mikudagur 1. desember 2010síða 44

Mikudagur 1. desember 2010 · Nr. 166 12 Sosialurin Jólablaðið Oddvørsa buffetstjørnur  Krás til kræsnar gómar   Ein hin best umtókta jólagávan er føroyska kókibókin. Vælumtókta kateringkvinnan Oddvør Skarðhamar, ið er kend fyri at gera leskiligan og spennandi mat til veitslur, móttøkur, miðlar og annað, hevur nú latið sína triðju kókibók úr hondum. Í nýggju bókini “Oddvørsa buffetstjørnur” eru uml. 90 upp­ skriftir, ið eru valdar við umhugsni, gjørdar við nærlagni og ser­ veraðar við tokka til tær upplivingar, ið góður matur gevur. Undir einum lítlum træi, liggur... ein bókapakki! Allarbesta jólagávan er hørð og fýrakantað og keypt í bókabúðini. Sosialurin viðmælir nýggjar føroyskar bókaútgávur í hvørjum blað í jólamánaðinum. Bókadeildin gav út ungdómsbókina eftir Marjuna Syderbø Kjelnæs. Tað eru fimtan ár síðani, at tað seinast kom upprunaføroysk ungdómsbók út frá Bókadeildini, tvs. bók, ið lýsir gerandisdagin hjá ungdómi. Skriva í sandin fer fram eitt vikuskifti í Havn, og søgan verður søgd úr sjónarmiðnum hjá tíggju ungdómum. Longu áðrenn hon kom út, hevur ungdóms­ bókin Skriva í sandin fingið nógv lovorð á veg­ num. Ummælarar hava lagt dent á, at bókin er aktuell og er skrivað á ungdómsmáli, so hon er  leikandi  løtt at lesa. Sostatt er talan um nýbrot í føroyskum ungdómsskaldskapi, bæði viðvíkjandi evni og lætta málinum. Høvundurin er ikki bangin fyri at taka tabu­ evni upp og dugir sera væl at lýsa viðurskifti, sum ungfólk stríðast við og hugsa nógv um hesa truplu tíð, tá ið alt broytist bæði í sinn og skinn. Savnið Rend eftir Tórodd Poulse er funnin fressur hjá teimum, sum dáma speirekandi og hugvekjandi skald­ skap.  Eins og í teimum undanfarnu eru nógvar stak per­ són­ligar, men um somu tíð umboðandi tekstir í hesum savninum. Høvundurin lítur aftur um bak og roynir eisini, nú hann er gott og væl miðskeiðis í lívinum, at hyggja frameftir. Veldugar speirekandi, groteskar myndir trína á pall í tí drúgva kvæðinum "Feskasta marran", har politikararnir trúna deyðadansin, líka til yrkjarin vaknar. Oddvørsa Buffetstjørnur Med dansk tekst Rend   Speirekandi og hugvekjandi skaldskapur Gávan til tannáringin Skriva í sandin Fyrsta ungdómsskaldsøgan í áravís