mikudagur 25. mai 2011síða 44

Mikudagur 25. mai 2011 · Nr. 60 12 Sosialurin kappingin Summar Ein av mongu ferðunum hjá Iceland Excursions er ein rundferð til fleiri av søguligu støðunum í nánd av Reykjavík. Eftir einum degi ber til at vitja so kend støð sum Þingvellir, Gullfoss, Geysir og annað. Útferð í søguligum umhvørvi Henda eina ferðin byrjar klokkan 8:30 úr Reykjavík, haðani ferðin fyrst gongur til Nesjavellir, ið er eitt av heitu økjunum í vakra landslagnum við Þingvallavatn. Síðani verður leiðin løgd til tjóðparkina við Þingvellir, her íslendska altingið varð sett á stovn í árinum 930 eftir Kristi føðing. Eftir at hava sæð og upplivað serstøku náttúruna her, gongur leiðin til eitt eins vakurt og eins kent stað – Gullfoss, sum ein bara má síggja, áðrenn ein doyr, sum tikið verður til. Næst á skránni er eisini eitt must-see-stað í Íslandi, nevniliga tær heitu keldurnar við Geysir og Skrokkur. Eftir at hava etið eina máltíð, stendur gamla sætið hjá íslendska biskupinum, kirkjan í Skálhólti og urtagarðsøkið í Hveragerði fyri framman. Henda ferðin í søguligari slóð verður gjørd hvønn dag í viku, og varir í slakar 9 tímar. Kostn­aðurin er 9.500 íslendskar krónur, sum svarar til 280 før­ oysk­ar krónur. Viðmæli Ein teirra sum hevur vitjað túrin er ein við navninum Magloire úr Fraklandi. Og viðkomandi gevur túrinum, sum varð gjørdur 9. mai í ár, sítt besta viðmæli: Sera vakur túrur og ógvuliga áhugaverdur. Ferðaleiðarin var óførur. Steðgirnir vóru passaliga langir, soleiðis at vit kundu njóta teir. Má roynast!