mikudagur 3. september 2003síða 11

Nr. 165 - 3. september 2003 21 Í einum lívligum dysti fingu runavík- ingar vaskað stór- tapið fyri Lyn av sær, og hildu teir sostatt fast í jagstranini eftir oddaliðunum FÓTBÓLTUR Jákup Mørk Fyrsta europeiska ævin- týrið hjá Runavík endaði við brestin, tá teir fyrr í vikuni vóru fyri einum syngjandi 6-0 tapi í úti- dystinum móti norska Lyn. Tí var setningurin fyrst og fremst at reisa seg sálar- liga, nú EB/Streymur kom á vitjan. Ein dystur, sum fyri NSÍ hevði alstóran týdning, um fylgjast skuldi við hinum oddaliðunum, sum leiktu sunnudagin. Fyri EB/Streym hevði dysturin ikki minni týdn- ing. Liðið hevur staðið seg væl í ár, og um talan kundi gerast um stig við Løkin, mundu fólk av álvara fara at tosa um møguleikan fyri europeiskum fótbólti. Prát, sum annars man hava verið veruleikafjart tey árini, sum felagsliðið higartil hevur verið í bestu deildini. Lívligt við góðari ferð Og tað var ein sannroynd, at báðir partar løgdu nógv fyri mánakvøldið. Ferðin varð alt fyri eitt sett hampuliga høgt, og tá bæði liðini royndu at breiða spælið út á vengurnar, soleiðis at sleppast kundi inn um fløtu verjurnar, gjørdist talan um rættiliga lívligt undirhald, har spælið hevði hug at ferðast aftur og fram. Tað var tó heimaliðið, sum hevði størra trýstið á ketlunum hesa fyrstu løt- una. Serliga lá væl fyri hjá kvika Jónstein Petersen at renna seg inn um verjuna, og møguleikar spurdust eis- ini burturúr. Helgi L. Peter- sen og Karsten From høvdu eisini havt onkrar av hesum í part, tá tað um miðjan hálvleikin eydnaðist Helga at fáa bóltin í kassan. Upp- spælið kom í vinstru, hað- ani Jónstein seindi innfyri. Ian Højgaard var fyrstur á harða innlegginum, og tá bólturin so brast í stólpan, kundi Helgi gera seinasta arbeiðið. Hetta gav kanska runa- víkingunum betri frið yvir spælið, og eina løtu tóktist eisini, sum um EB/Streym- ur fánaði nakað. Men bert eina løtu. Dreymamál avgjørdi Seinasta løtan av fyrra hálvleiki og at kalla allur seinni hálvleikur vóru nevnliga sera undirhald- andi. EB/Streymur hevði ongan hug at geva skarvin yvir. Heldur ikki eftir at Karsten From við sínum fyrsta málið fyri NSÍ hevði økt til 2-0 eftir horna. Eitt mál, sum annars varð feirað við manér, tá Karsten fyrst takkaði liðfeløgunum og síðani áskoðarunum. Kanska átti hetta málið eisini at punktera gestirnar, men tað gjørdi tað ikki. NSÍ tók seg kanska eisini eitt vet aftur á vøllin, og so trýsti EB/Streymur. Møgu- leikarnir komu eisini, men hvørki Egil á Bø ella Marni Djurhuus fingu sett høvdið nóg væl á, tá teir í tveimum førum komu at standa væl fyri. Og so mundi tað eisini hjálpa væl hjá NSÍ, at Sorin Anghel ikki fekk verið við hjá EB/Streymi. Ikki tí at spælið út á vengurnar var nakað vánaligt hugskot, men til tíðir tóktist hetta nakað einstáttað, soleiðis at Óli Hansen og co. aloftast vóru hægstir, tá bóltarnir vórðu sendir inn. Sum tíðin leið, so bendi alt eisini tann vegin, at NSÍ skuldi megna at ríða storm- in av. Sjálvir høvdu heima- menninir eisini nøkur vandamikil kontra, tá EB/ Streymur flutti alt meira fólk niðan, men tað var so ikki úr hesum, at seinasti seymurin varð settur í kist- una. Uppspælið var av teim- um meira róligu, og eingin mundi sum so gruna nakað, tá Sjúrður Jacobsen fekk bóltin. Staddur einar 35 metrar úti frá málinum gjørdi bakkurin tó ikki mætari enn at langa til, og so kundi gestirnir bara hyggja at, meðan bólturin streyk beina leið upp ímóti horninum, uttan at Gunnar á Steig hevði nakran møgu- leika at røkka honum. Eitt satt dreymamál, sum eisini fekk guliganz á bakkanum at syngja um, at tað bert er ein Sjúrður Jacobsen. At tað so sambært telefon- bókini á netinum eru í minsta lagi fimm, var tó ikki nakað, sum teir mundu leggja stórvegis í. Á vøll- inum var bert hin eini, og mál hansara hesaferð er heldur ikki eitt slíkt, sum tað koma serliga nógv av. Gera