leygardagur 17. desember 1994síða 10

Síða 10 Nr. 242 — 17. DESEMBER 1994 Ein skemtari, sum meira enn skemtar Tann, sum setir seg á jólum og hyggur gjølla at nøkrum tekning- um hvønn dag, fær eini góð jól. Oli Petersen dugir ikki bara at gera gerandisdagin, men eisini halgidagarnar ljósari, skrivar Finnbogi Ísakson í ummælinum av bókini »Skemt 94« Eisini í ringum tíðum ber til at smílast og flenna. Tað kann ikki sigast at vera eitt eyð- kenni fyri okkara fjølmiðlar, hvorki teir skrivaðu ella loftmidlamar, at gera sær 6- mak við at fáa tað at lýsa í tann gráa gerandisdagin, sum hevur plágað okkum tey seinastu árini. Tvørturímóti tykir mær, at fjølmiðlarnir sum heild fylgja rákinum, og síggja teir eina skrið, sum stendur til at leypa, gera teir sítt til at fáa hana sama veg sum hinar skriðurnar, ið longu eru lopnar. Í so máta víkja fjølmiðlarnir ikki frá at- burðinum hjá okkum allarflestu: vit elta, sum fyri er slóðað. Og síggja summi grátt, síggja vit øll grát. Einstøk undantøk eru, tíbetur. Nøkur fólk, sum duga at síggja ljóst upp á ein gráan Fremstur millum teirra er klaksvíkingur- in Óli Petersen á Skála. Heilt frá ungum árum hevur hann frøtt, fyrst klaksvíkingar og norðoyingar, síðani allar føroyingar við síni hepnu teknarahond og sínum góðu eygleiðaraevnum. Fólk fóru av álvara at geva sær far um hansara listarligu gávur, tå hann í fimti- árunum — saman við gðrum góðum skemtarum sum Willa Sørensen, Nølla og John Reid — fór undir at geva tað lokala, men fyri tann skyld stuttliga norðoya- stevnuteitid Rukkulakkan út. Óli átti tekningarnar við teimum nógvu og láturvekjandi detaljunum. Eitt skifti teknaði hann í Dimmalætting. Men rættiliga kendur millum føroyingar yvirhøvur er hann vorðin av tekningunum hesi seinastu árini í Sosialinum. Blaðfólk- ini har eiga ikki at taka tað illa upp, at allir lesarar blaðsins fyrst hyggja at baksíðuni teir tíggjar dagarnar um vikuna, tá Oli Tidindabladid CH hevur eina tekning har. Ti, tey kunnu vera góð blaðfólk, hóast tey ikki kunnu kappast við Óla. Tær seinastu ólavsgkurnar hava Oli og Sosialurin sýnt tekningar fram í Smiðjuni, og uppundir jól eru tekningarnar komnar út í bók. Í ár er tann sætta komin við 155 tekn- ingum. Allir listamenn broyta stílin nakað við árnum, eisini Óli. Blaðar tú igjøgnum bók- ina, sum er komin í år, og sammetir hana við ein Rukkulakka, sært tú, at munur er á tekningunum: tær mongu detaljurnar eru um at hvørva, og listamaðurin nýtir ein- faldari strikur fyri at fáa tað fram, sum hann vil gera vart við. Henda broyting hevur so eisini við sær, at summar myndir gerast rættilig portrett, men kortini verður skemtið varðveitt. »Portrett«tekningin av formanninum i Havnar Arbeiðsmannafelag á síðu 35 ber prísin. Ingeborg smæðist ikki burtur undir liðini á honum. Meiningar skorta ikki í bløðum, útvarpi og sjónvarpi. Vit føroyingar hava fleiri meiningar í part. Men ongin kommentator í fjølmidlunum kann javnmeta seg við Ola Petersen. Hann er nevniliga meira enn bara ein skemtari. Aloftast er ein broddur í tekn- ingini. Við fáum strikum og færri orðum rakar hann mangan beinari enn onkur annar í einari heilsíðugrein. Her eru nøkur dómi: Kapping var um navn til tann samanlagda bankan. Óli letur ein Palliba halda einum skelti niður á bakið á einum gðrum Palliba. og áskeltið skrivar hann síni navnauppskot: >Navnleysi Banki<, >Bananbankin< og >Lúsabankin<! Uppundir løgtingsvalid sita tveir Palli- baar á einum viðarbuli. Hann, sum er i hvit- botnaðum gummiskóm og keppi og hevur bót á knænum, lesur eina avís. Hin, sum er í húðarskóm, knæbuksum, posatroyggju og reyðhúgvu, sigur: — Høvdu vit hs 3 av vid hasar politikararnar. Og tann lesandi Palliba hevur hetta klóka aftursvar: — Ja, tað hevði verið deiligt, og fingið nakað av sama slag í staðin fyri! Ella hendan, sum lýsir teir grundleggj- andi 6javnarnar í áhugamálunum hjá teim- um, sum umboða Verkamannafylkingina á tingi: — Ingeborg heldur um høvdid og Oli um stertin á einum toski, og tey toga hvert í sína ætt. Ingeborg vil hava hann upp á land til virkingar. Oli vil hava hann seldan har, sum prisurin er bestur. Sum landsstýrismaður i figgjar- og skattamålum ta tidina, hesar tekningar eru gjørdar, havi eg havt tann heiður at sleppa upp í part. Tann skemtiligasta tykir mær vera tann á síðu 28: Í búskaparliga storm- inum stendur ein rivin og skræddur før- oyingur við hattinum í hondini. Eg komi væl bjálvaður, men hattleysur ímóti honum — undan vindinum, meðan hann hevur mót- vind. Heldur enn at lata nøkur oyru detta niður í hattin, taki eg hattin frá honum og seti hann á høvdid! Tann, sum setir seg á jólum og hyggur gjølla at nøkrum tekningum hvønn dag, fær eini góð jól. Óli Petersen dugir ikki bara at gera gerandisdagin, men eisini halgidagar- nar ljósari. Finnbogi Ísakson Aðalfundur í Havnar Lýst verður til reglu- ligan aðalfund miku- dagin 28. des. 1994 kl. 19.30 við hesi | dagsskrå: 1.Frågreiding 2.Val av 3 nevndar- limum 3.Val av 2 eyka- nevndarlimum 4.Val av grann- skodara 5. Åsetan av upp- tøku- og lima- gjøldum 6. Ymiskt Tórshavn, 15. des. 94 Nevndin