mikudagur 2. mars 2011síða 13

13 Mikudagur 2. mars 2011 · Nr. 26 Sosialurin Kjak Suðuroyingar taka í hesum døgum megnartak. Privatur felagsskapur hevur við stuðli úr allari Suðuroynni tikið seg saman at byggja fyrsta lang­hylin í Føroyum. Henda verk­ætlan er serstøk, ikki bara fyri Føroyar, men man vera eitt eindømi í øllum før­um um okkara leiðir. Við ný­hugs­an innan bygging og orku hevur felagsskapurin stað­ið klárur at seta spakan í alt 2011. Spillandi tungan Tað fyrikemur okkum, ið varða av svimjingini ikki sørt ørkymlandi, at løgtings­ maðurin Helgi Abrahamsen skal fara fram á Løgtingsins røðarapalli og skíra tey, ið standa aftan fyri hesa ætlan fyri »bóndafangarar«! Og hetta er ikki fyrstu ferð, at løgtingsmaðurin er frammi í somu ørindum. Herfyri var hann í bløðunum, har hann royndi at sáa iva um, um henda verkætlan nú var grundað á veruleikan. Eisini hevur verið roynt at fáa inn í orðaskiftið, um hesin langhylur nú liggur rætta stað, um tað ikki var betri at hann lá í Havn, í Sundalagnum ella í Eystur­ oynni. Her skal eg minna bæði løgtingslimin og øll onn­ur á, at seinasti hylurin í kapping­ar­stødd, varð tikin í nýtslu í desember 1982. Í hesi skjótt farnu 30 árini, hevur eingin, eingin einstaklingur ella kommuna arbeitt seriøst við ætlanum um at byggja nýggjan svimjihyl. Eftir Evropeiska silvur­ merkið hjá Páli Joensen í Buda­pest í 2010, var borgar­ stjórin í Fuglafirði frammi og bjóðaði eitt øki á Kambs­ dali. Formaðurin í Mentan­ ar­nevndini í Tórs­havnar býráð tosaði um, at tíðin var komin til at byggja nýggj­an hyl í Tórshavnar komm­unu, men honum á baki kom borgarstjórin og avnoktaði, at nøkur bygging av svimjihyli lá í kortunum í Tórshavnar kommunu. Í 2008 var borgarstjórin í Runavíkar kommunu í Degi & Viku, har boðað var frá at eingin onnur størri íløga varð gjørd í kommununi enn nýggi skúlin. Mær kunnugt einasta kommunan, sum veruliga hevur arbeitt miðvíst við at betra svimjiviðurskiftini, er Klaks­víkar kommuna, har endur­nýggjanin av svimji­ høll­ini er í gongd og áhuga­ verdar ætlanir eru fyri framman. Bøtandi hondin Tað skal eingin ivi vera um, at fyri okkum í varða av føroyskari svimjing, so er tað stak hugaligt at síggja at allar góðar kreft­ur í Suður­ oynni eru farn­ar saman um at byggja 50-metra langhyl í oynni. Ikki til ein mann, sum ofta verð­ur ført fram, men til eitt svimji­felag í stórum blóma, kanska fyrsta ítróttarfelag í Føroy­ um við veruligum al­tjóða ambitiónum. Eins og tað eingin ivi er um, at nýggi hylurin í Suðuroynni fer at koma allari føroyskari svimj­ing til góðar. Tað hevði verið meira sámuligt um vit øll bakkaðu hesa stórslignu ætlan upp, heldur enn at royna at sáa iva, um hetta nú í veruleikanum er ein ætlan, ið kann gjøgnumførast. At ætlanin skal standa og bíða eftir einari almennari játtan uppá 4 milliónir krón­ ur, er sera hugstoytandi, vón­ andi verður hetta mál av­greitt í løgtinginum sum skjótast. Fyri okkum í føroyskari svimjing er hetta ein megnar­ ætlan, og fær hon mín fulla stuðul. Vónandi verður hetta tann fyrsti langhylurin í eini røð av fleiri. Jon Hestoy Formaður, Svimjisamband Føroya Betri er bøtandi hond enn spillandi tunga