fríggjadagur 27. mai 2011síða 4

Fríggjadagur 27. mai 2011 · Nr. 61 4 Sosialurin Randi Jacobsen Bjarni Mikkelsen, lívfrøð­ing­ ur á Náttúru­gripa­savninum hevur leingi droymt um at fáa eina lítla grind fyri at kunna seta sendarar á nakrar hvalir. Og mikumorgunin gekk dreymurin út. Ein lítil grind varð funnin suður úr Viðoynni, og grinda­ formenninir eystan fyri og sýslumaðurin vóru samdir um at lata hesa grindina til vísindaligt endamál. Fólk í økinum vóru ikki í neyð fyri grind og spik, og haraftrat var grindin so lítil, at partarnir høvdu verið smáir. Tá ið Bjarni Mikkelsen fekk boðini, var hann bundin av øðrum arbeiði, men so skjótt tað ber til, riggaði hann útgerðina til og skundaði sær norður til Norðdepli, har grinda­menninir goymdu spaka bólkin. Ymiskir sendarar - Tað gekk ógvuliga væl. Hvalirnir vóru ikki overvaðir og vórðu spakuliga riknir inn móti landi. Teir vóru úti og vendu, og tá ið tveir komu at landi, komu aðrir aftaná, sigur Bjarni Mikkelsen. Átta hvalir fingu sendara sett á seg. Fýra fingu nýggjar heilt góðar sendarar, tveir fingu sendarar, sum Náttúru­ gripasavnið hevur fingið úr Íslandi, og tveir fingu nøkur ár gamlar sendarar, ið eru heldur ivasamir. Gjáramorgunin hevði Bjarni Mikkelsen longu frætt frá fýra hvalum, sum tá vóru staddir nærinids Sandoynni. Hann sær tað sum ein stóran fong at hava sett send­ arar á nakrar hvalir, tí nú fer at bera til at síggja, hvussu hvalirnir ferðast, og hvussu langt teir fara úr Føroyum. Ætlanin er seinni í summ­ ar at royna at fáa eina lítla grind afrat at merkja. Tað er eingin missur fyri eitt økið, um einir 20 hvalir ikki verða dripnir ella kanska 30 í Havn, heldur Bjarni Mikkelsen. Hann ætlar ein av døgun­ um at fáa skipanina út á heima­síðuna, so fólk kunnu fylgja við, hvar hvalirnir eru staddir. Heimasíðan eitur ngs.fo Hvalirnir vóru spaki,r og lætt var at festa sendararnar á teir Mynd: Norðlýsið Kunnu fylgja hvalunum Við góðari hjálp frá fólki á staðnum eydnaðist teimum á Náttúrugripa­ savninum mikudagin at merkja átta hvalir í Hvannasundi Randi Jacobsen Í næstan fýra ár hevur Fróði Jacobsen arbeitt fyrst hjá Almanna- og Heilsu­mála­ ráðnum og síðan hjá báðum ráðunum. Nú hevur hann søkt um farloyvi í eitt ár, tí hann fer at gera nakað heilt annað. Fróði Jacobsen skrivaði í gjár undir setanaravtalu við Javnaðarflokkin, ið komandi árið í hvussu er verður ar­ beiðs­gevari hansara. – Eftir fýra ár í sama starvi er stundin komin at royna nakað annað. Eg havi altíð havt áhuga fyri politikki, og hesi fýra árini havi eg arbeitt saman við trim­um javnaðarpolitikarum, Hans Paula Strøm, Aksel Johanne­ sen og nú John Johannesen, og hevur tað givið mær mót uppá hesa avbjóðingina, sig­ ur Fróði Jacobsen. Samskiftið fer at fylla nógv í arbeiðinum hjá Fróða Jacobsen, og tær mest ítøki­ ligu uppgávurnar verða at fyrireika valstrið, nú tvey val standa fyri. Javnaðarflokkurin hevur leingi leitað eftir einum fólki at styrkja skrivstovuna hjá flokkinum við, og Fróði Jacobsen var áhugaður. – Uppgáva hansara verður fyrst og fremst at gera tað politiska arbeiðið meira pro­ fessionelt, sigur Aksel Jo­ hannesen, formaður í Javn­ aðar­flokkinum. Hann fer at fyrireika mál fyri tingfólkini at leggja fyri tingið, gera útrokningar, kanna hvat er gjørt við líkn­ andi mál í øðrum londum o.s.v. Eisini skal hann samskipa innanhýsis samskiftinum í flokkinum við limafeløg og limir. Uppgávan er at styrkja flokkin Fróði Jacobsen er settur í starv sum politiskur samskipari hjá Javnaðarflokkinum. Endmálið er at gera politiska arbeiðið meira professionelt Fróði Jacobsen skrivaði í gjár og undir setanaravtaluna við floksformannin Aksel V. Johannesen. Fyrsti arbeiðsdagur hansara í nýggja starvinum verður mánadagin 6. juni Mynd: Álvur haraldsen