Hetta kundi løgmaður ásanna, tå hon fór av fundi við danska uttanríkisráðharran í vikuni sum av torvheiðum. Ikki tí at hon dugdi ov illa at greiða frá sínum sjónarmiðjum um grind og heldur ikki ti, at føroyingar sum heild og bæði løgting, landsstyri og fólkatingsmenn hava gjørt nóg nógv vart við henda spurning mótvegis dønum, men tí at nógvir danskir politikarar venda deyva oyrað til, tá ein føroyingur kemur til teirra at tosa um grinddráp. LØGMAÐUR bad um fund við danska uttanríkisráðharran í sambandi vid, at danir í síðstu løtu kúvendu í stødutak- anini til eitt uppskot um at friða hval í suðuratlantshavi og atkvøddu fyri at friða allan hval á einum gki á sunnaru hálvu, uttan at hvalurin har er hóttur. Danir taka sær av føroyskum"' áhugamálum í hesum spurning!, og tí høvdu føroyingar gjørt teir varugar við, at Danmark átti ikki at góðtaka eina friðing, har einki er, sum bendir á, at stovnurin er hóttur. Føroyingar hava víst á, at danir við slíkari avgerð eru við til at skapa presens her norðuri. Tvs. tá tað ber til at friða hval, sum ikki er hóttur har suduri, so ber tað eisini til at friða t.d. grindahval her um okkara leiðir. Hetta vilja danir ikki skilja. TAÐ er at harmast um, at danska stjórn- in vendir føroyingum bakið í hesum máli. Tað er ikki ov nógv sagt, at hon við als ikki at lurta eftir føroyskum sjónarmiðum í veruleikanum er við til at taka grundarlagið undan okkum, tí vit liva burturav av tilfeingini í havinum, eisini grindahvali. So vil onkur siga, at vit kunnu gott vera grindina fyriuttan. Men tað er ikki tað, sum spurningurin snýr seg um. Tað er ikki ein spurningur um her og nú. Tað snýr seg um princippið, at vit sum fólk, ið livir av havsins rikidømi sleppa at gagnnýta hetta. TAÐ snýr seg ikki hjá føroyingum, tá vit vilja verja grindadrápið, um ein døgurda í dag ella í morgin, men um rættin til í framtíðini at lívbjarga okkum við tí, sum vit hava. Og har er sjálvsagt, at tað er neyðugt at viðlíkahalda grindadráp. Vit vita ikki, um tað ikki koma tíðir aftur her á landi, har grindin kann gerast okkara mest týðandi fødi- kelda. Vit síggja longu í dag, hvussu stóran týdning grind hevur fyri húsar- haldið, nú kreppan rakar so hart. LØGMAÐUR og eisini Atli Dam, fólkatingsmaður, sum leingi hevur havt júst spurningin um grindina sum eitt av sínum hjartamálum, at ikki at gevast við at gera dønum greitt, at teir mugu til at skilja føroysku sjónarmiðini. Onkur vil siga, at tað nú er ov seint, men tað er ongantíð ov seint. Ein gjørd skeiv gerð má ikki automatiskt lata dyrnar upp fyri eini aðrari. Tað má vera fremsta uppgáva okkara nú at tvinga danir til at skilja, at tað kann ongantíð koma upp á tal at friða grindahval, soleingi stovnur- in ikki er hóttur. Hesa søk standa allir føroyingar saman um og tí seta vit okkara álit á tey, sum í løtuni ráða fyri borgum og tey, sum koma at stýra komandi árini, at tey ikki gevast við at berjast fyri hesum sjálvsagda rætti okkara. TÁ tað er so torført at fáa danir at skilja okkara stóðu og teir hava so ilt við at lurta eftir okkum, so hevur tað ikki minst við manglandi kunnleika teirra til Føroyar at gera. Tað hevði ti kanska verið gott um hægsti umboðsmaður dana í Føroyum, ríkisumboðsmaðurin, ið kennir føroyingar og føroysk vidur- skifti, og er sera væl lýddur og dámdur her á landi, at hann tók á seg uppgávuna at greiða sínum arbeiðsgevarum á Christiansborg frá støduni, soleiðis sum hann sær og følir hana. VIT ivast onga løtu í, at Rikisumbods- maðurin hevði megnað hesa uppgávu og nettup tann sannroynd, at føroyingar í stóran mun hava álit á hesum manni, ger eisini, at hann hevdi verið ein góður ambassadørur til tess at greiða sínum arbeiðsgevarum frá okkara støðu. Væl vita vit, at hansara uppgávu er at stuðla sínum arbeiðsgevara í Danmark, men kanska besti stuðulin til júst arbeiðs- gevaran hjá Klinte var, at hann royndi at greiða honum frá veruligu støduni her á landi, hví vit leggja so stóran dent á grindina sum part av okkara nátúliga tilfeingi. Kanska júst rikisumbods- madurin kundi verid vid til at bygt bryr millum føroyingar og danir í hesi tid, har eisini nógvar misskiljingar grava kluftina millum londini djúpri enn gott er. SOSIALURIN fk KEYPSAMTØKAN í STEVNUTILBOD — GALDANDI TIL 11. JUNI KARAT KAFFI FERSKNIR 5 x 500 gram 2 x 850 gram Seydarhøvd pr. stk 26”