hósdagur 8. januar 2004síða 9

16 Nr. 4 - 8. januar 2004 Nr. 4 - 8. januar 2004 17 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundir føðingardagar, brúðleypsdagar, starvssetanir og -dagar. Fríggjadagin 9. januar hava hjúnini, Elinborg og Sólarn Solmunde í Syðrugøtu, gullbrúdleyp. Sólarn er føddur 20. juni 1926 og er sonur Hans Marius og Jóhonnu Sol- munde úr Søldarfirði. Hann var bert seks ára gamal, tá hann misti mammu sína av tuberkla- sjúkuni, og gjørdist hon bert 29 ára gomul. Sum 20 ára gamal fór hann til skips, til Íslands við íslendskum togara og so seinni eitt nú til Grøn- lands við Jóannesi Paturs- syni. Seinnu helvt av seksti- árunum og fram til seinast í sjeytiárunum, arbeiddi hann á fiskamjølverksmiðj- uni í Syðrugøtu til hetta virki helt uppat. Síðani starvaðist hann hjá SEV, til hann fór frá vegna aldur. Sólarn røktaði 3 haga- partar í Søldarfirði í einum tíðarskeiði uppá 30 ár. Hagin Á Fløtum sum Rólant Olsen átti, røktaði hann í 30 ár. Hagin Í Skrið- unum sum ytrimenn áttu, røktaði hann í eini 20 ár og hagin Undir Kletti sum Sámal Jákup Lamhauge átti, røktaði hann í uml. 10 ár. Hann var dyggur í ráðum og skilamaður tá tað snúði seg um seyð og seyðahald, kendi sum fáur hvønn ein- stakan seyð og fleiri seyða- ættarlið hjá bóndum og traðarmonnum. Hann giftist við Elinborg í Bartalsstovu úr Syðru- gøtu, og búsettust tey har. Elinborg er dóttir Malenu og Hans í Bartalsstovu, hon er fødd 19. juni 1929 og fór hon sum ung niður til Dan- markar at tæna og síðani á Sorø Húsarhaldsskúla. Tá prentsmiðjan Estra byrjaði sítt virkið í Syðru- gøtu í 1966 í einum goml- um pakkhúsið úti á kajuni, vóru bert 2 starvsfólk - Elinborg og stjórin, Stig Rasmussen. Hans í Bartalsstovu seldi olju og bensin í Syðrugøtu í nógv ár, seinnu árini tók Elinborg sær av hesum starvi burturav. Elinborg hevur haft stór- an áhuga í ættargransking, og mangar eru tær ættar- talvur, sum hon hevur latið úr hondum. Elinborg og Sólarn eiga 2 døtrar, Jórun og Maigun, og eiga tey 5 barnabørn og eitt langommu- og lang- abbabarn. Heimið í Syðrugøtu hev- ur altíð verið eitt opið og lívligt heim, merkt av gestablídni, og hava nógv fólk haft sína dagligu gongd har. Dagurin verður hátíðar- hildin saman við familjuni. Í dag 8. januar verður Martin E. Hansen í Fuglafirði 80 ár. Sum 16 ára gamal fór Martin í læru sum timbur- maður hjá Kristian hjá Benadikt í Fuglafirði. Hetta var undir krígnum, og lítið byggitilfar fekst til vega. Hetta gjørdi, at lítið varð av timburarbeiði og tí varð nógv málaraarbeiði gjørt tey fyrstu árini. Martin hev- ur dámað sera væl hand- verkið, og hevur alt sítt arbeiðslív verið innan hetta yrki. Guds orð hevur ligið Martini tætt at hjarta. Tann strævni gerandisdagurin hevur ikki køvt áhugan fyri orði Guds og áhugan fyri at kunngera evangeliið. Ser- liga tey seinnu árini er nógv tíð farin til lesnað, og áhugavert er at samskifta við Martin um ymisk anda- lig viðurskifti, har hugsjón- irnar ikki altíð verða tillag- aðar rákinum, ið er frammi í dag. Hetta ger mangan, at ljósið verður varpað á av- bjóðingar, ið nógv onnur ikki gáa um. Hóast aldurin er vorðin høgur, so er áhugin fyri viðurskiftunum kring okk- um framvegis stórur. Hetta er bæði galdandi fyri við- urskifti heima á klettunum og heilt til viðurskiftini í Miðeystri, ið