fríggjadagur 10. desember 2010síða 51

JólaRákið Sosialurin • 10. desember 2010 11 jólabakstur Her eru tvey hugskot sum sameina jólabakstur og ljós. Tað skapar nevniliga ein heilt serligan dám, tá livandi ljósini standa í nýbakaðu køkuni. Gott til illveðurskvøld, eftir ein lang­an dag í kavanum ella eftir jóla­gávu­keyp - ella bara sum ell­ ars. Tað er upplagt at hava børn­ ini við, tá tú bakar og pyntar bolla­jóla­træið. Bollar t.d eftir hesi uppskriftini: 1,5 dl kaldari mjólk 1,5 dl av kókandi vatni 1 pk av bleytari ger 1 tsk av salti 50 gr av sukri 1 dl av olju umleið 1 kg av mjøli Blanda mjólkina og vatni og upp­ loys gerina í vætuni. Blanda salt, sukur og olju uppí. Knoða mjøli í so við og við. Set at ganga í umleið 30 min. Bollajólatræ: Ger 16 bollar - 15 rundar og ein av­ langan til bul á trænum. Legg bulin upp og niður niðast á plátuni. Legg síðani 5 bollar tvørt­ urum plátuna yvir bulinum. Síðani leggur tú 4 bollar, síðani 3, síðani 2 og at enda ein einsamallan, sum er toppurin á trænum. Legg teir ikki ov tætt, tí bollarnir skulu ganga eina­ferð afturat. Lat ganga í 20 min, og baka at enda í 180 stigum í einar 10-15 minuttir. Tá træið er kólnað aftur, skal tað pyntast við glasing. Blanda 2 súpiskeiðir av flormelis við grønari fruktfarvu. Blanda 2 súpiskeiðir av flormelis við reyðari fruktfarvu. Blanda 4 súpiskeiðir av flormelis við einum sindri av kókandi vatni. Síðani gert tú tilvildarligar rípur av glasing í ymsum litum um alt træi - men ikki bulin. Tá træið er nóg pyntað, blandar tú kakaopulvur í restina av hvítu glas­ingini - kanska mugu nakrir drop­ar av vatni í afturat. Smyr á bulin, so hann verður brúnur. Um tú vilt, kanst tú eisini gera rípur á træið við kakao - tað gevur eyka smakk. Set at enda lagkøkuljós í. Hita kakao og píska róma at hava afturvið. Træið kann etast, sum tað er, men til ber eisini at kloyva bollarnar og smyrja smør ímillum. Vælgagnist! Tú skalt brúka: Til bollar: 1,5 dl av mjólk 1,5 dl av kókandi vatni 1 pk av bleytari ger 1 tsk av salti 1 dl av olju 50 gr av sukri 1 kg av mjøli bakipappír Til pyntingina: 10 súpuskeiðir av flormelis Nakrar dropar av reyðari frukt­ farvu Nakrar dropar av grønari frukt­ farvu eitt sindur av kókandi vatni 1 súpuskeið av kakao lagkøkuljós Prei: Royn eisini at gera stjørnur, jóla­menn ella annað við bollum og glas­ing. Bert hugflogið setur mark­ið. Bollajólatræ