fríggjadagur 3. juni 2011síða 34

nr. 64 · 3. juni 2011 2 VIKUSKIFTI Krimibók Eyðun Klakstein eydun@sosialurin.fo Fyri tveimum vikum síðani gav forlagið Torgard úr krimisøguna Metusalem, sum Jógvan Isaksen hevur skrivað. Hetta er fjórða krimisøgan hjá føroyska rithøvundanum, sum verður givið út á donskum máli. Týðari er Povl Skårup. Ummælarin hjá blaðnum Metro­ Xpress gevur Metusalem gott skoðs­mál. Hann sigur millum annað, at bøkurnar hjá Jógvani Isaksen geva eitt innlit í føroysk viðurskifti og politikk, og bøkurnar fáa Føroyar at virka sum eitt vakur, spennandi og áhugavert stað, sum mann fær hug at vitja. MetroXpress gevur Metusalem 4 av 6 stjørnum. Paperback útgávur Samstundis sum Metusalem er komin út á donskum máli, hevur Torgard givið tríggjar tær fyrru krimisøgurnar hjá Jógvani Isaksen út sum paperback – ella bíligókaútgáva. Tað eru bøkurnar »Blid er den færøske sommernat«, »Grå oktober« og »Korsmesse«, sum nú eisini finnast sum paperback. Tær báðar fyrstu vóru givnar út á forlagnum Vindrose í 1991 og 1995 og hava verið útseldar í mong ár. Nú er so høvi at ogna sær tær aftur. Ta triðu, Kors­messe, gav forlagið Torgard út í 2009, og 1. útgávan er mestsum útseld. Til hesa hópútgávuna av Føroya fyrstu – og enn einastu – krimibókarøð hava donsku útgávurnar fingið nýtt, flott kápusnið, sum sniðgevin Høgni Egholm Magnussen hevur staðið fyri. Útgávurnar hava fingið stuðul frá týð­ingagrunninum undir Norður­ lendska Ráðharraráðnum og Mentunar­ grunni Landsins. Stríðið í Hoydølum Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Súsanna Danielsen og Kristina Maria Eliasen / Ólavur J. Hansen 2 Klumma: Stríðið í Hoydølum 4 Interview: Kristina Maria og Súsanna 6 Tips: Pottar 8 90 sekund: Beinta Clothier 10 Til arbeiðis: Bjarni Petersen 12 Í rangastrúpan: Ymiskt úr miðlunum 12 Umafturafturum: Høgni Djurhuus 14 Bakgrund: Sextrælir hjá ríkmonnum 16 Albert Isfeldt: Á ferð í USA 20 Bakgrund: Stjórnarskipanin 22 Kappingar: Vinn góðar vinningar 24 Miðlamjarr: Tað siga tey á Facebook og í miðlunum 27 Tað hendir: Konsertir, tiltøk, bøkur og annað 28 Vikumyndin: Guardiola INNIHALD klumman Inna Törnroos Krimisøga hjá Jógvan Isaksen fær gott ummæli í donskum blaði, og ummælarin hevur fingið hug at vitja Føroyar Gott ummæli til Isaksen Um nakrar dagar eru tað 20 ár, síðani eg fekk studentahúgvuna á høvdið. Eg skal ikki troytta tykkum við minnum frá hesum gyltu døgum í juni 1991 – ístaðin skal eg minna tykkum komandi studentar á, at tað er NÚ, tað er strævnast. Eg havi so í øllum førum ongantíð – hvørki áðrenn ella aftaná – arbeitt so hart, sum eg gjørdi, tá eg gekk í studentaskúla í Hoydølum. Dagar og kvøld vóru fylt við skúlatingum. Nakað privatlív var ikki hugsingur um, og takk og lov búði eg á kostdeildini, so at eg fekk mat regluliga. Sjálvandi var eg kallað »strebari«, tí eg gjørdi míni ting. Men fyri okkum, ið ikki eru fødd geni, mugu skúlatingini gerast, fyri at úrslitið ikki skal vera alt ov vánaligt. Mín »ess« vóru munnligu royndirnar, tí eg ikki eri skorin fyri tungubandið. Eg snakkaði sum ein maskingever og gekk út frá, at um helvtin av tí, eg segði, var skilagott, mundi tað nokk fara og ganga. Tað gjørdi tað, og hóast eg langt síðani havi gloymt, hvat eg var uppi í, so minnist eg enn hvørjir karakterirnir vóru, og hvussu kenslan var, tá eg stóð við húgvuni á høvdinum. Tað kendist ikki so FANTASTISKT, sum eg helt tað fór at gera – meira ein kensla av »Nå, var hetta alt? Og hvat geri eg nú?« Flakavirki í Sørvági? Eg væntaði sjálvandi, at universitet­ lesnaðurin fór at verða nógvar ferðir strævnari enn studentaskúlin var. Men har fór eg skeiv. Universitetið var herliga avslappað, og gekk tað galið í onkrari roynd, fór man upp aftur til næstu roynd. Sum vaksin havi eg lisið bæði á privatum skúlum og á Fróðskaparsetrinum, og eg dugi ikki at skilja, hví studentaskúlin var so strævið. Var tað mær tað var galið við, ella var skúlin bara ein pylsumaskina, sum stappaði okkum full í vitan, og so knýtti um endan við eini húgvu og blakaði okkum út? Eg havi havt nógva nyttu av mínum prógvi. Eg kom inn á útbúgvingina, eg vildi koma inn á, eg veit at úlvur eitur »Lupus« á latíni, hvussu eygnaliturin gongur í arv, og hvat »Je ne regrette rien« merkir á fronskum! Jógvan Isaksen hevur nú fýra krimisøgur úti á donsum máli