mangan verða umtalað í ljósinum av tí profetiska Orðinum. Martin hevur altíð havt stóran áhuga fyri kríatúrum og náttúruni, og nú, tá røkt- ingararbeiðið ikki kann gerast longur, koma teir dagligu morguntúrarnir á asfaltinum væl við. Hædd- arpunktið á túrinum er at sita undir opnum himli úti á Breiðá, lítandi út á Pollin og norð ígjøgnum Djúpini, við heimbygdini innari. Hetta stórbæra umhvørvi, ið er Martini so kent - sum røktingarmaður á Rustini, frá torvskurði í Góðadali og á floti í fjørðinum. Her, ið hann hevur búleikast øll síni ár, kann hann í dag sita og gleðast um eitt lív, sum bæði hevur havt viðgongd og mótgongd, men har hansara klettafasta trúgv, hevur roynst eins og fjøllini um bygdina, sum lívd og skjól, eins og hansara góði vinur, ið fyri nøkrum døgum síðani legði árarnar inn, yrkti : Tey fjøll umkring mítt heimaból, Tá ódn seg hevur hvest, Øll hava roynst sum lívd og skjól Og vart mítt heim sum best. Sami yrkjarin sigur eisini, at sjálvt um lágur landnyrðingur kann leika hart á, so er hinvegin vakurt at skoða lágan landnyrðing tá »tó stormandi, mest eingin ætt, er har, sum fólk mítt býr.« At skoða norð ígjøgnum Djúpini á lágum landnyrðingi kann verða øgiligt, men inni í bygdini har »fólk mítt býr« er stilli. Í øllum gerandisligum baksi, hevur Martin, eins og flest onnur, upplivað bæði stormandi lágan land- nyrðing og stilli, men gott er at vita á kvøldi lívsins, at vit brátt skulu verða heima har »fólk mítt býr«, hvar altíð er stilli. Elinborg og Sólarn Solmunde gullbrúdleyp Martin E. Hansen 80 ár Pápi var føddur á Húsum, sonur Marius Olsen av Gørðum á Húsum og Elspu f. Mikkelsen úr Barbustovu í Syðrugøtu. Tey fluttu til Havnar tá hann var 10 ára gamal. Omman, mamma Marius, var úr Gong, so her vóru nógv skyldfólk. Mamma var fødd í Vík, dóttur Hans Paula Joensen handilsmann á Bø í Vík og Astrid f. Joensen úr Pállsstovu á Eiði. Pápi og mamma møttust í Havn í 1950. Hon arbeiddi í handli og hann var nýlærdur træskipasmiður og arbeiddi á skipasmiðjuni. Tey fingu fimm synir. Kári 1951, Bjarni 1954, Torbjørn 1956, Hans Pauli 1957 og Marius 1963. Tey fyrstu árini búðu tey í Vík, og flutti í 1954 í nýggj hús í Havn. Og hesi húsini vóru nakað serstakt. Ikki tí at tey vóru størri ella vakrari enn onnur hús, men tí, at tey vóru nýtt til fulnar. Sum so nógva aðrastaðni svóvu syn- irnir í etasjuseingjum, kjallarin var verkstaður, sum teir kundu nýta sum teimum lysti, og stovan, hon var ikki bert eitt lesirúm at slappa av í, ella uppi- haldsrúm til sunnudagsgestir. Nei, hon var eisini eitt stórt spælirúm, eitt ar- beiðsrúm til børnini, eitt atelier til syn- irnar. Har varð skapað frá hond, hvønn einasta dag. Klipt, límað, teknað og málað. Bert halgidagar og føðingardag- ar varð stovan ruddað, og morgunin eftir var hon aftur ein verkstaður. Aftur at skapa. Aftur at læra lívið. Pápi tú gav mær landið Um ævirnar tú taldi og bar meg í skaparaheim at sálin liva skal nú bíðað á fjærum sandi um alla tíð eg haldi til tín henni longdist heim at hvílan verur sæl Tú lærdi meg at ganga Og sjálvt nú tú ert følnað inn í huga heim tú til ert fyri mær í hendurnar at hanga tí hjartað er ikki kølnað og syftið meg í sveim tað fyri mær enn slær Mamma tú gav mær mjólk Tá tokan aftur lættir og speglaði eygu míni og ljósið finnur veg at hyggja út