sjálvir av Og við sigrinum hevur NSÍ altso togað seg uppaftur í oddin. Teir hava framvegis møguleikan at gera seg galdandi í gullstríðnum, og fyri tað nógva kunnu teir eisini sjálvir gera av, hvussu langt teir skulu røkka. Ikki minst í teimum báðum komandi dystunum. Tá skulu teir fyrst á vitjan á Svangaskarði, fyri síðani at taka ímóti B36, og verður talan um stig her, so er nógv, sum bendir á, at teir í øllum førum skulu endur- taka silvurmerkini frá sein- asta kappingarárið. Hjá EB/Streymi var tapið hinvegin helst eitt bein- leiðis farvæl til møguleikan at blanda seg heilt uppi í toppinum. Tað munnu tó vera fá, sum eru beinleiðis ónøgd um hetta, tí liðið hevur longu nú staðið seg betur enn nakrantíð áður. Og á pappírinum tykist møguleikin eisini vera, at liðið kann klintra í øllum førum nakað upp. Komandi umfarið taka teir ímóti oddaliðnum úr HB, og so eru dystir móti trimum lið- um, sum øll eru stødd niðanfyri EB/Streym á talvuni. So hóast eitt farvæl til Europa, so bendir alt á metár kortini, og tað man nú heldur ikki vera so galið. Dysturin í tølum NSÍ-EB/Str. 3-0 (1-0) 1-0: Helgi L. Petersen, 23 2-0: Karsten From, 50 3-0: Sjúrður Jacobsen, 81 Dómari: Birgir Sondum Hevði gott tamarhald á, og royndi ofta at samskifta við leikararnar við orðum, heldur enn kortum. NSÍ: Jens Martin Knudsen – Brynjolvur Nielsen, Óli Hansen, Messias Pereira, Sjúrður Jacobsen – Gert Langgaard (Jústinus R. Hansen, 25), Kári Hansen, Ian Højgaard (Rúni Ras- mussen, 64), Jónstein Petersen – Karsten From (Sonni L. Petersen, 80), Helgi L. Petersen EB/Streymur: Gunnar á Steig – Gert Hansen, Andrzej Pacek, Egil á Bø, Bárður Olsen – Marni Djuhuus, Marek Wierz- bicki, Ronnie Samuelsen, Jákup Martin Joensen (Esmar Eiðisgarð, 76) – Hans Pauli Samuelsen (Ingi Hansen, 46 (Teitur Joensen, 65)), Magni á Lakjuni NSÍ-EB/Streymur 3-0 (1-0): NSÍ reistist Har var nógv ferð á, tá EB/Streymur vitjaði NSÍ mánakvøldið, men tá alt kom til alt, vóru tað heimamennninir, sum drógu longra stráðið Mynd: Álvur Haraldsen 21 Eftir ÍA sigur á Fylkir var tað mánakvøldið greitt, at KR er meist- ari longu tvey umfør undan kappingarenda ÍSLAND Jóannes Hansen Íslendska landskappingin heldur frí næsta vikuskifti. Tá skulu íslendingar spæla mest spennandi landsdystin nakrantíð. Týskland vitjar á Laugardalsvøllinum, og um Ísland fer at vinna, so hava teir heilt góðar møguleikar at sleppa við í EM enda- spælið í Portugal næsta summar. Tvey tey næstu vikuskift- ini verður endaspurturin í landskappingini. Men longu mánakvøldið varð greitt, at eingin spenningur er eftir um, hvør skal verða meistari. Julian Johnsson og liðfelagarnir í ÍA vóru á Árbæjarvøllinum í Reykja- vík, har teir vunnu 1–0 ímóti Fylkir. Fylkir var einasta felagið, sum fram- vegis hevði møguleika at røkka KR. Tá ið Fylkir tapti var greitt, at KR, sum sama kvøld hevði vunnið 3–1 í Grindavík, var meistari. Teir hava 33 stig, meðan ÍA og Fylkir hava 26 stig. Hetta var annað árið á rað, at ÍA við at spæla kappingarneytanum hjá KR eitt puss var orsøkin til, at KR vann meistaraheitið undan kappingarenda. Hetta spældu teir eitt sindur upp á í íslendsku pressuni í gjár, tí ÍA og KR eru gamlir kappingarneytar, og upp- gerðirnar millum stóra felagið í vesturbýnum í Reykjavík og Akranes hava í mong ár havt serligan dám yvir sær. KR hevur vunnið meist- araheitið 24 ferðir. Teir eru í hálvfinaluni í steypa- kappingini, og teir ætla sær at vinna báðar kappingar- nar. Í steypakappingini er ÍA millum kappingarneyt- arnar. Bara undanvindur Fyri einum lítlum mánað síðani ella 10. august vóru teir á Akranesi á 8. pláss- inum og harvið heilt tætt at niðurflytingarplássunum. Síðani tá hevur gingið sum eftir ánni. ÍA hevur vunnið fýra sigrar upp í slag. Mánakvøldið var tað tætt og spennandi á útivølli ímóti Fylkiri. Tað var fitt av vindi, og tað regnaði. ÍA hevði undanvind í fyrra umfarinum, og