fríggjadagur 25. juli 2003síða 9

16 Nr. 139 - 25. juli 2003 Nýggi álopsspælarin hjá KÍ verður fyrstu ferð sýndur fram, tá ið klaksvíkingar skulu spæla ímóti HB Ólavsøkuaftan ÓLAVSØKU- FÓTBÓLTUR Jóannes Hansen Stóri fótbóltsdysturin á Ólavsøku verður sjálvandi finalan um Løgmanssteyp- ið, sum verður spæld Ólav- søkudag klokkan 15.30. Tá fara B36 og GÍ at takast um, hvat av hesum báðum feløgunum skal verða tað fyrsta at eiga tveir lutir í steypinum, sum tað hevur verið spælt um síðani 1999. Hetta fer at verða gjørt meiri burturúr í morgin. Síðani steypafinalan fyri tveimum árum síðani fyrstu ferð varð spæld Ólavsøku- dag hevur fótbóltsdysturin Ólavsøkuaftan staðið í skugganum, men fyri við- haldsfólkini hjá feløgunum, sum eru partur av dystinum, er tað sjálvandi áhugavert. Hesa ferð hevur HB, sum mikukvøldið gjørdi Europa Cup luttøkuna á hesum sinni burturav sær, bjóðað klaksvíkingum at spæla. HB og KÍ hava spælt á Ólavsøku óteljandi ferðir, og áskoðararnir hjá feløg- unum báðum plaga at leggja nógv fyri. KÍ kemur mánakvøldið í høvuðsstaðin við nýggjum álopsspælara. Jacob Bymar kom fyrst mikudagin til Klaksvíkar, og hann fer at hava vant einar tríggjar ferðir saman við nýggju liðfeløgunum, áðrenn havnartúrin. Hann hevur fingið troyggjuna við 9–tal- inum. Tað man boða frá, at í KÍ síggja teir unga jydan sum fremsta álopsmannin, meðan Hjalgrím Elttør og aðrir skulu stuðla honum, og Ove Nysted kanska fyri tað mesta verður í mið- verjuni. KÍ vitjar HB á Ólavsøku Dyrnar opnar fyri nýggjum møguleikum Jákup Mikkelsen hev- ur skrivað eitt ára sáttmála í Skotlandi, sum ikki verður longdur, um um- støðurnar ikki verða øðrvísi ÚTISETA SÁTTMÁLI Jóannes Hansen Mikudagin gjørdist tað veru- leiki, sum hevur verið í um- búna síðstu stóru vikuna. Jákup Mikkelsen skrivaði undir sáttmála við Partick Thistle í bestu skotsku deild- ini. Harvið er greitt, at før- oyingar aftur við serligum áhuga hava orsøk at fylga við í skotsku landskapping- ini, sum fer at bakkastokki leygardagin 9. august. Tá skal Partick spæla á heima- vølli ímóti Livingston. Jákup kemur heim til Føroya at venda í vikuskift- inum. Mikudagin skal hann til Írlands á venjingarlegu saman við nýggju liðfeløg- unum. Hann fer einsamallur avstað aftur. Fam-iljan verð- ur eftir í Klaksvík. Sáttmála- skeiðið hjá Jákupi í Glasgow felagnum er eitt ár. – Fyri meg er tað stór av- bjóðing at fáa møguleikan at spæla í Skotlandi. Tað havi eg havt ein lítlan dreym um, síðani tað, tá ið eg spældi í Herfølge, segð- ist, at Hibernians úr Edin- burgh var áhugað í at knýta meg at felagnum. Tá hoyrdi eg bara um hetta í pressuni, men seinni fann eg út av, at tað var veruleiki aftanfyri tilboðið, sum Herfølge ikki hevði kunnað meg um. Tað var eg vónbrotin um, men nú er møguleikin har. Væntar tú at vera fleiri ár í Skotlandi? – Ikki undir teimum um- støðum, sum verða gald- andi fyri næsta árið. Hetta er upp á ein máta eitt royndarár. Men tað ber ikki til, at eg skal vera burturi frá konuni og børnunum í fleiri ár. Um eg skal halda fram aðra staðni, so skal sáttmálin vera soleiðis, at familjan kann búgva saman við mær, sigur Jákup Mikk- elsen, sum 14. august fyllir 33 og harvið framvegis átti at havt nøkur góð ár á sum málverji á hægsta støði. Tað er lagt upp til, at Ják- up skal verja málið í tveim- um teimum fyrstu lands- kappingardystunum. So verður málverjin, sum hann er keyptur sum avloysari hjá, væntandi tøkur aftur eftir knæskaða. – Tá verður tað tann, sum venjarin fer at meta sum tann betra málverjan, sum fer at fáa møguleikan í málinum. So tað er eitt hjá mær at gera, og tað er at spæla alt tað, sum eg eri mentur, ásannar Jákup Mikkelsen. At Jákup nú er komin til bretstkan fótbólt letur upp fyri nýggjum møguleikum, sum kunnu gerast til veru- leika, um føroyski lands- liðsmálverjin megnar at spæla upp til sítt besta. Partick Thistle er eitt av