fríggjadagur 4. mars 2011síða 61

nr. 24 · 25. februar 2011 21 VIKUSKIFTI SAMRØÐA Rólant Waag Dam rolant@sosialurin.fo Annika Smith hevur arbeitt handan politisku leiktjøldini síðani 2005. Nú æt­l­ar hon sær upp á pallin at átaka sær leiklutin sum ein av teimum, ið skal stjórna Danmark næstu fýra árini. Gongst sum ætlað, kann hon seta seg niður í ein av teimum 179 sessunum í fólkatingssalinum á Christiansborg, eft­ir sjálvt valið. Fyri seks árum síðani byrjaði Anni­ka sína dagligu gongd á ein­ um av mongu skrivstovunum á Christiansborg. Sum politiskur ráð­ gevi hjá Norðuratlantsbólkinum hev­ur hon syrgt fyri, at limirnir eru kunn­að­ ir og fyrireikaðir um dagsins politisku avbjóðingar. Nú hevur Anni­ka tó eitt ynski um at vera tann, sum leið­ir landi­ num og tekur politisku av­ger­ð­ir­nar. - Tann dagin valið verður útskrivað, taki eg frí í tríggjar vikur. So satsi eg alt eg havi av tíð, orku og pengum fyri at fáa ein fólkatingssess, sigur Annika av­gjørd. Hon vil ikki lata nakran iva vera um, at hon meinar tað, sum hon sigur. Ja, í roynd og veru meinar Annika Smith rættiliga nógv. Ikki minst polit­iskt. Stutt leið til toppin Tað eru kortini ikki nógv ár síðani, at Annika Smith limaði seg inn í SF. Árið var 2007 og Annika Smith var stødd í USA. Sum heilt ung var hon limur í ungmannafelagnum hjá Socialdemokratunum. Sum 30 ára gomul gekk tað upp fyri før­oys­ ka fólkatingsvalevninum, at Social­ demo­krat­arnir ikki var rætti flokkur hennara. Tískil vendi Annika teimum, sum nærkaðust politisku miðjuni meira enn hon brýggjaði sær um, bakið og meld­aði seg inn í SF. Tilvildin ráddi fyri, at Annika gjørdist limur nummar 10.000, sum SF fekk. Hetta tryggjaði henni eina inn­bjóð­ing til næsta landsfundin hjá flokki­num, har Annika fekk høvi at røða og soleiðis geva sína politisku hug­sjón­ir til kennar. Eftir hetta gekk tað skjótt. Annika Smith varð vald forkvinna hjá SF á Vesterbro í 2008, sama ár, sum hon flutti til Danmarkar aftur. Tvey ár sein­ni, í fjør, gjørdist Annika Smith lim­ur í landsnevnd floksins, har hon sam­an við formanninum Villy Søvndal, Ole Sohn og øðrum royndum kreftum, hev­ur verið við til eitt nú at menna sam­starvið við Socialdemokratarnar. Í dag, fýra ár eftir limaskapin í SF, er Annika í gongd við at leggja síðstu hond á faldarar, plakatir og annað, sum hon skal brúka, tá valstríðið verður skot­ið í gongd. - Hetta vísir bara, at tað ikki er langt frá niðastu til ovastu rók í SF. Hjá mær hevur tað gingið ógvuliga skjótt og eg meti eisini, at eg havi havt nógva ávirkan á tann politikkin, sum flokk­ ur­in førir í dag, sigur Annika Smith. Føroyar sum hjartamál Sjálv hevur Annika eisini nøkur heilt ítøki­lig mál, hon ynskir at arbeiða fyri, sum ikki eru felagsmál hjá øllum flokk­ inum. Eitt nú ynskir hon at virka fyri størri føroyskum sjálvræði, eini betri búskaparligari skipan fyri Før­oya og fyri bøttum rættindum hjá før­oysk­um samkyndum. Samstundis hevur Annika eisini nøkur politisk hjartamál, sum eru knýtt at Danmark og donskum viðurskiftum burtur­av. Føroyska fólkatingsvalevni