mikudagur 28. januar 2004síða 6

10 Nr. 18 - 28. januar 2004 Nr. 18 - 28. januar 2004 11 Høgni Hoydal formaður Tjóðveldsifloksins roynir í viðmerking í blaðnum í dag at billa fólki inn, at krepp- an, ið nú stendur fyri durum ella rættari sagt er byrjað, verður skapt uppá fáar vikur av teimum, »ið vilja prógva, at vit einki megna í Føroyum«. Eisini roynir formaður Tjóðveldisfloksins at billa fólki inn, at fíggj- arlógaruppskotið hjá Karsten Hansen fyri 2004 hevði givið yvirskot, um sokallaða fasta búskaparstýringin hevði hildið fram og sparitiltøkini við keksum, posum o.s.fr vóru samtykt. Hetta passar ikki. Seinastu metingarnar um skattainntøkur fyri 2004 eru 200 milliónir lægri enn, tá fíggjarlógin var løgd fram. Hetta merkir undirskot, óansæð um spariuppskotini hjá Karsten Hansen vórðu samtykt ella ikki. Hesar meting- ar hava eftir øllum at døma verið kendar millum flokk- arnar á tingi, men okkum lysti at frætt, hví Tjóðveldis- flokkurin, ið legði so stóran dent á tann sterka búskapin í valstríðnum, einki segði við veljaran um hesa mink- ing uppá 200 milliónir í mettum skattainntøkum. Er slíkur atburður tað, ið Høgni Hoydal vil síggja frá fjøl- miðlunum? Eins og 80’ini høvdu avleiðingar nógv ár fram, og eins og krepputiltøkini undir m.a. Maritu Petersen sálu tryggjaðu framgongd nógv ár fram, so koma avleiðing- arnar av slappu stýringini seinastu árini at merkjast nógv ár fram. Tað er ein grov undirmetan av veljarnum, at fyrigykla honum, at kreppur verða skaptar uppá fáar vikur. Kreppur eru í stoypiskeiini í áravís, og nógvir faktorar bæði innanlands og ikki minst uttanlands geva sítt íkast. Hví man Høgni Hoydal verða so grammur at av- nokta krepputeknini, ið standa sólarklár? Kann tað veruliga hugsast, at hann vil pástanda, at kreppur verða skaptar uppá fáar vikur fyri at kunna vaska hendur og geva øllum hinum skyldina, tá núverandi kreppa, ið longu er veruleiki úti um landið, fer at merkjast í kioskum, radiobúðum og hárfríðkanarstovum í Havn- ini? Tað sigur nógv um, hvussu formaður Tjóðveldisfloks- ins kundi hugsar sær fjølmiðlar, tá hann kallar fjøl- miðlar ábyrgdarleysar, tí teir leggja merki til, at inntøk- ur landskassans fyri 2004 verða mettar 200 milliónir lægri enn í fíggjarlógaruppskotinum. Tað skuldi bara manglað! Í 1988 vóru krepputekin, og vit høvdu ein tjóðveldis- fíggjarmálaráðharra, ið sambært sær sjálvum lat ein landskassa á tremur frá sær. Í 2004 hava vit aftur krepputekin og ein tjoðveldisfíggjarmálaráðharra, ið sambært sær sjálvum hevur latið ein landskassa á trem- ur frá sær. Vónandi kemur søgan ikki heilt at endurtaka seg, men tá formaður Tjóðveldisfloksins roynir at peika á onnur – ja sjálvt fjølmiðlar – fyri at geva teim- um skyldina av, at kreppa hómast, so sær ikki bjart út fyri framman. Vónandi fáa vit eina sterka og handli- kraftiga samgongu, ið kann skalka sum frægast, áðrenn búskaparligu brotasjógvarnir raka. DAGSINS MEINING Sosialurin Góða mamma tað var ikki eg... VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Finnbjørg Nattestad