minni feløgunum í bestu skotsku deildini. Teir fluttu upp síðsta summar, og hetta fyrsta kappingarárið í bestu deildini skarst tað eftir umstøðunum væl. – Málið er fyrst og fremst at varðveita plássið í bestu deildini. Um tað eydnast at røkka sætta plássinum og harvið at vera við í enda- spælinum um meistara- skapin, so verður tað mett at vera framúr, sigur Jákup Mikkelsen. Tað er áður sæð, at spæl- arar, sum fyrst hava roynt seg í smærru skotsku feløg- unum, skjótt eru seldir víð- ari til eitt av stóru feløgun- um í Skotlandi ella til okk- urt felag í bestu ella næst- bestu deildini í Onglandi. At Jákup nú hevur fingið møguleikan í Partick letur eisini upp fyri hesum møguleikanum. Tí er tað ivaleyst soleiðis, at avbjóð- ingin hetta næsta árið verð- ur tann síðsta hjá Jákupi uttanfyri landoddarnar, ella at hetta verður fyrsta blaðið í spennandi kapitli í bretska fótbóltsheiminum. Triðja felagið Tað var eftir steypafinaluna í 1994, tá ið KÍ hevði vunn- ið 2–1 á B71, at Jákup Mikkelsen fór til Danmark- ar at royna seg sum fótbólts- spælari. Hann fór at venja í Herfølge, har hann skjótt var annar maðurin í kapp- ingini um plássið millum stólparnar. Hæddarpunktið í Danmark var tíðliga á sumri í 2000, tá ið Herfølge púra óvæntað – ikki minst tí Jákup Mikkelsen var so framúr sum málverji – vann meistaraskapin. Árið eftir gekk alt av skriðuni, Herfølge flutti niður, og Jákup kendi tað soleiðis, sum tíðin hjá honum í Herfølge var liðug. Fyri tveimum árum síðani flutti hann til Molde, og har hevur hann verið síðani. Jákup hevur fýra ferðir roynt seg í týdningarmiklum dystum ímóti skotskum lið- um. Hann vardi føroyska málið á Pittodrie leikvøllin- um í Aberdeen, tá ið Skot- land 14. oktober í 1998 vann EM undankappingardyst ímóti Føroyum 2–1, og hann var aftur málverji, tá ið Føroyar grundlógardag í 1999 á heimavølli megnaðu 1–1 ímóti Skotlandi (tað var ta ferðina, at Hans Fróði Hansen javnaði í evstu løtu við fínum stútara). Tá í Her- følge royndi seg í undanum- fari til Europa Cup fyri meistarar á sumri í 2000, var Glasgow Rangers mótstøðu- liðið. Jákup vardi málið í báðum dystunum, sum Rangers vann sannførandi. Hóast Jákup fleiri ferðir hevur staðið andlit til andlit við skotsk lið, so hevði hann ikki roknað við, at skotskur miðal liðfótbóltur var á tí støðinum, sum hann hesa seinastu vikuna hevur verið vitni til. Týsdagin segði hann í blaðnum, at hann var ovfarin av, hvussu tekniskan og hugflogsríkan fótbólt nýggju liðfelagarnir høvdu sýnt undir venjing og í venjingardystunum. – At ferðin var høg, visti eg av, men hana má eg nú rættuliga venja meg við, sigur Jákup Mikkelsen. FCK skal til Malta – Málið er fyrst og fremst at varðveita plássið í bestu deild- ini. Um tað eydnast at røkka sætta plássinum og harvið at vera við í endaspælinum um meistaraskapin, so verður tað mett at vera framúr, sigur Jákup Mikkelsen Maltesiska liðið Sli- ema Wanderers megn- aði óvæntað at basa Skonto Riga úr Let- landi og skal nú møta FCK í næsta umfari FÓTBÓLTUR Stefan í Skorini Todi og liðfelagar hansara í FCK eru farnir undir fyri- reikingarnar til Champions League, og nú er greitt, at danska meistaraliðið skal møta maltesiska liðnum Sliema Wanderers í næsta umfari. Sliema Wanderers megn- aði heldur óvæntað at vinna á Skonto Riga í fyrsta um- farinum. Sliema vann heimadystin 2-0, og seinni dysturin endaði við 3-1 sigri til Skonto Riga. Maltesar komu sostatt víðari við at hava skotið fleiri mál á útivølli. Skonto Riga førdi annars 3-0 í heimadystinum og stóð til at koma víðari, men so fekk Sliema tað altavgerandi útivallarmálið í evstu løtu eftir beinleiðis fríspark. Fyrri dysturin millum FCK og Sliema Wanderers verður spældur í Parkini tann 30. juli, og returdyst- urin verður eina viku seinni niðri á Malta. Í triðja og síðsta undan- umfarinum til Champions League kann FCK møta sera sterkari