fríggjadagur 1. apríl 2011síða 44

nr. 39 · 1. apríl 2011 4 VIKUSKIFTI Samrøða Barbara Holm barbara@sos.fo Linda Andrews var stóra stjørnan í X Factor kappingini hjá Danmarks Radio fyri tveimum árum síðani. Hon var nógv tann besti sangarin, og hon vann eisini kappingina. Í tíðini eftir sigurin hevði hon nógvar framførslur, og hon gav fløgur út í Danmark. Linda fekk tó ikki bestu ummælini, og hon hevur eisini staðið eitt sindur fyri skotum, nú nýggjur X Factor vinn­ ari júst er funnin. Er kritikkurin, sum tú hevur fingið, rættvísur ? Eg skilji væl kritikkin frá fólki. X-Factor verð­ur blást upp, og fólk sita nærmast og vænta, at man brillierar aftan á send­ing­ina. Men X-Factor er ein falskur veru­leiki. Tann veruleikin er bara til í nakr­ar vikur, meðan sendingin koyrir. Eftir finaluna verður ein sendur aftur til tann rætta veruleikan, og tá er støðan bein­an vegin ein onnur. Eg skilji væl, at fólk væntaðu meir av mær. Tey fingu at vita, at eg var so fantas­tisk og heimsins besti tónleikari. Tað var í øllum førum tann myndin, sum DR teknaði av mær, meðan send­ ing­in koyrdi. Men síðani kemur tú út í danska tónleikaheimin og verður mettur við allar hinar etableraðu tón­ leik­ar­arnar, og tá megnar man ikki at liva upp til høgu vónirnar. Hevði tað verið betur, um tú gjørdist nummar tvey í X-Factor? Tað má tíðin vísa. Men eg trúgvi uppá, at ein skal gera sítt besta, óansæð hvør støð­an er. Og eg gjørdi mítt besta, so tað fari eg ikki at angra. Hevur tú dugað nóg væl at útnytta X-Factor heitið ? Heilt erligt, so havi eg nokk ikki dug­að tað nóg væl. Tá fløgan kom út, hegl­aði kritikkurin niður yvir meg, og eg gjørd­ ist næstan flóv av, at eg hevði vunnið. Eg fekk kensluna av, at tað var ókul at vinna. Eg brúkti tí nógva tíð upp á at summa meg eftir tað. Eg meldaði meg jú til, tí tað var ein stór succes í Bret­landi og Amerika, og vinnararnir har gjørdust stórar heimsstjørnur eftir kapp­ing­ina. Men her í Danmark er støð­an ein heilt onnur. Skal X-Factor halda fram ? Tað er ein fín sending. Men tað snýr seg um alt annað enn tónleik. Eg meldaði meg til fyri at fáa ein møguleika í tón­ leika­heimi­num. At verða tikin sum er seriøs­ur tónleikari. Men tónleikurin er ikki tað, sum fólk fokusera uppá. Tey hugsa meira um privatlívið hjá einum held­ur enn røddina. Man skal verða vit­andi um, at man stillar seg upp sum undir­hald. Allir X-Factor luttakararnir eru bert ein brikkur í spælinum hjá DR. Tað snýr seg jú heldur ikki um at finna góð­ar røddir. Er røddin góð, er tað eitt plus, men tað týdningarmesta er, at lut­takar­arnir eru øðrvísi – serligir á onkr­an hátt. Hví sló tín fløga ikki ígjøgnum ? Altso, eingin loftar tær eftir sendingina. Tín persónur verður blástur upp, meðan send­ingin koyrir, men síðani verður man sleptur uppá fjall. Móðurfelagið hjá SONY hevur eina heimsumfatandi av­talu, har teir noyðast at útgeva fløgu­ na hjá vinnaranum av X-Factor. Og tað minnir mest av øllum um avtalað hjúna­band, tí partarnir hava ikki valt hvønn annan, og tað var greitt, at SONY DK ikki brendi fyri mínum tónleiki. Fleiri onnur plátufeløg bjóðaðu seg til at framleiða mína fløgu, tí tey høvdu eina meining um, hvussu fløgan skuldi verða. Men SONY vildi ikki. Eg gjørdi mítt besta við sangunum, men eg hevði nær um onga ávirkan á, hvussu fløgan var framleidd. Eg sat bert aftan á og ypti øksl. Hvat hevur tú fingið burturúr X-Factor ? Tað týdningarmesta er sjálvandi, at nú vita umleið tvey milliónir fólk, hvør eg eri. Eg havi eisini fingið nógvar roynd­ ir. Bæði góðar og ringar. Og so havi eg sjálvandi eisini fingið nógvar góðar vin­ir og kenningar. Men eg havi lært ótrú­liga nógv um meg sjálva. Eg havi lært, at eg ongantíð aftur fari at geva eina fløgu út, uttan at tey, sum arbeiða við mær, brenna fyri sakini. Hvat heldur tú um X-Factor í ár? Sarah hevur ikki sterka rødd. Men hon hev­ur sterka persónligheit, og hennara persónligheit skínur ígjøgnum, tá hon syng­ur. Tað er ein sterkur eginleiki. Og júst prógvið um, at tað snýr seg um per­són­in og ikki røddina í X-Factor long­ur. Tá eg var við, var tað meira ein kapping, enn tað er í dag. Eitt nú vóru tað ikki Autotunes á, tá eg var við. Men tað hevur tað verið eftirfylgjandi. Støð­ ið er eisini lækkað nógv, um ein hugsar um røddirnar. Eg varð slept upp á fjall Síðan X-Factor sigurin fyri tveimum árum síðani, hevur lívið hjá Lindu Andrews ikki verið tann dansur á rósum, sum nógv hildu, at tað fór at verða. – Eg vildi ynskt, at Robbie Williams ávaraði meg, eins og hann gjørdi við Sarah, og bað meg læra at siga nei beinan vegin, sigur Linda Andrews Tá fløgan kom út, heglaði kritikkurin niður yvir meg, og eg gjørdist næstan flóv av, at eg hevði vunnið.