fríggjadagur 1. apríl 2011síða 14

Fríggjadagur 1. apríl 2011 · Nr. 39 14 Sosialurin Vilmund Jacobsen Tá Tjóðveldi helt floksting í Haraldssundi seinasta viku­skifti, hevði flokkurin bjóðað tveimum gestum at halda røðu. Annar var Rói Paturs­ son, ið er kendur sum skald og háskúlastjóri. Hin var ís­lendski fíggjar­mála­ráð­ harr­in, Steingrímur J. Sig­ fus­son. Steingrímur greiddi frá, at hóast Íslendingar við stór­um meiriluta gjørdu av at loysa frá Danmark í 1944 og skipa landið sum lýð­veldi, fór Danmark ikki av landa­kortinum í teirra eygum fyri tann skuld. – Danmark var har kortini, legði hann aftrat. Vinna á Danmark Hann segði, at Danmark í tíð­ini eftir loysingina var ein týdningarmikil hand­ils­ partur hjá Íslandi, men sum tíð­in leið, gjørdust onnur norð­urlond ein alsamt størri partur av handilsliga sam­starvinum. Íslendski fíggjar­mála­ ráð­harrin var stundum álvar­sam­ur, men hann skemt­aði eisini. Hann var ikki komin langt í síni røðu, tá hann tók soleiðis til: – Er tað nakað, sum ís­ lendingar vilja, so er tað at vinna á Danmark í hond­ bólti, segði hann og bros­ aði. Steingrímur J. Sigfusson segði, at tá ræður um frænda­lond, helt hann, at Føroyar eru á fyrsta plássi millum íslendingar. Síðan koma hini norðurlondini, men hann legði samstundis stóran dent á, at Póland hevði verið tað landið, sum virkuliga hevði víst seg frá síni góðu síðu, nú Ísland kom í stóra bú­skaparliga kreppu. Hann segði, at Ísland hevði fingið stórt valutalán úr Pólandi, sum hann rópti tað – uttan nakrar treytir. – Tað er í krepputíðum, at tú sært, hvørjir rættu vinir tínir eru, legði hann aftrat. Saman í útnorði Steingrímur J. Sigfusson helt annars, at tey sambond í út­norði, sum Ísland hevur, í dag hava størri týdning enn nakrantíð áður, og í hesum sambandi kom hann eisini inn á arktisku økini, sum lond­ini varða av. – Tað hevur stóran týdn­ing, at Føroyar, Ísland og Grønland samstarva, tí eing­in ivi er um, at Norð­ ur­atlantshavið í framtíðini kem­ur at hava ein ógvuliga týð­andi leiklut – ikki minst, tá ræður um tilfeingi. Íslendski fíggjar­mála­ ráð­harrin, ið vísti seg at skilja rímiliga væl føroyskt, helt fyri, at tá tað ræður um frælsi og tjóðskap, hevði hann einki at leggja aftrat tí, sum Rói Patursson longu hevði sagt. Hann tóktist hugtikin av framløguni hjá Róa. Úr fátækradømi Íslendski fíggjar­mála­ráð­ harr­in tosaði eisini um ta bú­skaparligu endurreisn, sum Ísland – og kanska eis­ini Føroyar – noyddust og noyðast ígjøgnum, nú londini rendu seg í svára kreppu. Hann samanbar tó ikki støðuna hjá Íslandi við bú­skaparligu kreppuna í Før­oyum, men vísti á, at hjá flestu londum í Evropa gekk væl at koma burtur úr fátækradøminum, sum var í gomlum døgum. – Vit gjørdust millum heim­sins ríkastu lond, men tá ein tjóð er komin til ríki­ dømi, krevur tað styrki at umsita hetta. Hugburðurin sveik Steingrímur J. Sigfusson setti eisini spurningin, hví tað gekk so galið hjá Ís­ landi. – Hetta hava vit tosað nógv um í Íslandi. Hvør var tað, sum sveik? Eg haldi, at tað í fyrsta lagi var poli­ tikkurin sjálvur sum veik. Hugburðurin gjørdist skeiv­ ur, og neonkapitalisman gjørd­ist ómoralsk - og kanska gjørdust sjálvar um­støðurnar okkara størsti fígg­indi. Fíggjarmálaráðharrin Í krepputíðum sært tú hvørjir vinir tínir eru – Hjá flestu londum í Evropa gekk væl at koma burtur úr fátækradøminum. Vit gjørdust millum heimsins ríkastu, men tá ein tjóð er komin til ríkidømi, krevur tað styrki at umsita hetta. Hjá okkum sveik politikkurin, hugburðurin gjørdist skeivur, og neonkapitalisman gjørdist ómoralsk - og kanska gjørdust sjálvar umstøðurnar okkara størsti fíggindi, segði Steingrímur J. Sigfusson, íslendskur fíggjarmálaráðharri, á flokstingi hjá Tjóðveldi Hetta snýr seg um ábyrgd, og tað eigur ongantíð at vera trupult at gera tað, sum tú heldur vera rætt og neyðugt Steingrímur J. Sigfusson Bygdarhúsið í Haraldssundi var karmur um flokstingið hjá Tjóðveldi hesaferð. Hetta er fyrstu ferð, at floksting hevur verið hildið í Haraldssundi, tó at øll í bygdini, sum greiddu atkvøåu á fólkaatkvøðuni hin hin 14. september í 1946, atkvøddu fyri at loysa Føroyar frá Danmark Mynd: Vilmund Jacobsen