mánadagur 7. februar 2011síða 12

Mánadagur 7. februar 2011 · Nr. 16 12 Sosialurin Vilmund Jacobsen Jónsvein Knudsen er for­mað­ ur í Felagnum Trolskip, og hann er eisini næstformaður í Føroya Reiðarafelag. Hann var fryntligur, men lítillátin, tá vit hittu hann á máli í morgun. - Nei, enn er eingin av­ tala komin upp á pláss mill­um Felagið Trolskip og manningarfeløgini. Tos­að hevur verið millum part­ arnar, men vit eru ikki komin á mál. Jónsvein Knudsen segði í morgun, at eingin beinleiðis fundur er avtalaður, men kortini væntar hann, at tað fer ikki at ganga long tíð, til partrolararnir aftur kunnu loysa. - Oljan er hin brenn­ andi spurningurin, tí økti oljuprísirnir tyngja skipa­ raksturin so ómetaliga nógv. Spurdur, nær hann vænt­ ar, at ein sáttmáli kemur upp á pláss, sigur Jónsvein Knudsen, at tað er trupult at meta um, men hann ásannar samstundis, at skipini kunnu ikki liggja ”forever”, sum hann tekur til. - Eg veit einki nýtt í morgun, men vit vóna sjálv­ sagt, at ein loysn eisini fæst fyri partrolararnar, áðrenn alt ov long tíð gongur, sigur Jónsvein Knudsen. Royna aftur Sum skilst, verður aftur í dag roynt at loysa ósemjuna um sáttmálaviðurskiftini í trolaraflotanum. Umframt at Felagið Trol­ skip enn ikki er komið til sættis við manningarfeløgini, er heldur ikki nýggjur sátt­ máli fingin í lag millum manningarfeløgini og Felagið Lemmatrolarar, sum eru teir størru ísfiskatrolararnir. Nógv hevur verið tosað saman í vikuskiftinum, og sum skilst, ætla partarnir aftur at tosa saman í dag. Teir, sum eiga lemma­ trol­ararnar, skuldu sessast við fundarborðið í morgun, og sum skilst skuldi aftur fundur verða klokkan 13 í dag. Manningarfeløgini hava sagt seg sinnað at lækka býtisprosentið í bólkinum hjá lemmatrolarunum úr 27 niður í 25,5%, men teir, sum eiga lemmatrolararnir, hildu hetta ikki vera nøktandi. Avtalurnar, sum longu eru komnar upp á pláss, eru millum manningarfeløg og teir, sum eiga uppi­sjóvar­ skipini og millum mann­ing­ arfeløgini og teir, sum eiga línuskipini. vilmund@sosialurin.fo Trolararnir kunnu ikki liggja forever LIGGJA Enn er eingin avtala komin upp á pláss millum Felagið Trolskip, sum umboðar partrolararnar og manningarfeløgini um nýggjan sáttmála, men Jónsvein Knudsen, formaður í felagnum hjá partrolarunum heldur, at skipini kunnu ikki liggja ”forever”, sum hann tekur til Eg veit einki nýtt í morgun, men vit vóna sjálvsagt, at ein loysn eisini fæst fyri partrolararnar, áðrenn alt ov long tíð gongur... JÓNSVEIN KNUDSEN - Oljan er hin brennandi spurningurin, tí økti oljuprísirnir tyngja skiparaksturin so ómetaliga nógv, sigur Jónsvein Knudsen, formaður í Felagnum Trolskipum Mynd: Vilmund Jacobsen