finnbjorg@sosialurin.fo Durita Simonsen durita@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Heri á Rógvi heri@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Ítróttur: Jákup Mørk jakup@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Hjørdis Djurhuus Tað mundi vera mangur føroyingur, ið fyri og eftir valið, spurdi um veruligu orsøkina til ódámligu við- ferðina okkara vælumtókti løgmaður Anfinn Kallsberg fekk av floksformonnunum í hinum stóru flokkunum. At fáa skert virkisfrælsi, tað er ikki eiti á dómir um okkara leiðir. Ein kemur at hugsa um prestastyrið í Iran. Svarið upp á viðferðina av Anfinni Kallsberg fáa vit frá Justinus Leivsson Eidesgaard blaðmanni í grein í Sosialinum 24.jan. 2004. Í eini sera væl skriv- aðari og sakligari grein, ið øll, ið hava áhuga fyri poli- tikki, áttu at lisið. Tøkk fyri greinina Jústin- us Leivsson Eidesgaard. Øvund hevur mangan verið drívmegin til mangt ódámligt, og hetta er sjálv- andi ikki fyrstu ferð, at polittikari hevur kent svið- an av øvund. Til fólkatingsvalið í l939 varð Jóannes Patursson ikki uppstillaður av Sjálvstýris- flokkinum, sjálvt um hann hevði bestu møguleikarnar at verða valdur. Tað var tá, Vinnuflokkurin bjóðaði Jóannes Paturssyni at koma upp í flokkin. Jóannes Patursson tók av og bleiv formaður fýri hendan flokk, sum seinni bleiv til Fólkaflokkin. Flokkurin sum Anfinn Kallsberg í dag stendur á odda fyri. Í sambandi við ráðagerð- ina ímóti Jóannes Paturs- syni tekur skaldið Pól F. Joensen m.a. soleiðis til í heilsan til Jóannes Paturs- son: Ov stórur fyri meðal menn / teir fata ei títt viki enn / tí vart tú burtur rikin / men Føroya fólk gav svarið nú / at eingin metist hátt sum tú / ið varð so illa svik- in. Hugsaði, tá ráðargerðin hjá feðgunum Kjartan og Høgna Hoydal í samband við lesarabrøvini frá Lon- don varð avdúkað, at hetta boðar ikki frá góðum. Báð- ir uttan iva serkønir í, hvussu ein politiskur mót- støðumaður verður fyri- beindur. Undirgravandi ar- beiðið fyri at fella eins egna løgmann má sigast at vera bæði ódámligt og ófør- oyskt. At formaður Tjóðveldis- floksins hevur ilt við at góðtaka stóra munin mill- um tað álit hann og fólksins løgmanður Anfinn Kalls- berg hava millum fólk, er skiljandi, men tað má vera eitt mark fyri, hvat fyri vápn verða nýtt í politisk- um stríði. Framferðarhátturin hjá Høgna Hoydal ímóti An- finni Kallsberg er ein skamblettur í nýggjari politiskari søgu, ein skam- plettur, ið føroya fólk seint fara at gloyma. Í sambandi við leiklutin hjá Jóannes Eidesgaard og Lisbeth L. Petersen at skerja arbeiðsfrælsið hjá Anfinni Kallsberg soleiðis, at hann hvørki kann gerast løgmaður ella landsstýris- maður er at siga, at kanska hava tey sovið í tímanum. Tað sær nú út til, at Lisbeth L. Petersen er vaknað við kaldan dreym, og Jóannes Eidesgaard plagar eisini at vakna sum frálíður. Eru vit í Føroyum komin niður á tað støði, at »keypt- ir« blaðmenn og politikarar yvirtaka uppgávuna hjá dømandi valdinum, so boð- ar hetta frá ófrættindum. Livst so spyrst. Fólksins