mánadagur 21. mars 2011síða 23

23 Mánadagur 21. mars 2011 · Nr. 34 Sosialurin Ítróttarblaðið Hilmar Jan Hansen Aftur í ár vóru karmarnir rundan um FM-finalurnar í flogbólti hjá teimum yngru av teimum allarbestu í Trongisvági. Teraflex-gólvið, ið verður brúkt til steypafinalur og FM-finalur hjá teimum vaksnu, var lagt á í høllini, og royndir dómarar úr dómarabólkinum vóru settir at døma dystirnar, umframt at bestu spælarar blivu kosnir á báðum lið­ um í hvørjari finalu. Eisini rundan um sjálva kapp­ ingina var alt í lagi. Kantinan hevði kalt borð, og ígjøgnum allan dagin vóru nógv fólk og hugdu at dyst­ unum. Tíðarætlanin helt rættiliga væl, og eisini í ár høvdu tey fingið politikarar og sponsorar at handa steyp og heiðursmerki. At tað er TB, ið skipar fyri stóra FM-finaludegnum, kemur ikki av ongum, tí hesa avgerð tók Flog­ bólts­sambandið fyri nøkrum árum síðani, fyri at geva TB eitt herða­ klapp fyri stóra barna- og ungdóms­ arbeiðið í felagnum. At byrja við vóru nakrar finalur har suðuri, men nú verða tær allar spældar har, tí tiltakið hvørja ferð er so væl fyri­skipað. – Tey í TB-flogbólti duga so væl at fyriskipa, at vit í Flog­bólts­ sambandinum nú fyri tað mesta bert standa á síðulinjuni og hyggja, sigur Magnus Tausen við Suður­ oyar­portalin, har hann eisini vísir á, at finaludagurin er nakað, øll síggja fram til, heldur enn at gremja seg um nógva ferðing. – Eitt stórt og gott skip, fantast­ iskar umstøður í ítróttarhøllini at taka ímóti spælarum og áskoðarum, góður matur og ein framúr væl­ skipað kapping er nakað av tí, sum ger tiltakið til nakað serligt. TB hevði bæði so og so ein góðan dag í Trongisvági leygardagin, tí tað eydnaðist at vinna føroya­ meistaraheiti hjá dreingjum og gentum 16 ár, umframt hjá mans­ unglingum, har TB hevur lið saman við Fleyr. Kappingina hjá kvinnu­ unglingum vann Fleyr, meðan SÍ vann hjá dreingjum 14 ár og Ternan hjá gentum 14 ár. hilmarjan@sosialurin.fo Meistarligur meistaradagur Flogbóltur Enn eina ferð varð stóri føroyameistaradagurin hjá yngru deildunum sera væl fyriskipaður, og TB fær frá formanninum í Flogbóltssambandinum rós fyri sín innsats Kvinnunglingar: Fleyr Fleyr-Mjølnir/ÍF 3-0 (25-22, 25-21, 25-21). Bestu spælarar: Anja S. Danielsen (Fleyr) og Sofía Purkhús (Mjølnir/ÍF) Mansunglingar: TB/Fleyr a TB/Fleyr a-TB/Fleyr b 3-0 (25-23, 25-15, 25-18). Bestu spælarar: Arthur D. Poulsen (TB/Fleyr a) og Poul Ingason (TB/Fleyr b) Gentur 16 ár: TB TB-KÍF 3-0 (25-13, 25-15, 25-19). Bestu spælarar: Rannvá Berg í Heiðunum (TB) og Eyðrið Egholm Hansen (KÍF) Dreingir 16 ár: TB TB-SÍ 3-0 (25-19, 25-21, 25-21). Bestu spælarar: Patrik Johannesen (TB) og Niels Erik Anderson (SÍ) Gentur 14 ár: Ternan Ternan-ÍF a 3-2 (18-25, 25-17, 25-18, 6-25, 15-6). Bestu spælarar: Bára B. Hansen (Ternan) og Marta Ákadóttir (ÍF a) Dreingir 14 ár: SÍ SÍ-Ternan 3-0 (25-19, 25-20, 25-19). Bestu spælarar: Kasper Lorentsen (SÍ) og Jann Benjaminsen (Ternan)