fríggjadagur 18. februar 2011síða 36

nr. 21 · 18. februar 2011 4 VIKUSKIFTI Starvið er ferðsluleiðari í heimsins bestu metro. Uppgávan er at syrgja fyri, at 142.000 ferðandi koma trygt aftur og fram hvønn dag. Trygd er eisini lyklaorðið á arbeiðsplássinum, har tey javnan eru vitni til herverk, harðskap, stuldur og eisini bumbuhóttanir. Sosialurin hevur hitt Suna Skylv Reinert í Keypmannahavn, sum upplivir meira enn tey flestu í sínum gerandisdegi Suni stýrir heimsins bestu metro SAMRØÐA Rólant Waag Dam rolant@sosialurin.fo Hann var ein náttarravnur burtur av, Suni Skylv Reinert. Sum leiðari í Club 20 og Café Natúr, Rio Bravo og Cleo­ patra, var hann ein býarkongur í Havn, ið sá minni til dagsins ljós enn flestu føroyingar gera. Suni Skylv Reinert flutti til Dan­ markar í 1993, men eisini í danska høvuðs­staðnum hevur hann gjørt sítt til, at býurin ikki sovnar. Saman við tveim­um øðrum rak hann nevniliga dansi­stað­ið Jacques, sum frá fyrsta degi varð nógv vitjað av føroyingum. Seinni broyttu teir kon­septið á dansistaðnum, soleiðis teir í størri mun fingu fatur á donsku fjøldini, áðrenn tey løgdu á heilt annan bógv og skipaðu Jacques sum eitt stað, har samkynd savnaðust til gleði og gleim um vikuskiftið. Hesa tíðina, sum disko­tekseigari í Føroyum og síðani Dan­mark, var Suni Skylv Reinert vitni til eina rúgvu av ógvusligum og skemti­ligum hendingum. Náttarlív á øðrvísi hátt Tann dag í dag upplivir Suni framvegis meira enn tey flestu á sínum arbeiðs­ plássi. Hetta hóast tíðin sum náttklubba­ eigari er eitt farið kapittul, og hann nú starvast sum ferðsluleiðari í metro í Keypmannahavn. – Vit hava skiftandi vaktir, so eg ar­ beiði framvegis um næturnar við­hvørt. Stóri munurin er bara, at fyrr sá eg fólk­ ini, meðan tey vóru í býnum. Nú síggi eg tey bara á veg í og heim frá býnum, flennir Suni, sum hevur sæð mangt og hvat á sjónbandatólunum, sum standa á metrostøðunum – Tað eru ikki bara full fólk, vit síggja og flenna eftir. Tað eru eisini fólk, ið eru á veg heim úr býnum og sum gera tað, tey ikki kundu bíða við, til tey komu heim. Bæði í sjálvum tok­unum og á støðunum kring í býnum. Farna viku­ skiftið, sunnumorgunin, var eitt par í gongd mitt á Nørreport støðini, greiðir Suni frá og ristir við høvdinum. Á arbeiðsplássinum úti á Amagar hava teir eitt ótal av sjónvarpsskermum, sum beinleiðis vísa tað, ið hendir á teim­um 22 metrostøðunum í býnum. Til­samans eru 250 upptøkutól, sum vísa alt tað, tú bæði kanst og ikki kanst ímynda tær. – Nakin fólk, fólk í batmanklæðum og jólamenn. Tað er heilt ótrúligt, hvat fólk finna upp á í gerandisdegnum, flenn­ir Suni. Men upptøkutólini eru ikki sett upp fyri at undirhalda starvsfólkunum á metro­miðstøðini á Amager. Tey eru nevn­iliga til stóra hjálp, um eitt nú ein alarmur fer í gongd á eini støð. Tað kann vera ein roykalarmur, at okkurt er á spor­unum, sum órógvar ella okkurt heilt triðja. Heimsins besta metro Við upptøkutólunum kunnu teir skjótt staðfesta hvør trupulleikin er og hvussu hann skal loysast. Eru trupulleikar, steðga metrotokini. Avbjóðingin er tí, at hava tokini í gongd alla tíðina. Hetta er ein uppgáva, Suni og starvs­felagar hansara taka í størsta álv­ara. Síðani metroin niðri varð tikin í nýtslu í 2002, hevur fólk verið til ar­beiðis hvønn einasta minutt. Og tey stív­liga 230 fólkini, sum starvast í metro­ini í Keypmannahavn syrgja í felag fyri, at 98 prosent av fráferðunum eru rættstundis. Úrslitið fær valla verið betri enn tað sama. Hetta hava tey eis­ ini varnast aðrastaðni, tí metroin í Keyp­mannahavn er kosin heimsins besta metro tvær ferðir, seinast í 2010, um­framt eisini at hava fingið heiðurin sum besta metroin í Evropa. Vaktin byrjar dagin fyri Á metromiðstøðini úti á Amager arbeiða tey í vaktum. Hevur Suni náttarvakt, so er svøvnrútman sjálvandi øðrvísi enn hjá fólkum flest og hetta skal kropp­ urin innstilla seg uppá. Tí byrja fyri­ reikingarnar til næsta arbeiðsdagin ofta dagin fyri. Og av tí, at trygdin er í hásæti, er tað einki sum eitur at gera ein býtúr kvøldið fyri, tú skalt til ar­ beiðis. – 0,0 alkohol í blóðinum er eitt krav. Faktiskt er alkohol bannað á øllum matriklinum. Kemur tú til arbeiðis í bili, mást tú tryggja tær, at tú ikki hev­ur eina fløsku av vín ella ein kassa av øl liggjandi aftanfyri. Sjálvt tað er Tað hendir seg, tíverri, viðhvørt, at bumbu­ hóttanir koma. Tá er tað løg­reglan, sum hevur fingið frænir av onkr­um og berir okkum boðini víðari