fríggjadagur 25. februar 2011síða 6

Fríggjadagur 25. februar 2011 · Nr. 24 6 Sosialurin Leo Poulsen Eingi hagtøl finnast um ferðavinnuna millum 2004 og 2008. Hetta komst av, at tølini vóru so óviss, at Hagstovan ikki longur helt seg kunna standa inni fyri teimum, og tí gavst við at savna tey. Ferðavinnufelagið vildi tó fegið hava atgongd til hesi hagtøl, og tí varð stig tikið til, at felagið sjálvt savnaði tølini. – Við stuðli frá Vinnu­ frama­grunninum setti Ferða­vinnu­felagið Dagmar Joen­s­en í starv at savna ferða­vinnu­hag­tøl. Á henda hátt rinda vit helm­ingin av lønini og Vinnuframa­felagið helming­in, sigur Jákup Sverri Kass, for­maður í Ferðavinnu­ ráðnum. Seinastu seks mánaðirnar hevur Dagmar Joensen so savn­að eina rúgvu av hag­ tølum fyri bæði 2010 og partvís 2009. Og tey vísa, at samlaða inntøkan í ferða­vinnuni er 775 milliónir, ella á leið sama útflutningsvirði, sum uppi­ sjóvarvinnan veiðir. Av hesum smáu 800 milli­ ónunum er tað ikki óvænt­ að tey bæði stóru flutn­ ings­feløgini, Smyril Line og Atlants­flog, sum eiga bróður­ part­in, 563 milliónir krónur tilsamans. Men hotellini eru ikki heilt við sviðusoð. Sam­bært hagtølunum fingu gistingar­ hús 92,8 milliónir krónur frá sovandi gestum. Summarhús leigaðu út fyri 4,6 milliónir, meðan ból & biti, kamping og tjalding kastaðu 600.000 krónur av sær. Nógv flest danir Smyril Line hevur sera neyv hagtøl yvir tey ferðandi og hvar tey koma frá, og tað hava gistingarhúsini eisini. Hesi hagtøl vísa heilt greitt, at danir eru nógv raskast­ir at vitja í Føroyum. 17.613 danir komu til landið sjóvegis, meðan talið frá Atlants­flog sigur 28.800. Eisini tá tað kemur til gistingar, eru danir langt á odda. Í fjør gistu danir omanfyri 70.000 nætur á føroyskum gistingarhúsum. Næstraskastir at brúka føroysku gistingar­møguleik­ arnar, eru føroyingar sjálvir. Teir svóvu 22.000 nætur á gistingarhúsi. Næstir eru norðmenn, íslend­ingar, bretar/írar, týsk­ ar­ar og sviar. Tað hevur annars ligið á ljóði, at bíleggingarnar hjá hotellunum raplaðu niður, men hagtølini vísa nakað heilt annað. Gistingarnar í 2010 vóru 132.536 ímóti 109.210 í 2009. Hetta er ein vøkstur upp á 17,6%. Verður hugt at tølunum fyri 2003, sum er seinasta árið, Hag­ stovan gjørdi hagtøl fyri ferða­vinnuna, so vóru gist­ ing­arnar tá 89.986. Talan var sostatt um ein vøkstur á 25,2% frá 2003 til 2009. Samanlagt flutti Norröna 30.493 fólk til Føroya, meðan talið, sum ferðaðist um flog­ vøllin í Vágum var 192.000. Væl nøgdur Ferðavinnufelagið legði miku­ dagin nýggju hagtølini alment fram á Hotel Hafnia. For­ maðurin í Ferða­vinnu­felagn­ um, Jákup Sverri Kass, var væl nøgdur við áhug­an, sum varð vístur ferða­vinnuni. – Vit løgdu hagtølini fram fyri limunum í felagnum, og eini 50 vóru møtt av teimum umleið 60 limunum, sum vit hava. Og á almenna fundi­ num vóru bæði nýggi uttan­ ríkisráðharrin og nýggi deild­ arleiðarin fyri ferða­vinn­una, umframt fleiri politik­ar­ar, sigur Jákup Sverri Kass. Og hann hevur rímiliga góðar vónir um framtíðar samstarvið við almennu myndugleikarnar. – Nýggjur leiðari er settur fyri ferðavinnuna, komin er ein nýggjur uttan­ríkis­ ráð­harri og politikarar vísa vinnuni áhuga og tykjast hava sett seg inn í tingini, sigur Jákup Sverri Kass. Miðvís eksponering Formaðurin fyri Føroya Ferðavinnufelag vónar, at skipanin við Vinnuframa­ grunninum – ella onkrum øðrum sponsori – kann halda fram, so at samskiparin kann verða verandi í starvi. Hann heldur annars, at framgongdin innan ferða­ vinn­una er takkað verði mið­ visari marknaðarføring. – Vinnan hevur seinastu árini satsað miðvíst heldur enn breitt, og tað er henda satsing, sum nú er um at geva úrslit, sigur Jákup Sverri Kass. Hann sigur, at givna høvið í løtuni, Pál Joensen, ofta hevur verið umrøddur sum ein sera góð eksponering av Føroyum, men alt er ein spurningur um pengar. – Atlantsflog brúkar einar sjey milliónir krónur upp á marknaðarføring og Smyril Line einar 12, men restin av ferðavinnuni eru ikki so stórir aktørar og tí er tað avmarkað, hvat teir kunnu brúka til at marknaðarføra seg, sigur Jákup Sverri Kass. Men tað er í hvussu er at fegnast um, at tað hóast alt gongur fram á í ferðavinnuni, so sum nýggju hagtølini vísa. Ferðavinnan umsetur fyri 775 milliónir Ferðavinna Tað verður mangan sagt, at vit fáa ov lítið burtur úr ferðavinnuni, men nýggj hagtøl vísa, at samlaðu inntøkurnar av ferðavinnuni eru 775 milliónir krónur. Men tær kundu verið meir Jákup Sverri Kass, formaður fyri Ferðavinnufelagnum, fegnast um áhugan millum politikarar fyri vinnuni Fegnast – Nýggjur leiðari er settur fyri ferða­vinn­ una, komin er ein nýggj­ ur uttan­ríkis­ráð­harri og politikarar vísa vinnuni áhuga og tykjast hava sett seg inn í tingini