mikudagur 1. desember 2010síða 42

Mikudagur 1. desember 2010 · Nr. 166 10 Sosialurin Jólablaðið Jólamaður og vættrar búgva á loftinum Býlingshúsið undir Fjalli Nýggjastova er ein barnagarðsstova við børnum, sum eru 4-6 ár. Í Nýggjustovu byrja vit tíðliga at jólastákast. Í sep/okt verður avgjørt hvørjar jólagávur, børnini skulu gera til foreldrini, og síðani verður tilfarið fingið til vega. Jólaverkstøð eru eisini fastur táttur hjá okkum. Tá verða børnini býtt í bólkar og fara upp á skift í ymsu verkstøðini, har tey baka, klippa, líma og evna ymiskt jóla­ ligt. Uppundir jólafestina venja vit jólasangir og ”krubbuspæl”, sum vit sýna fyri foreldrunum. Jólafestin er altíð fyrsta fríggja­ dag í desember. Tann dagin fáa børn­ini jóladøgurða og rís à l’amande og dansa um jólatræ. Seinnapartin koma foreldur og systkin, og eisini koma jólamenn á rossabaki við pakkum Á loftinum Vit eru so heppin, at ein jólamaður og tveir jólavættrar búgva á loft­ inum í barnagarðinum. Og meðan jólamaðurin fer sín árliga túr við jólaskipinum, mugu vit ansa jólavættrunum, sum eru tvær ógvuliga jólaligar bamsur. Hesar fara so hvønn dag í desember heim við børnunum at sova og við aftur í barnagarð, og tá hava børnini við sær eina søgu ella dagbók um, hvat tey hava gjørt saman við jóla­vættrunum. (Tað er okkara jólakalendari – ein søga hvønn dagin). – Men tað kemur meira enn so fyri, at tað liggur ein pakki á loftinum til okkara, leika ella okkurt etandi… Vit gleða okkum at síggja, hvat liggur á loftinum í ár, tí okkum manglar eitt sindur av leikum … SPÆL Tey í Býlingshúsinum undir Fjalli duga væl at hugna sær. Her eru tey ílætin til ein jólaleik Uppundir jól verður Býlingshúsið undir Fjalli prýtt. Og her verða børnini sjálvandi tikin við uppá ráð JÓLAPRÝÐI