løgmaður Annita á Fríðriksmørk og Heidi Petersen løgtingskvinnur Tjóðveldisfloksins Í Dimmalætting fríggjadag- in 2. januar undrar tað okk- um stórliga, tá Finn Ou- gaard varafúti sigur, at sølulýsingar við útlendsk- um kvinnum í Føroyskum bløðum ikki er ólóglig. Grundgevingin hjá honum sambært blaðnum er, at »Tað, sum fyrigongur í Tei- landi, kann ongantíð koma undir føroyska lóggávu, og tískil er einki ólógligt í ein- ari slíkari lýsing í einum føroyskum blaði«. Sjálvsagt kann føroysk lóggáva ikki lóggeva um, hvat er rangt og rætt í Tei- landi. Men tað, sum undrar okkum er, at gingið verður so lætt um lýsingina í Dimmu, sum eggjar giftum monnum og gomlum dreingjum í Føroyum at keypa sær kvinnur úr Tei- landi, Kina og Russlandi. Um hildið verður, at tað er í lagi at lýst verður við sølu av kvinnum úr triðja heim- inum, kunnu teir væl sakt- ans eisini lýsa við sølu av børnum, menniskjagøgnum o.s.fr. Hetta má sigast at verða undir allan moral og ein góðkenning frá ákæru- myndugleikanum um, at lýsast kann í føroyskum bløðum við keypi og sølu av kvinnum, bara sølan fer fram uttan- lands. Uttan at gera okkum til dómarar yvir, hvat donsk lóggáva loyvir í Føroyum, so skulu vit bara minna á, hvat t.d. stendur í revsilógini grein 233, har tað stendur soleið- is: »Den, som opfordrer eller indbyder til utugt eller stiller usædelig levevis til skue på en måde, der er egnet til at forulempe andre eller vække offentlig for- argelse, straffes med hæfte eller fængsel indtil 1 år eller under formildende omstændigheder med bøde«. Nú er tað sjálvsagt upp til ákærumyndugleikan og í síðsta enda dómsvaldið at gera av, í hvørjum einstøk- um føri, hvar markið fyri ólevnað og ósiðiligan livi- hátt gongur. Men tað undrar okkum, um ikki ákærumyndugleik- in og dómsvaldið eru samd við okkum í, at tað er ósig- ur og ótespiligur ólevnaður at bjóða gomlum dreingj- um og giftum monnum at keypa sær kvinnur úr øðr- um londum. Tí er síðsta orðið ikki sagt enn! Sigur danski myndugleikin í Føroyum., at hetta er í lagi, so má hetta reisast í løgtinginum, so skjótt tingið kemur sam- an aftur. Vit ætla so at gera tað, sum liggur í okkara makt, fyri at steðga slíkum! Skipaður kvinnuhandil í Føroyum VIÐMERKINGAR Um Kallsberg er fortapt- ur í allar ævir – er ein persónligur spurningur Tað er einki beinleiðis samanhang millum at verða valdur á løgting og at gerast løgmaður ella landsstýrismaður. T.d. kann nevnast, at Tjóðveldisflokkurin ongantíð hevur havt løg- mann, hóast hann hevur verið størsti flokkur í samgongu og við for- manni, sum hevur nógv fleiri atkvøður enn Kalls- berg Abraham Mikladal At vera løg- ella lands- stýrismaður er ikki tað sama sum at vera løgtings- limur. Tað er staðfest í stýris- skipanarlógini, hvat stødd av lógarbroti er nokk at taka valbærið/órinið frá einum løgtingslimi. § 4. Valbærur er hvør, sum hevur valrætt til løgtingið, uttan so er, at hann er revs- aður fyri gerð, sum hevur við sær, at hann eftir al- mannahugsan ikki er verd- ugur at sita á tingi. Stk. 2. Tann, ið dømdur