stúr­ir tó ikki fyri, at tað kann koma hen­ni aftur um brekku, at hon í roynd og veru hevur tveir politiskar profilar. - Eg havi hugsað sera nógv um tað. Mín niðurstøða er, at Føroyar og føroysk viðurskifti ikki fylla nógv í Danmark. Men tað hevur stóran týdn­ing fyri meg, og kemur tí eisini at merkja mín politikk. Eg havi allan mín persón við inn í politikk. Tí kann eg ikki velja eina síðu fram um eina aðra, greið­ir Annika frá. Av júst somu orsøk hev­ur hon eisini gjørt ein danskan fald­ ara, har hon varpar ljós á nøkur onnur ev­ni enn tey, ið koma til sjóndar í før­ oys­ka faldaranum. - Tað liggja fleiri møguleikar í hesum, enn um eg bara hevði ein danskan ella ein føroyskan profil til valið. Marg­feld­ ni gevur mær og flokkinum nøkur heilt onnur ting at arbeiða við. Vit kunnu eisi­ni røkka eitt vet longri út og nærri veljar­unum, fortelur Annika og nevnir eitt nú Villy Søvndal, sum herfyri var í Føroyahúsinum og kjakaðist við før­ oysk­ar ungdómar. Tað er neyvan sætt áð­ur og uttan at Annika á nakran hátt átekur sær heiðurin av hesum, eig­ur hon helst sín stóra lut í, at for­mað­ur­in í SF vitjaði til pallborðskjak á Vester­ br­o­gade 17. Øgiligur spenningur Um ymsu bakgrundirnar fara at røkka so langt sum til ein fólkatingssess, fer tíðin at vísa. Greitt er tó, at valið nærk­ast hvønn dag, sum gongur. Men onkurs­vegna tykist valfepurin at hava lagt seg eitt sindur, eftir at alt var uppi at kóka stutt eftir árskifti og eygleiðarar spád­du, at Lars Løkke Rasmussen fór at út­skriva val longu í apríl. Persónliga er støð­an hjá Anniku Smith heilt øðrvísi, hó­ast fjølmiðlarnir ikki blása eina val­ søgu søgu upp og aðra eftir í løtuni. - Hjá mær økist spenningurin hvønn dag. Við mínum starvi á Christiansborg eri eg tættast upp á allar søgurnar, sum ganga, so tað er næstan ov spennandi, greið­ir Annika frá og nevnir eitt dømi. - Eg havi millum annað hoyrt, at Venstre hevur leigað DGI-byen í apríl. Spurn­ing­urin er so, hví tey gera tað júst tá, spyr Annika Smith flennandi. Sjálv loyv­ir hon sær tó at ivast í, at tað skal brúk­ast til veitsluna eftir fólka­tings­ val­ið. - Hevði eg verið Lars Løkke, hevði eg ikki útskrivað val beint nú. Samgongan hev­ur ov mikið at tyngjandi málum at dragast við, og tað seinasta í røðini er Horn­bech. Hinvegin má tað metast at vera søguligt, at andstøðan stendur so sterk og so savnað sum nú, sigur Anni­ ka Smith, sum tískil einki hevði havt í móti, um val varð skjótt. Annika Smith er eitt av 16 val­evn­ um, sum eru uppstillað fyri SF í Keyp­ mannahavn, har gitt verður, at trið­ ing­ur av hesum sleppur á Fólkating. Sjálvt valið verður í seinasta lagið 13. nov­emb­er í ár. Politikkur alt døgnið Gerandisdagar er hon politiskur ráðgevi í Norðuratlantsbólkinum á Christiansborg. Kvøldini og vikuskiftini fara við fyrireikingum til fólkatingsvalið, har hon er uppstillað fyri SF. - Mítt starv merkir, at eg arbeiði mitt í øllum politisku leysasøgunum. Tað er næstan ov spennandi nú, sigur Annika Smith av Tvøroyri, sum satsar alt upp á at fáa ein fólkatingssess