um hólk tá síggjast vit so aftur longur enn havsbrúgva sýnið pápi, tú og eg Hvílið í friði Bjarni Eitt minni um foreldur míni Ebba f. Joensen * 13. oktober 1929 + 3. januar 2004 Esmar Olsen * 6. august 1930 + 18. mai 2002 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Fríggjadagin 2. januar var opið hús í Horna- húsunum í Havn í sambandi við at Kartni Winther, fyrrverandi heilsølumaður, fylti 90 ár. Hóast høga aldurin gongur Kartni hvønn dag úr miðbýnum og niðan á trøðna hjá sær uppi við Svartafoss Kartni er føddur í Havn 2. januar 1914, sonur Sigrid, f. Mohr, vanliga nevnd Gigga, úr Havn, og Mads Andreas Winther av Sandi. Í 1916 flutti Kartni saman við foreldrunum til Sands, tá papin bleiv settur sum sýslumaður har. Sum sjey ára gamal kom hann aftur til Havnar at ganga í skúla. Hann gekk í barnaskúla, millumskúla og realskúla. Síðan fór hann í skrivstovulæru hjá Balslev & Co. Í 1935 fór hann til Keyp- mannahavnar at ganga á handilsháskúla. Tá hann varð liðugur við skúlagong- dina, var seinni heimsbar- dagi byrjaður, og hann slapp tí ikki heim. Hann arbeiddi sum skriv- stovumaður og var sera virkin í Føroyingafelagnum í Keypmannahavn undir krígnum. Hann giftist í Keyp- mannahavn við Dagmar, f. Johannesen, ættað úr Funn- ingi, sama dag sum tey fóru til Føroya við fyrsta farti eftir kríggið í 1945. Kartni fór aftur í starv sum skrivstovumaður hjá Balslev & Co og bleiv stjóri har í 1956. Hetta starv røkti hann, til hann í 1969 yvir- tók heilsøludeildina hjá Balslev, sum seldi matvørur og skipsútgerð. Tá stovnaði hann sína egnu fyritøku, Kartni Winther & Co., sum helt til á Eystaru Bryggju. Seinni bleiv ein nýggjur heilsølubygningur bygdur við Staravegin. Tá Kartni gavst, yvirtók Torbjørn Sørensen, sum arbeiddi hjá honum, fyri- tøkuna. Kartni Winther var bý- ráðslimur í Havn í 50-unum og hevur sitið í ymiskum nevndum, eitt nú líkningar- nevndini og skúlanevndini. Dagmar og Kartni eiga synirnar Mads Andrias og Árna. Tey eiga sjey ommu- og abbabørn og trý lang- ommu- og langabbabørn Hóast Kartni er 90 ára gamal, gongur hann hvønn dag úr miðbýnum og niðan á trøðna, sum hann eigur uppi við Svartafoss, har hevur hann seyð og gæs. Kartni Winther 90 ár: 90 ára føðingardagur í Hornahúsunum Dagurin 8. januar. Erhardus ella Erhardt. Írskur munkur, sum doyði um ár 700. Ella kanska er talan um ein týskan biskup, sum fyri undurgerðir sínar verður skírdur halgimenni. Týskt navn, samansett av æra og harður. Tøkk Tøkk fyri sýnda samkenslu tá ið okkara kæra mamma, vermamma, omma og langomma Birgitte Margrethe Viderø vanliga nevnd Birta, Tórshavn andaðist og varð jarðað. Tøkk til Jens Vilhelm Danielsen og Poul Færø fyri góð og troystarrík orð. Tøkk fyri blómur og kransar, tykkum sum hjálptu til við jarðarferðini og tykkum øll, sum fylgdu henni til hennara seinasta hvíldarstað. Ein serstøk tøkk til heimasjúkrasystrarnar, heimahjálpirnar og tey, ið trúliga vóru um mammu seinastu tíðina. Familjunnar vegna Emma, Ásbjørn og Sverri 90 ára føðingardagurin hjá Kartni Winther í Hornahúsunum. Her eru Dagmar og Kartni millum synirnar, Árna og Mads Andrias Mynd: Jens Kristian Vang Jutta Mortensen og Martin Tórgarð heilsa føðingardagsbarninum Mynd: Jens Kristian Vang Kartni við langabbasoninum Árna Winther Jákupsson Mynd: Jens Kristian Vang C M Y K 17 16