er fyri revsiverda gerð, verður ikki óverdugur til tingsess, uttan so, at hann fær fongsulsdóm í 4 mánaðir ella longri, ella trygdarvarðhaldsdóm. Stk. 3. Heldur ikki er hann óverdugur, tá ið 5 ár eru lið- in frá tí, at revsingin er av- sitin, fyrnd, ella eftirgivin ella frá endaligari leysgev- ing úr trygdarvarðhaldi. § 24. Eingin løgtingsmaður má uttan samtykki løgtings- ins verða ákærdur ella fongslaður á nakran hátt, uttan so at hann verður tikin á búri. Stk. 2. Eingin løgtingsmaður kann uttan samtykki ting- sins verða kravdur til svars uttantings fyri tað, hann hevur sagt innantings. (Stýrisskipanarlógin) Við løgmanni og lands- stýrismonnum er tað annar- leiðis. Her er talan um ÁLIT. Spyr bara Kallsberg sjálv- an – hann sendi jú Annlis heim orsakað av væntandi áliti. § 29. Loystur skal verða úr embæti løgmaður ella lands- stýrismaður, ið biður um tað. Løgtingsformaðurin loysir løgmann úr embæti, og løgmaður loysir lands- stýrismann úr embæti. Stk. 2. Løgmaður kann eisini í øðrum førum loysa úr em- bæti landsstýrismann og skal loysa landsstýrismann úr embæti, um tað við at- kvøðugreiðslu í løgting- inum, har ið meira enn helmingur av øllum ting- monnum atkvøður fyri, verður samtykt, at løgtingið ikki longur hevur álit á landsstýrismanni. § 30. Um tað við atkvøðu- greiðslu á løgtingi, har ið meira enn helmingur av øll- um tingmonnum atkvøður fyri, verður samtykt, at løg- tingið ikki longur hevur álit á løgmanni, skal løgmaður biðja løgtingsformannin loysa seg úr embæti. (Stýrisskipanarlógin) Orsøkin til, at Tjóðveldis- flokkurin, og eftir øllum at døma Javnaðar- og Sam- bandsflokkurin eisini, ikki ynskja Kallsberg sum ráð- harra, er vantandi ÁLIT. Málið um Kallsberg, snýr seg ikki bara um, hvat hann hevur gjørt í fortíðini. Tað átti at verið avgreitt rættar- liga, og so var tað staðfest. Men málið snýr seg um, hvat hann hevur gjørt sum løgmaður. Kallsberg hevur ferð eftir ferð logið fyri Føroya fólki um sína fortíð. Hann hevur brúkt løgmansembætið til at hótta eina samgongu til at fjala út yvir sína fortíð, og hann hevur slitið eina samgongu til tess at verja sín egna persón. Hartil hev- ur hann sum løgmaður bor- ið í bøtuflaka fyri lógarbrot og sagt, at tað er í lagi, um bert tað tænir einum enda- máli. Um hetta verður góðtik- ið, so kann ongin hava álit á løgmansembætinum nakrantíð. • Hugsa tær, um tað eitt nú var fútin ella dómarin, sum fingu okkurt mál fram, um at teir høvdu framt lógarbrot. • Hugsa tær, um teir síðani hóttu síni starvsfólk og fjølmiðlarnar við at tað fór at fáa avleiðingar um tey ikki tóku orð síni aftur. • Hugsa tær, um teir síðani sendu øll starvsfólkini til hús, tá tað kom fram, at teir høvdu logið. • Og hugsa tær, um teir síðani søgdu, at tað var í lagi at fremja lógarbrot, tí tað tænti einum enda- máli. Um hetta ikki hevði fingið avleiðingar, hvør hevði tá nakrantíð kunnað havt álit á landsins hægstu embætum? Men hevði Kallsberg lagt kortini á borðið, sagt allan sannleikan og biðið um fyrigeving, so hevði hann fingið hana – eisini frá