tað var málleyst inntil fýra minuttir vóru eftir. So skoraði Kári Steinn Reynisson fyri ÍA við fínum skoti upp í málhornið. Har- við var KR meistari, og harvið var eisini greitt, at ÍA hevði lyft seg úr fjórða og fram á næstfremsta plássið, samstundis sum teir høvdu trýst Fylkir niður á triðja plássið. Bæði liðini hava 26 stig. ÍA hevur mál- munin +5, og Fylkir hevur málmunin +2. Um dystin mánakvøldið verður sagt, at hann ikki var serliga væl spældur, at mál- verjarnir og miðverjarnir stóðu seg væl, og at tað mesta snúði seg um stríð á miðvøllinum. Tað plagar at vera matur fyri Julian Johnsson. Í tveimum teimum sein- astu umførunum tykist tað sum um, at avbjóðingarnar hjá ÍA eru eitt sindur tor- førari, enn tær eru hjá Fylk- iri, men eitt er, hvat støðu- talvansigur, og eitt annað er, hvussu nógv mótstøðu- liðini fara at kenna seg kroyst at leggja fyri. ÍA skal spæla á heima- vølli ímóti Grindavík, sum er mitt í røðini og á útivølli í Vestmannaoyggjunum, meðan Fylkir skal spæla á útivølli á Akureyri ímóti illa sperda KA og á heimavølli ímóti Vali, sum eisini er heilt illa spert. Hjá ÍA ræður um at vinna, og soleiðis sum gongdin hevur verið síðsta mánaðin, so skuldi einki verið í vegin fyri, at Akranes fer at fáa fulla úrtøku, og at teir harvið hava góðar møgu- leikar at vinna silvurkrón- urnar. Nr. 165 • mikudagur • 3. august 2003 • 77. árgangur • www.sosialurin.fo Sjúrður Jacobsen var sum vera man fegin um óvanliga vakra málið, men legði sam- stundis dent á, at stig- ini vóru tað týdning- armesta á degnum LEIKARAPRÁT Jákup Mørk Einki var at ivast í, hvør dagsins detalja í dystinum mánakvøldið var. Við drønandi 3-0 máli- num úr 35 metrum fekk Sjúrður Jacobsen eisini hópin av rósum og glósum frá mót- og viðleikarum, eins væl og áskoðarum eftir dystin, og tá vit hittu hann á máli eftir dystin, mátti hann eisini viðganga, at hetta var eitt av teimum heilt góðu skotunum. – Eg havi nokk ongan tíð rakt bóltin so væl, sum eg gjørdi hesaferð. Hatta var ótrúliga stuttligt at síggja, tá bólturin streyk í málið, tók hann til eftir dystin. Men frá 35 metrum. Er tað nakar, sum hugsar um at skjóta mál so langt úti- frá? – Tað hendir jú viðhvørt. Bólturin lág væl fyri, so eg royndi bara. Onkur sigur kanska, at tað var heppið, men hepnið skal jú eisini uppsøkjast, tók hann flenn- andi til. Mugu bara royna Men líka mikið hvussu var og ikki við málinum, so helt Sjúrður tó eftir dystin, at tað vóru tey trý stigini, sum høvdu størsta týdn- ingin fyri liðið. – Tað er so einki at ivast í. Tað var tað, sum vit fóru eftir, og við hesum eru vit aftur við í oddinum. Har hava vit dyst á Toftum komandi umfarið, og tá fara vit so aftur eftir stig- um. B68 er kanska eisini tað liðið, sum koyrir best í løtuni, so tað er einki at ivast í, at tað verður ein trupul uppgáva, men vit fara so eftir trimum stigum. Tað var heldur ikki nøkur løtt uppgáva hesaferð, tí EB/Streymur royndi alla tíðina, í øllum førum til 3-0 málið, men tað gekk so hesaferð. Og tað er so tað, sum vit mugu royna at gera hvørja ferð, tað sum eftir er av kappingini, og so fáa vit at síggja, hvussu langt tað røkkur, segði fegni mál- skjúttin at enda, áðrenn børnini við girðingina aftur sluppu at spyrja um, hvussu hann bar seg at við hasum skotinum. Besta skotið nakrantíð – Eg havi nokk ongan tíð rakt bóltin so væl, sum eg gjørdi hesaferð, helt Sjúrður um málið, sum ivaleyst er tað besta við Løkin í ár Íslendska Landsbankadeildin v t d v - j - t mál mál +/- stig 1 KR 16 10 - 3 - 3 28 18 10 33 2 ÍA 16 7 - 5 - 4 24 19 5 26 3 Fylkir 16 8 - 2 - 6 22 20 2 26 4 FH 16 7 - 3 - 6 26 24 2 24 5 Þróttur 16 7 - 1 - 8 27 25 2 22 6 Grindavík 16 7 - 1 - 8 22 28 -6 22 7 ÍBV 16 6 - 2 - 8 22 24 -2 20 8 Fram 16 6 - 2 - 8 21 28 -7 20 9 KA 16 5 - 3 - 8 26 25 1 18 10 Valur 16 5 - 2 - 9 20 27 -7 17 Føroyskir leikarar: Julian Johnsson (ÍA) Julian er nú næstfremst C M Y K 20