mikudagur 4. mai 2011síða 23

23 Mikudagur 4. mai 2011 · Nr. 51 Sosialurin Bátafestivalurin Fyrispurningar eru Seinastu 15-20 árini eru rættiliga nógvir virkisbygningar bygdir á havnalagnum hjá Nes kommunu, og nú eru so eisini nakrir bygn­ ingar komnir upp at standa á nýggja ídnaðarøkinum. – Vit fáa framvegis fyri­spurn­ ingar um byggilendi til nýggj vinnuvirki, men í løtuni eru ong­ar heilt ítøkiligar ætlanir á pappírinum, sigur borgarstjórin í Nes kommunu, Símun Johanne­ sen. vilmund@sosialurin.fo 295.000 Hetta er tað, sum Nes kommuna selur grundøkini fyri við Lýðarsveg á Toftum. Grundøkini eru púrasta klár at byggja á, og við í kostnaðinum eru øll íbindingargjøld Vilmund Jacobsen 295.000 krónur fyri eitt grundøki, har klárt er at seta formarnar á. Er tað nógv – ella er tað lítið? Tað veldst ivaleyst um fíggjar­ ligu orkuna hjá tí, sum ætlar sær at byggja, og tað veldst ivaleyst eisini um útlitini fyri at fáa eina sethúsaogn fíggjaða í einum pen­ ingastovni. Í høvuðsstaðarøkinum hevði hetta verið eitt rættiliga bíligt byggiøki – ja, kanska ein lítil triðingur av tí, sum eitt slíkt øki hevði kostað har. Símun Johannesen, borg­ar­ stjóri í Nes kommunu, sigur, at kommunan hevði tilsamans 25 grundøki við Lýðarsveg. Nøkur eru umbiðin, og eini sethús eru bygd. Eftir eru umleið 20 grund­ økir, sum bara bíða eftir keypara, sum hevur hug at byggja og fáa tað frálíka útsýni, sum er av Lýðarsvegi. – Hesi grunøkini eru púrasta klár at byggja á, og uppi í prís­in­um á 295.000 krónur eru øll íbind­ing­ argjøld, sigur Símun Johannesen. Borgarstjórin sigur annars, at nógv lív er ikki í sethúsabygging í kommununi beint í løtuni, men onkur hús standa í gerð við Gaddavegin, har annars er um at verða fullbygt. Undir Nesinum Undir Nesinum hevur Nes komm­ una eisini eina verkætlan við byggiøkjum í stoypiskeiðini, og her verða eini 25 grundøkir tøk, tá tann ætlanin kann fremjast í verki. Símun Johannesen vísir á, at fólkatalið í kommununi kvinkar spakuliga uppeftir – um enn kanska eitt sindur seint. – Vit eru í løtuni umleið 1270 borgarar í kommununi, og vit vóna, at enn fleiri barnafamiljur hava hug at seta seg niður her hjá okkum. Borgarstjórin leggur aftrat, at fólk eru hjartaliga vælkomin at seta búgv í Nes kommunu. Vónandi letur virkið skjótt uppaftur - Vit hava hoyrt okkurt um, at ætlanin er at lata saltfiskavirkið á Toftum uppaftur eftir summarsteðgin, men vit vita einki við vissu, sigur borgarstjórin Vilmund Jacobsen Saltfiskavirkið á Toftum var ein partur av Faroe Seafood-sam­ takinum, sum fór á húsagang seint í fjør heyst. Síðan virkið læt aftur fyri umleið fimm mánaðum síðan, hevur einki regluligt fiskaarbeiði verið á virkinum og fleiri av teimum, sum arbeiddu har, hava ikki verið í lønandi vinnu síðan. Tá feløgini Vinnan, Framherji og Samherji í Íslandi keyptu fýra virkir og seks skip úr trotabúnum eftir Faroe Seafood, varð sagt, at tey virkir, sum teir fóru at lata fyrst uppaftur, vóru virkið í Saltangará – og virkið á Toftum. Nú eru nakrar vikur, síðan latið varð upp aftur í Saltangará, men einki røkist fyri, at ein uppaftur lating á Toftum er so ógvuliga nær. Í síðstu viku segði stjórin í fe­ lag­num, sum rekur fiskavirkið í Saltangará, Jógvan Dávid Jacob­ sen, at óvissa er í løtuni um rá­ vøru­grundarlagið undir virkinum á Toftum, áðrenn greiða er fingin á, hvussu nógv ísfiskaskip fara at royna eftir makreli í summar og í heyst. Stjórin legði eisini aftrat, at tað er truplari og bindir meiri pening at starta eitt saltfiskavirki upp enn eitt vanligt flakavirki. Símun Johannesen, borgarstjóri í Nes kommunu, harmast sjálv­sagt at, at virksemi, sum var á salt­ fiskavirkinum á Toftum, enn ikki er komið uppaftur at koyra. – Eg havi hoyrt okkurt um, at virkið á ætlandi letur uppaftur eftir summarfrítíðina, men vit hava onga vissu fingið fyri hesum, legði hann aftrat. Stjórin í felagnum, sum rekur virki í Saltangará, Jógvan Dávid Jacobsen, segði, at í prinsippinum kann saltfiskavirkið á Toftum lata uppaftur í dag, um tað skal verða. Hann tordi kortini einki at siga við vissu um, nær virksemið aftur verður á virkinum. vilmund@sosialurin.fo Í høvuðsstaðarøkinum hevði hetta verið eitt rættiliga bíligt byggiøki – ja, kanska ein lítil triðingur av tí, sum eitt slíkt øki hevði kostað har SÍMUN JOHANNESEN – Vit vóna, at saltfiskavirkið á Toftum letur upp aftur eftir summarsteðgin, sigur borgarstjórin n