mánadagur 7. februar 2011síða 22

Mánadagur 7. februar 2011 · Nr. 16 22 Sosialurin Ítróttarblaðið Fleiri gjørdu bart Fimleikur Tilsamans 33 konufólk og 24 mannfólk vóru við í steypakappingini í amboðsfimleiki leygardagin í Fimi, har fleiri fimleikarar vunnu meira enn bara ta einu greinina Hilmar Jan Hansen Leygardagin var onnur av trimum steypakappingum í amboðsfimleiki í Fimi í Havn. Gentur og smágentur løgdu til brots longu fyrrapartin, og seinnapartin stóðu so kvinnur, menn, kvinnu- og mansunglingar og dreingir fyri tørni. Konufólkini kappaðust í lopi og forskotnari barr, og menninir í gólvi, reck og paralellari barr. Hjá kvinnum, har 11 fimleikarar kappaðust, vunnu Kristina Tofte­ gaard og Katrin Wardum úr HF hvør sína kapping. Kristina vann í lopi við 14,00 stigum og Katrin í for­skotnari barr við 9,75 stigum, og tær báðar gjørdust eisini nummar tvey í greinini, tær ikki vunnu. Í lopi gjørdist liðfelagi teirra, Eydna Danielsen, nummar trý, og í for­ skotnari barr fekk Anita S. Davidsen úr Støkk triðja plássið. Bára Persson úr HF vann hjá kvinnuunglingum í lopi við 11,30 stigum og gjørdist nummar tvey í for­skotnari barr, har Annika B. Hansen úr Støkk vann við 8,05 stigum. Í lopi var Eyðvør W. Samuelsen úr Ljós­inum nummar tvey og Edna Maria Debes úr HF numm­ar trý, og á triðja plássi í forskotn­ari barr bleiv Bjarta Jansdóttir úr HF nummar trý. Kvinnu­ung­lingarnir vóru 12 í tali. Hjá gentum vóru tilsamans 10 gentur úr HF og Ljósinum, ið kapp­ aðust, og vann Bjørt H. Joensen úr HF báðar greinirnar við ávikavist 22,93 stigum í lopi og 20,10 í for­ skotnari barr. Fleiri gjørdu bart Allir tríggir íðkararnir hjá monnum vóru úr Havnar Fimleikafelag, og her vann Rósing Dam tvær kapp­ ingar – á gólvi við 14,30 stigum og í barr við 12,50 stigum – og gjørdist nummar tvey í tí triðju. Kappingina í rekk vann Øssur Debes Eiriksfoss, sum var nummar tvey í hinum báðum greinunum, við 2,55 stigum. Jóni Christiansen var nummar trý í øllum trimum greinum. Pætur Jacobsen og Sofus Andreasen úr HF vóru teir einastu, sum kappaðist hjá mansunglingum. Pætur vann á gólvi við 11,10 stigum og í barr við 2,40 stigum, og í rekk vann Sofus við 2,95 stigum. Eisini hjá dreingjum vóru seks fimleikarar úr HF, og her gjørdi Bartal Wardum bart, tí hann vann allar tríggjar greinarnar, eins og Tór av Skarði bleiv næstfremstur í teim­um øllum. Hjá smádreingjum vóru 13 fim­ leikarar úr HF og Ljósinum við í kappingini, men teir úr HF struku avstað við fremstu plássunum í øllum trimum greinunum. Her vann Hannes Agnarson í bæði rekk og barr, og á gólvinum Aron Jacobsen. Triðja og síðsta steypakappingin í amboðsfimleiki verður í Fimi leygardagin 19. februar, tá konu­ fólkini kappast á gólvi og mann­ fólkini í ringum, lopi og bein­ sveiggi. hilmarjan@sosialurin.fo Myndir: Álvur Haraldsen