fríggjadagur 27. mai 2011síða 56

nr. 61 · 27. mai 2011 8 VIKUSKIFTI Hvat er tað besta við býráðsarbeiðinum? Tað er spennandi at vera við til at hava ávirkan og taka avgerðir fyri framtíðina hjá okkum borgarum. Hvat er tað ringasta? Veit ikki nakað ringt. Hvat fekk teg at fara upp í kommunalpolitik? Áhugin fyri samfelagsviðurskiftum hevur mín stóra áhuga, so tað er orsøkin. Heldur tú teg framvegis í form? Mær dámar væl at ganga túrar, serliga í føroysku nátturuni. Nøkur skipa venjing er ikki í løtuni. Hevur tú húsdjór? Nei, men vit hava seyð á trøðni. Hvussu nógv gongur tú upp í ítrótt í dag? Tá H71 og B36 spæla eri eg sera áhugaður og spentur. Døturnar leika eisini við H71, umframt at tær renna við Bragdinum, so har fylgi eg eisini við. Lesur tú nógv? Ja, havi altíð eina bók á náttborðinum. Serliga dámar mær væl at lesa søgu og siðsøgutilfar. Í løtuni lesi eg bókina: Ziskatrøðbrekkan hjá Christoffer Jensen Dugir tú at gera mat? Ikki serliga væl, men mær dámar væl at fáa góðan føroyskan mat til høldar. Hvat er tín lívrættur? Ein góður ræstur ella feskur føroyskur bógvur í ovninum. Hvar dámar tær best at ferðast? Vit hava summarhús í Funningi haðani mamma mín var ættað. Har dámar okkum væl at fara at ferðast. Kona mín hevur eina systir, ið er gift í Ribe í Danmark. Har gongur leiðin, um farið verður uttanlands. Ein hugnaligur eldri og friðarligur býur í suðurjútlandi. Hvørjum hyggur tú at í sjónvarpinum? Dag & viku, um stundir eru til tess. Verður tú framvegis í býráðnum um 10 ár? Um lív og heilsa verður mær lagað, so hevði eg fegin vilja, men tíbetur liva vit í einum demokratiskum samfelagi, har tað er veljarin, sum tekur ta avgerðina. Jákup símun simonsen Haldi fegin fram í politikki lagt til rættis: Leo Poulsen Jákup Símun Simonsen er formaður í einari sera virknari havnanevnd í Tórshavnar kommunu. Hann heldur seg ikki duga serliga væl at gera mat, men dámar væl at fáa føroyskan mat til høldar. Og so fylgir hann væl við B36 og H71, har døturnar spæla við mynd: Jens kristian vang