mótstøðu. Tal- an er um lið sum Chelsea, Newcastle, Deportivo la Coruna, Lazio, Dortmund og onnur stórlið. Tó kann hepni vera við FCK, og teir fáa eitt veikari lið í síðsta umfarinum, um tað eydnast vinna á Sliema. Íslendingar ov stuttir Íslendsku meistararnir KR úr Reykjavík megnaðu ikki at koma víðari hesuferð. KR møtti FC Pyunik úr Ar- menia, og armenska meist- araliðið vann 2-1 samanlagt. FC Pyunik vann fyrra dystin 1-0 á heimavølli, og seinni dysturin, sum varð spældur á Laugardalsvøllin- um í Reykjavík, endaði 1-1. Armenar komu framum miðskeiðis í seinna hálv- leiki, og so skuldi KR hava trý mál fyri at koma víðari. Bjarki Gunnlaugsson javn- aði við brotssparki, men tað batti einki uppá støðuna hjá íslendingum. C M Y K 16 Nr. 139 - 25. juli 2003 17 Síðan Prentmiðstøðin í Havn byrjaði virksemi sítt í 2000, hava nógv ungfólk arbeitt fyri hesa fyritøku, summi pakka bløðini og onnur bera tey út til hald- arar. Tað eru tey stóru tíð- indabløðini, Dimmalætting og Sosialurin, sum eiga Prentmiðstøðina, sum hev- ur til uppgávu at prenta bløðini og bera tey út til handlar og haldarar kring landið. Fyrstu tíðina vóru tað bert leygardagsbløðini, sum vórðu borin út hvørt fríggjakvøld. Síðan apríl 2001 hava bløðini verið borin út hvørt kvøld í vikuni í Havnini. Tilsamans 180 ungfólk kring landið arbeiða fyri Prentsmiðjuna. Stjóri á Prentsmiðstøðini er Eyðun Húsgarð, og sam- skipari fyri flutningi og út- beringina er Hallstein S i g u r ð s s o n . Prentmiðstøðin prentar eisini nogv onnur bløð. Nógv av teimum ungu, sum ganga við bløðum, eru eisini ítróttarfólk, tey svimja, spæla hond- og fótbólt o.a. Herfyri vórðu nakrir av dreingjunum, sum arbeiða fyri Prentmiðstøð- ina, úttiknir til U17-lands- liðið í fótbólti. Dreingirnir, sum vórðu úttiknir og ar- beiða fyri Prentmiðstøðina, eru: Pætur T. Jørgensen í HB, Ólavur í Ólavsstovu í HB, Christian R. Mouritsen í HB, Ásbjørn V. Gunnars- son í B36 og Jóhan V. Gunnarsson í B36. Hóast hesir dreingirnir eru nógv upptiknir við venjing o.a., hava teir tíð at arbeiða fyri Prentmiðstøðina og ganga við bløðum. Teir eru glaðir fyri hetta arbeiðið, sum gevur teimum pening, ið teir sjálvir ráða yvir. U17-landsliðið skal lut- taka í NM-kapping í Noreg frá 26. juli til 4. august. Teir, sum vórðu útiknir til U17-landsliðið, eru: Bárð- ur Mittelstein, Poul Thomas Dam, Christian R. Mouritsen, Pætur T. Jørgensen, Ólavur í Ólavsstovu, Tróndur Kragesteen, HB. Jóhan Davidsen, Einar Hansen, NSÍ. Borgar Kristiansen, Skála. Urbanus Olsen, Kristoffur Jacobsen, KÍ. Jóhan V. Gunnarsson, Ás- bjørn V. Gunnarsson, B36. Jón Krosslág, VB. Sam Jacobsen, Per Jacobsen, GÍ. Andreas Lava Olsen, Rógvi Ryggshamar, LÌF. Við í ferðalagnum verða hesi við sum leiðarar og hjálparfólk: Rúni Heinesen, ferðaleiðari, Bill Mc.Leod Jacobsen, venjari. Heðin Askham, hjálparvenjari. Thom Jakobsen, liðleiðari, Fanny Kruse, fysioterapeutur, Oddmar Andreasen, dómari, Henry Heinesen, hjálpari. Ferðalagið fer úr Føroy- um leygardagin 26. juli til Oslo, og koma tey heim aftur mánadagin 4. august. Dystirnir teir skulu spæla verða hesir: Týsdagin 29. juli Føroyar-Skotland Mikudagin 30. juli Svøríki-Føroyar Fríggjadagin 1. august Føroyar-Finland Sunnudagin 3. august Plaseringsdystur Frá Prentmiðstøðini verður sagt, at hóast áhugin er stórur fyri at ganga við bløðum, eru øll áhugaði vælkomin at seta seg í samband við teir á teldu- postadressuni: prent@prent.fo. og skriva navn, bústað, telefon og aldur. Tey, sum ganga við bløðum, skulu hava fylt 13 ár. Blaðútberarar úttiknir til U17-landsliðið Blaðútberarar, ið eru úttiknir til U17 landsliðið, inni á Prentmiðstøðini, f.v. Ólavur í Ólavsstovu, Christian R. Mouritsen, Pætur T. Jørgensen, Ásbjørn V. Gunnarsson, og Jóhan V. Gunnarsson. Saman við teimum eru, Eyðun Húsgarð, stjóri á Prentmiðstøðini og Hallstein Sigurðsson, samskipari fyri flutning og útbering 17