Tjóðveldisflokkinum – tað boðaði hann greitt frá bein- anvegin. Tú veitst Jústinus – at treytin fyri at fáa fyrigev- ing er at biða um fyrigev- ing og tað hevur Kallsberg ikki gjørt. Nei hann var og er harðhjartaður og kastaði Føroyar ferð eftir ferð út í stjórnarkreppu. (Hjartagóð- ur maður ger væl við seg sjálvan, men hin harðhjart- aði forkemur sær. Orðt. 11:17) Í løtuni stendur hevnd ovast á dagskránni hjá Kallsberg. Tað fer óivað at eydnast honum í fyrstu atløgu, men betur man sannleikin og evnini at seta mark millum rangt og rætt fara at roynast í longdini. Eg eri errin av at hoyra til ein flokk, sum tordi og megnaði at seta mark ímill- um rangt og rætt. Tað skal fara at vísa seg, at vera ein stórsigur fyri føroyska fólkaræði. Fyri tí, tú veitst, er rætt, doyggj, um so má vera; tá skal lívið falla lætt, deyðin einki gera. Rættvísi sigrar at enda! Aftursvar til Jústinus Leivsson Eidesgaard Zakarias Wang Valið 20. januar 2004 var ein sigur fyri sjálvstýristil- gongdina í Føroyum. Teir flokkar, sum hava stríðst við hond og fót ímóti at vit skulu gerast eitt sjálvstøð- ugt ríki, høvdu fyri valið 46,9% av atkvøðunum. Val- dagin tann 20. januar fingu teir 45,6, ein afturgongd upp á 1,3%. Har afturat kom, at tí vallóg fyri at takka, sum javnaðarløg- maðurin í 1978 við undir- tøku frá Sambandsflokk- inum fekk ígjøgnum, misti Sambandsflokkurin ein mann. Úrslitið er sostatt, at teir flokkar, sum eftir valið 1998 fóru til verka við tí bjarta endamáli at vinna okkum frælsi, fingu 16 av 32 tinglimum, og einki landsstýri kann skipast uttan um teir. Stóðu hesir flokkar sam- an, so var bara at fáa ein tingmann afturat at lata vera við at atkvøða ímóti teimum, og so kundu teir stýrt Føroyum fram til 20. januar 2008. Hetta skuldi ligið væl fyri, tí í tí sam- gongu, sum var skipað eftir valið í 2002, var Miðflokk- urin eisini við, og hann hevur ikki sambandspoli- tikk sum sítt fremsta mið. Hesin flokkur var tann veruligi vinnarin av val- inum og fór eitt umboð fram. Nú skuldi so bara verið at hildið saman hjá sjálv- stýrisflokkunum. Men tíverri tykist støðan at vera sum í Runsival á sinni, tá ið tólvjavningarnir viltust og hvør mót øðrum slóg. Tað er nevnliga vandi fyri, at persónligt agg kann forkoma sjálvstýristilgongd- ini. Skuldi hetta hent, so vita vit eitt, og tað er, at gleði- rómurin hevði ljómað hvøllur á Christiansborg. Síðan landsstýrið varð skipað í 1998 hevur danska stjórnin og hennara skutils- sveinar ligið sjálvstýris- samgonguni eftir lívinum. Hesar myrkursins kreftir hava nýtt øll vápn fyri at forða hesum landsstýri at seta í verk bjørtu ætlan sína. Hetta má ikki eydnast teimum! Øll orsøk er hjá hesum flokkum at seta seg niður at fáa greiðu á teimum illstøð- um, sum eru íkomnar, og fáa tær beindar av vegnum. Tað ber ikki til, at Føroya land ikki skal fáa frælsi, av tí at teir menn og tær kvinn- ur, vit hava sett okkara álit á, í hesu lagnustund seta sín egna persón fram um bjarta mál okkara. Samgongur Anna Djurhuus Hoyrdi í tíðindunum fyri nøkrum vikum síðani