fríggjadagur 11. juli 2003síða 17

32 Nr. 129 - 11. juli 2003 Nr. 129 - 11. juli 2003 33 Tað er stuttligt og hugnaligt at vera á summarstevnu. Men tað liggur eitt øgiligt arbeiði aftan fyri einahvørja stevnu, og tað er hugstoytt at síggja, at onnur uttan fyri standandi møta upp á sjálvum stevnunum at fáa sær peningaligan vinning av arbeiðinum, ítrótt- arfólkini í bygdini gera, siga fyrireikar- arnir av Vestanstevn- uni, sum verður í Sandavági um viku- skiftið STEVNA Edvard Joensen Sandavági: Tey leggja hundraðtals arbeiðstímar í stevnuna. Fólkini aftan fyri ítróttar- felagið í bygdini. Soleiðis at stevnugestirnir kunnu fáa ein góða og hugnaliga stevnu bruturúr. Og ikki minst, so ítróttarfelagið kann fáa nakað at liva fyri í komandi tíðum. Síðan einaferð tíðliga í januar hevur nevndin í Sandavágs Ítróttarfelag, SÍF, regluliga hildið fund eftir fund til at fyrireika Vestanstevnuna. Finna fram til, hvørji tiltøk skulu vera hjá stevnugestunum at fara til. Hvørji fólk skulu taka sær av hvørjum. Og ikki minst, hvussu alt tað, ið brúkast skal, skal fáast til bygdina. Tí alt má koma av oynni, vísa tey á.Bara tað er stórarbeiði, sum nógv fólk kanska ikki hugsa so nógv um, tá tey fara á stevnu. Onnur kráma eftir ágóðanum – Tí er tað so mikið meira óhugaligt at síggja, at onn- ur, sum annars avgjørt einki samband hava hvørki við bygdina og als ikki við felagið, sum stendur aftan fyri stevnuna, møta upp, tá arbeiðið er gjørt, at royna at fáa egnan vinning burtur úr tí, sum onnur hava strevast fyri, siga tey, sum standa aftan fyri Vestanstevnuna í Sandavági. Fyrr var tað soleiðis, siga tey, at ítróttarfelagið átti stevnurnar. Men í dag er tað heilt vanligt, at onnur, sum annars als einki hava við hvørki stevnu ella fyri tann skuld bygdina at gera, møta upp við ymsum sølu- búðum og tilboðum av øll- um handa slagi at vinna pening burtur úr. Beinleiðis av tí arbeiði, stevnu-fyri- reikararnir hava lagt í at fáa fólk til bygdar til at stuðla ítróttarfelagnum. – Og eingin ivi skal vera um, siga fyrireikararnir av Vestanstevnuni, at okkum dámar tað sera illa. Øll bygdin við Vestanstevnan í Sandavági í ár er øðrum slíkum stevn- um lík, soleiðis at skilja, at øll bygdin stendur aftan fyri. Nevndin í Sandavágs Ítróttarfelag hevur síðan beint eftir nýggjár arbeitt við at leggja høvuðslinjur- nar. Síðan eru ymsu upp- gávurnar spjaddar út aftur, soleiðis at tá avtornar, er netið, sum heldur stevnuni uppi, rættiliga umfatandi. Eini 200-300 fólk ella so munnu beinleiðis fara at vera til arbeiðis hesar dag- arnar, stevnan verður hildin. Bara til at krevja inn undir kappróðrinum skulu eini 35 - 40 fólk brúkast. Og so kemur alt hitt afturat. Summi skulu syrgja fyri mati til alt róðrarfólkið, sum kemur til bygdina. Onnu skulu passa hoppi- borgir og tivoli. Uppaftur onnur skulu standa fyri matsølu út eftir kvøldinum og náttini. Og so framvegis. Tað skal setast upp og takast niðuraftur. Og ikki minst skal eisini ruddast uppaftur, eftir at stevnan er liðug. Tað er ikki altíð minsta arbeiði av tí. Fremmandavitjan Á hvørjari Vestanstevnu, sum verið hevur seinastu umleið 30 árini, hevur Sandavágur havt vitjan av fólki úr Neskaupstaði í Íslandi. Og í ár verður heldur einki undantak, siga stevnufyrireikararnir. Held- ur verða íslendingarnir fleiri í ár, enn teir plaga at vera. Eini 100 fólk eru væntandi við Norrønu fríggjamorgunin. Og eisini her stendur bygdin aftanfyri. Tí hóast tað er ítróttarfelagið sum stendur fyri stevnuni, er tað kommunan, sum ber kostn- aðin av fremmandavitj- anini. Fremmandu gestirnir búgva í skúlanum, men eta hjá privatfólki. Soleiðis er at kalla hvørt hús í Sanda- vági vertur hjá íslending- unum á Vestanstevnu. Lættari og dýrari Vágatunnilin ávirkar eisini stevnuna, siga fyrireikarar- nir. Tey vænta fleiri fólk, nú fast samband er. Og tað er eisini í stóran mun lættari at fyrireika ymiskt, tí nú vita fólk, at tey altíð kunnu koma og fara, sum teimum lystir. Men tað er vorðið nógv dýrari at reka ítróttarfelag í Vágum, síðan Vágatunnilin lat upp, sigur formðaurin í SÍF. Tí tá siglt varð um Vest- mannasund við ferjuni, bar til at nýta teir gjaldseðlar- nar, sum avtalaðir vóru millum Strandfaraskip Landsins og Ítróttarsam- band Føroya. Men hesir seðlar eru ikki galdandi fyri tey, sum ferð- ast eftir privata vegnum hjá partafelagnum Vágatunl- inum. So tað er í grundini ein rættiliga stór útreiðsla hjá ítrottarfeløgunum í Vágum, at hendan avtalan er burtur. Og so er tað eisin vorðið so tvørligt at ferðast við Bygdaleiðum, at tær verða minni og minni brúktar av ítróttarfólki í Vágum. Eitt nú ber ikki til at fara við bussi úr Vágum inn á Skálafjørðin uttan at fara til Havnar fyrst. Og so er allur dagurin farin til ein dyst, sum, um talan er um eitt nú gentur 12, bara tekur einar 40 minuttir at avgreiða á vølli. Í køkinum í SÍF húsinum eru nógvir tímar brúktir til at fyrireika Vestanstevnuna Mynd: Edvard Joensen Stórarbeiði liggur aftanfyri C M Y K 33 32