týsdagur 30. juni 1998síða 13

Nr. 120 - 30. JUNI 1998 Øssur Hansen hjá B68 roynir at sleppa framvið Dann Knudsen hjá NSÍ, sum vann grannauppgerðina móti toftamonnum við fýra málum móti einum Mynd: Jonhard Hammer Avgerðin fall eftir einari litlari lotu Fótbóltur: NSÍ vann stórt á grannunum, og aftur eina ferð varð staðfest, at í fótbólti eru marginalirnir sera smáir Í stongina og inn ella í stongina og út. Øll tey, sum hava havt nakað við fótbólt at gera, vita, at tað ikki so sjáldan eru smálutir, sum gera av, um eitt lið skal hava viðrák og sigur, ella um tað skal ganga heilt ødrvisi enn teir høvdu vónað. Uppá ein máta mundi hetta kennast soleiðis hjá toftamonnum, tá teir við Løkin í Runavík vóru annar parturin í tættari og alt ann- að enn væl leiktari granna- uppgerð. B68 var á odda 1-0, tá tað restaði ein minuttir av fyrra umfarinum. Málið fingu teir eftir 32 minuttir, og talan var um stórt verjukiks. Fyrst mistók NSÍ verjan seg í uppspæli í vinstru, Øssur Hansen setti ferð á í brots- teigin, men hann steðgaði á, og so tóktist møguleikin at vera burtur, men enn eina ferð mistók NSÍ verjan seg, tá bólturin varð sendur í føt- urnar á Øssuri Jacobsen, sum staddur um brotsteig- armarkið smekkaði til í mál- ið. Og so var tað tveir min- uttir fyri hálvleik: Saman- hangandi spæli hevði tað verið millum lítið og einki av, men hesa ferð megnaði B68 at spæla seg igjøgnum í høgru, bólturin varð send- ur inn fyri málið, og meðan NSÍ málverjin stóð við fremru stong eydnaðist tað ikki hjá Øssuri Hansen fyri opnum máli at raka bóltin nóg væl. NSI fór í snarålop, Kasp- er L. Jacobsen stakk Gert Langgaard (fyri fyrstu ferð í langa tíð á liðnum) leysan í høgru, og Kristian Høgni Jacobsen møtti flata inn- legginum, sum hann kan6n- eraði í meskarnar. Í staðin fyri 2-0 til B68 var stødan 1-1, og eingin ivi kundi vera um, hvør var sinniliga om- anå undir hvildini. Storsigurin Fyrsta lítla korterið av seinna umfarinum var sera lítið skil á samanspælinum, og møguleikarnir vóru fáir. Andréy Stakhánov hevði hin størsta, tå hann um brotsteigarblettin sendi vid síðuna av málinum, eftir at Øssur Hansen og Øssur Jac- obsen vóru komnir igjøgn- um í vinstru. 58 minuttir vóru farnir, tå NSÍ legði seg framum. Arn- finn Olsen hjá B68, sum beinanvegin eftir steðgin kom á vongverjan í høgru fyri Inga Hansen, legði inn- fyri, málverjin fekk fatur á og sendi høgt og langt und- an vindinum. B68 verjan kendi seg noydda at geva horna, og eftir tvey innlegg var Óli Hansen leysur við handara stólpan og stútaði í kassan. So kendu toftamenn seg noyddar at flyta fólkið eitt vet longri fram, miðverjarn- ir tóku meiri lut í álops- spælinum, og í eina løtu hekk tað betri saman hjá B68, enn tað annars hevði gjørt. Heimaliðið var væl og virðiliga greitt um støduna. Kanska vildu teir taka meiri lut í spælinum, enn teir gjør- du hesa løtuna, tá teir duttu ov langt aftur fyri at verja leiðsluna, men teir sóu alla tíðina møguleikan fyri long- um sendingum til illa ans- aðu álopsmennirnar, og tá 83 minuttir vóru farnir gjørdist Kristian Høgni Jac- obsen púra leysur eftir dia- gonalsending, og so var 3- I. Eddie Mikkelsen loysti Sjúrða Jacobsen av á vinstra vongverja síðstu løtuna. Hann er kendur fyri at leggja vandamikil horna- spørk innfyri við vinstra beini úr høgru, og í síðstu løtu evnadi hann at lyfta í handara síðunetið, og so var 4-1. Í kjallaranum og á loftinum Sjálvsagt vóru teir fegnir í NSI, og soleiðis sum tað tórnaði út, so var einki at síga til, at teir vunnu. Teir høvdu fleiri møguleikar í 2. hálvleiki, og meðan tað var 1-0 til B68 í 1. hálvleiki, stútaðu teir á heimaliðnum