mikudagur 16. februar 2011síða 36

Mikudagur 16. februar 2011 · Nr. 20 36 Sosialurin Ítróttur Tróndur Arge Rógvi Poulsen hevur síðstu tíðina vant við Crewe Alexandra, sum spælur í League Two, ið er fjórðbesta deildin í Onglandi. Nú tykist greitt, at Rógvi Poulsen fyribils heldur fram í felagnum til summar. – Eg eri væl móttikin og fólkið kring felagið er sera fyrikomandi. Liðið spælir góðan fótbólt og hugurin at halda fram her er góður. Crewe er akkurát eg, sigur 21 ára gamli miðvallarin, sum er vaksin upp í AB, men seinnu árini hevur spælt við HB. Eykaliðið hjá Crewe spældi í gjár venjingardyst ímóti Liverpool. Úrslitið gjørdist eitt tepurt 1-0 tap, men sjálvur spældi Rógvi ein góðan dyst og hevði onkrar góðar møguleikar. – Eg eri ongantíð nøgdur við míni egnu avrik, men eg haldi eg spældi nøkunlunda væl í dag, sigur hann. Heimasíðan hjá Liverpool nevndi eisini tveir av møguleikunum hjá Rógva Poulsen, og somuleiðis visti hon at siga, at Liverpool-venjarin, Kenny Dalglish, var til dystin. Rógvi hevði tó ikki stundir at hyggja at áskoðarunum, meðan hann spældi, so hann segði seg ikki varnast at Kenny Dalglish var millum áskoðarnar. – Eg skilji ikki ordiliga, hvussu vit taptu dystin, tí vit raktu stengurnar fýrar ferðir og brendu brotsspark. Omaná tað heila, so var málið hjá Liverpool sera heppið, sigur Rógvi Poulsen, sum fyribils bara hevur loyvi at spæla við eykaliðnum. Arbeitt verður við at fáa øll viðurskifti upp á pláss, so hann eisini kann spæla á besta liðnum. trondur@sosialurin.fo Hilmar Jan Hansen Sunnukvøldið fór gamla fel­ agsdeildin hjá EB og Streymi, EB/ Streymur, í søg­una, sam­stundis sum nýtt lima­felag, ið eisini eitur EB/Streym­ur, varð sett á stovn. Síðani hevur dúgliga verið gitt um, at hetta kundi vera ein »bjargingar­ roynd«, eftir at EB/Streymur yvir tvey ár fekk tilsamans 5,25 milli­ónir krónur, ið stavaðu frá stuldri. Eitt nú hevur verið róð fram­ undir, at við at stovna eitt lima­ felag, kundu limirnir í nýggja felagnum leggja rygg til, skuldi rættarmálið ímóti fyrrverandi kassameistaranum í gamla EB/ Streymi onkursvegna endað við avleiðingum fyri nýggja EB/ Streym, ið jú hevur yvirtikið bæði skyldur og rættindi hjá gomlu felagsdeildini. Men í grein 8 í viðtøkunum fyri nýggja EB/Streym verður hetta manað í jørðina, tí har stendur um heftilsi, at »limir­nir ella nevndin hefta ikki per­sónliga fyri felagsins skyld­um, men bert við sínum lima­ gjaldi.« Ein formalitetur Málið um fyrrverandi kassa­ meistarin hjá EB/Streymi, ið sum bókhaldari í Formula stjól 5,25 milliónir krónur, ið hann flutti til EB/Streym, er eitt politimál og er ávegis í rættin. Rólant Højsted, ið var formaður í gamla EB/Streymi og eisini er formaður í nýggja EB/ Streymi, vil ikki gera viðmerkingar til tað málið, men er annars fegin um nýggja limafelagið. – Tað vísti seg, at fólkið stendur aftan fyri EB/Streym, tí vit vóru yvir 100 fólk á fundinum við Margáir sunnu­kvøldið, har tað einmælt varð sam­tykt at stovna nýggja lima­felagið, sigur formaðurin, sum eft­ir stovnanina hevur eitt sindur av pappírsarbeiði at gera. – Í dag ella í morgin senda vit Fótbóltssambandinum umsókn um at spæla í Vodafonedeildini í ár, og komandi aðalfundurin í Fótbóltssambandinum skal eisini góðkenna okkum sum lim. Tað plagar at vera ein for­malitetur, og tað rokni eg eisini við, at tað verður hesa ferð. At EB/Streymur fær lima­skap í Fótbólts­sambandinum, merkir samstundis, at EB og Streymur ikki longur vera limir har, tí tey einki meira hava við fótbólt at gera. hilmarjan@sosialurin.fo Limirnir hefta ikki Fótbóltur Nýggja útgávan av EB/Streymi, sum tekur yvir øll rættindi og allar skyldur hjá gamla EB/Streymi, hevur týðiliga tilskilað í viðtøkunum, at hvørki limir ella nevnd hefta per­sónliga fyri skyldur hjá felagnum Hilmar Jan Hansen Predrag Markovic hevur framm­anundan spælt við TB, Skála og B71, har hann hevur verið tvey ár á hvørjum stað. Nú skal hann komandi árið vera á Argjum, og tað passar honum eisini væl, tí kona hans­ ara hevur arbeiðið í høvuðs­ stað­num og bæði búgva í Havn. Síðstu vikurnar hevur Predrag vant við AB, og burtur úr tí er nú komin sáttmálin, ið varð endaliga avgreiddur í gjár­ kvøldið. Sambært AB-heima­ síðuna heldur hann, at AB hevur eitt ungt lið við stórum potentiali, og at hann gleðir seg at vera partur av hesum lið­num. Umframt at verja málið hjá AB í 1. deild, skal Predrag Markovic eisini vera málmans­ venjari hjá øllum málverjunum hjá felagnum í yngru deild­ unum. – Tað er óføra gott fyri yngru málverjarnar, at vit hava fingið ein málmansvenjara burturav til teirra. Hetta er eitt stórt fram­stig fyri felagið, og verður gott fyri allar okkara málverjar, sigur Andrass Drangastein, for­ maður í AB, við heimasíðuna hjá felagnum. hilmarjan@sosialurin.fo AB nýggjan málmann Fótbóltur Í gjárkvøldið skrivaði AB undir eitt ára sáttmála við 34 ára gamla serban, Predrag Markovic, sum skal vera málverji á besta mansliðnum hjá AB hetta kappingarárið NÝGGJUR MÁLMAÐUR Predrag Markovic og Andrass Drangastein, formaður í AB, eftir at sáttmálin við 34 ára gamla serban var komin upp á pláss í gjárkvøldið Mynd: Terji S. Johansen Rógvi: Crewe er akkurát eg FALLIN VÆL TIL 21 ára gamli argjamaðurin, Rógvi Poulsen, er fallin væl til í enska felagnum, Crewe Alexandra Mynd: Álvur Haraldsen Fótbóltur Rógvi Poulsen verður at síggja í enska felagnum, Crewe Alexandra, fram til í summar. Argja­ maðurin letur væl at felagnum