um, at læknar høvdu funnið fram til eina tøkni, sum kundi ávísa, um kvinna við barn bar barn við Downs syndrom (mongolismu) undir belti. Tað ljóðaði fyri mær, sum um hetta vóru gleði- lig tíðindi, ella ein sensa- tión. Jú, vit einum skann- ara kundu læknar kanna, um barnið hevði ein ávís- an nakkafald. Um so var, bleiv tilboð givið um at gera ein fosturvatns- roynd, sum so endaliga kundi staðfesta, um tað veruliga var Downs syn- drom. Barnið kundi so takast. Við hesum blivu »bert« 5 børn við Downs syn- drom fødd í Danmark um árið ístaðin fyri 60-70. Annað floks menniskju? Eg sat eftir við einari løgnari kenslu, tá eg hevði hoyrt tíðindini og hugsaði við mær sjálvari: Hvat mugu foreldur at børnum við Downs syn- drom hugsa, hvat mugu tey sjálvi hugsa. Eru hetta »2. floks menniskj- ur«. Eg eigi sjálv fimm so- kallað vælskapt børn, og kann kanska ikki seta meg í stað teirra, sum eiga børn við breki, men eg veit bert, hvat tey sjálvi siga. Vælskapt brek Fyri nøkrum árum síðani kom fløga út, ið var nevnd vælskapt brek, har ljós bleiv sett á børn við viðføddum breki. Var sjálv á konsertini, ið bleiv hildin í Norður- landahúsinum. Ein sera góð og rørandi konsert, har temaið var, hvørja gleði hesin bólkur av børnum ber sínum kæru og øðrum við. Heiti vælskapt brek er eitt ógvuliga vælvalt og sigandi heiti. Ein ríkt tjóð! Í kvøld 25. januar 2004 sá eg sending í Sjónvarp Føroya um daglidagin hjá Jóannesi Jacobsen, við hansara arbeiði mill- um menningartarnað. Eg má siga, at tá eg sá M´as Blues Band spæla í Vest- manna skúla, tá rørdist mítt hjarta, og eg hugsaði. Vit eru rík sum samfelag, at eiga hendan vælsign- aða bólkin av menniskj- um, sum skapa slíka gleði rundan um seg har tey eru. Tøkk skal Jóan- nes hava, sum í síni frítíð ger hetta frálíka arbeiði fyri at gleða okkum øll. Man tað ikki verða, tí hann sjálvur er vorðin ríkari at vera saman við teimum? Vit verða fátæk uttan tey Eg hugsi, um vit sum samfelag skulu sleppa okkum av við tann bólkin av menniskjum við Downs syndrom, hvør verður so tann næsti bólkurin? Eru við blivin, sum Hitler í nazi tíðini har hann skuldi hava eina reina ariska rasu? Nei, eg spyrji bara. Eitt veit eg, at tá verða vit ógvuliga fátæk sum tjóð, og Gud forbjóði, at so verður. Tey gera okkum rík! Zacharias Zachariasen, hevur yrkt ein sang um Brekaða barnið, har síðsta ørindi ljóðar: Júst hetta lítla barn, ið mikið brekað var, mest gleði teimum vann og størstu signing bar. Og har, sum sorgin neit, og royndin var so svár, nú hoyrist takkarljóð, og skyggja gleðitár. Hetta er tað sum eg hoyri og síggi foreldur, avvarð- andi og onnur sum hava við brekað og menning- artarnað at gera siga. Tí haldi eg, at vit sum samfelag heldur skuldi hjálpt teimum meir og givið teimum betri kor og sømdir, sum tað sømir seg einum ríkum sam- felag, tí tey gera okkum rík. Sjálv bleiv eg ríkari í kvøld! Tey gera okkum rík C M Y K 11 10 Til sølu Lítil persónbilur Fiat Cinquecento, árg. 11/95 í sera góðum standi. Lagalig fígging. Velbastaðvegur 78 Tel. 317300 ella 217300