eitt innlegg í stólpan. Í hesum HM tíðum verð- ur ofta tosad um, hvønn spælistíl liðini hava at fella aftur á, um tað gongur eitt sindur striltið. At síggja til hava teir í Runavík eitt sind- ur ilt við at vísa ein ávísan stíl, sum tað kanska kundi roknast við, at eitt lið á heið- ursmerkjaplássi skuldi havt. Aðalmerkið er, at teir stríð- ast og eru ágangandi, tá måtstødumenninir royna at byggja upp, og úrslitini hava víst, at urtøkan er ikki so lítil. Hjá toftamonnum munnu høvdini hanga, nú teir eru farnir í summarfrí. Tað svíð- ur í tveimum umførum at tapa samantalt 9-2, og burt- ursæð frá einstøkum lítlum glottum, so má staðfestast, at heldur ikki hea ferð hekk tað saman, hvørki á verju- partinum ella í álopspartin- um. Petur Erhard Kjærbo var aftur hesa ferð ein fínur dómari. Men tað cr óhepp- ið, at hann ikki markerar beinanvegin, hvørjum hann brikslar fyri og hvønn veg hann dømir. Spælararnir mugu bíða, til hann kemur á staðið. Tað ørkymlar, og tað kann hava óheppið árin á spælið. jh 15 — beint nú FRANCE 98 L3UPC DO RORDZ Emil Lisberg Jacobsen Nú koma brakini | Tveir dystir um dagin, onkuntíð tríggir. Tað eru korini, fótbóltsáhugaðir sjónvarpshyggjarar og onnur við mugu liva við í hesum tíðum. Eisini tey, sum eru um at sålast av øllum hesum fótbóltinum, sum verður sparkaður inn í føroysku stovurnar í hesum døgum. Við hesum mongu dystunum noyðist tú at passa tær løgir, um tú vilt fáa sum mest burtur úr HM- kappingini. Sjálvur royni eg at velja teir mest áhugaverdu dystirnar burturúr, meðan hinir, sum ikki síggja so spennandi út, mugu noyðast við samandráttir ella finna als ikki vegin fram til mini so smátt fótbóltsmóðu eygu Nøkur lið eru eitt »must«. Ongland, Brasilia og Danmark (eg havi ikki verið niðri á Flatlondum og lært meg danskt, sum onkur annars vildi vera við herfyri — tað havi eg lært í Glyvra Skúla og av at lesa Anders And) verða altíð krossað av í kalendaranum, og jugoslaviska liðið er so avgjørt eina messu verda. Dystin millum Italia og Noreg legði eg ikki í at hyggja eftir. Bara nøvnini á liðunum siga, at tað kann ikki vera áhugavert at síggja — og tað var tað heldur ikki, havi eg latið mær fortalt. Onkur grætur um, at norðmenn (P. C. Norway) ikki eru við meir, men eg eri ikki ein av teimum Tað er ein keðilig stóða at vera i, tá tríggir United- menn eru á norska landsliðnum, men har taka mínar kenslur fyri undirhaldi yvir. Annars var tað upp á tíðina, at vit sluppu av við allar >ífyllurnar<. Tað er ikki fyrr enn nú, at tey stóru brakini vera — tað fyrsta longu í kveld millum Argentina og Ongland. Og sunnukvøldid fingu vit tað fyrsta veruliga óvæntaða úrslitið, tå Danmark bukaði nigeriansku humørspælararnar, sum ikki vóru í góðum lag hetta kveldið. Michael Laudrup var sum í ungum døgum, og ein dystur millum Danmark og Brasilia kann ongantíð blíva annað enn undirhaldandi. Ella hvat...? £ Í skrivandi løtu er Mexico tað einasta landið uttanfyri Europa og Suðuramerika, sum er eftir í kappingini. Fráfarandi FIFA-forsetin, brasilski Joao Havelange, segði einaferð, at eitt afrikanskt land skjótt verður heimsmeistari. Tað fekk hann nakrar atkvødur afturat fyri, men vit mugu longu nú staðfesta, at:tað er langur vegur eftir hjá afrikanarunum, áðrenn teir veruliga kunnu fáa fatur á tí óvanliga ljóta gullklumpinum hjá FIFA. Tað eru framvegis teir tungu dreingirnir úr Europa og Suðuramerika, sum vita, hvussu farast skal fram til tær stóru kappingarnar: Spara upp á kreftirnar, tá tú kanst, og tak øll mótsteðulið í álvara. Tað gjørdi Nigeria ikki móti Danmark, og so kundi tað ikki ganga ødrvisi. Sum Kári Cool hevði sagt tað: Vánaligt!