mánadagur 6. juni 2011síða 29

29 Mánadagur 6. juni 2011 · Nr. 65 Sosialurin Beint fyri jól í 2010 varpaði útvarpið ljós á eitt privat sosialt hjálpartiltak, sum hevði heitið “Í menniskjum góður tokki”. Hetta jóla- hjálp­ar­tiltak varð sett í verk at royna at útvega hjálp til jólahøgtíðina til fíggjarliga og sosialt illa staddar einstak­ lingar og húski, so tey eins og øll onnur kundu halda jól við jólamati og øðrum, ið hoyrir jólunum til. Uml. 1200 fólk søktu um jólahjálp. Úpplýst varð, at fleiri teirra, ið søktu um jólahjálp, vóru illa fyri og bert fingu døgurða tríggjar ferður um vikuna og summi søgdu, at tey bert fingu døg­ urða einaferð um vikuna, tí tey áttu ikki pening at keypa mat fyri. Fleiri teirra, sum sum søktu um jólahjálp, søgdu, at tey máttu leita sær hjálp frá familjuni, tí ongin hjálp var at fáa frá Almannastovuni. Sosiala hjálpartiltakið vísti, at pen­ ingaliga sperd verkafólk, sum eru vorðin langtíðarsjúk ella langtíðararbeiðsleys mugu liva í fátækradømi ikki bert á jólum, men alt árið, tí nøkt­ andi uppihaldshjálp ikki fæst frá Almannastovuni. Uppihaldshjálpin í for­ sorg­arlógini er við árunum vorðin alt ov lág og er onki gjørt frá politiskari síðu at hækka hesa uppihaldshjálp seinastu mongu árini, held­ ur ikki fyri árið 2011, - hetta eisini sjálvt um ovasta leiðsla á Almannastovuni á sumri 2010 gjørdi vart við, at uppihaldshjálpin var alt ov lág, og at uppihaldshjálpin átti at hækka munandi. Leiðslan á Almannastovuni vísti á, at uppihaldshjálpin til gift átti at verða hækkað við 1.359 kr. um mánaðin og uppihaldshjálpin til støk átti at hækka við 1.710 kr. um mánaðin (víst varð á, at veitingarnar áttu at vera á sama støðið sum grund­ upphæddirnar í fyri­tíðar­ pensjónini). Uppihaldshjálpin í forsorgarlógini ikki hækkað seinastu 12 árini Uppihaldshjálpin í forsorg­ ar­lógini, ið er ætlað til mat, klæðir og leysar útreiðslur er ikki hækkað seinastu gott og væl 12 árini (síðan februar 1999). Hetta hóast prísirnir á mati, klæðum og øðrum vørum sambært Hagstovu Føroya eru hækkaðir við uml. 25% sama tíðarskeið. Og miðal lønarvøksturin á almenna arbeiðsmarknaðinum síðan 1999 hevur verið uml. 42- 45%.   Fólk, sum fáa forsorgarhjálp, mugu sum er liva í fatækradømi Fólk, ið fáa forsorgarhjálp, eru í flestu førum verka­ fólk, ið hava mist inn­tøku­ grundarlag sítt, tí tey eru vorðin langtíðarsjúk ella langtíðararbeiðsleys ella annað tílíkt, sum hevur gjørt, at tey ikki kunnu vinna pening til lívsins uppihald. Fáa tey ikki hjálp frá sínum nærmastu, noyðast tey snøgt sagt at liva í fátækradømi í okkara “vælferðarsamfelag”. Føroyska samfelagið má ásanna, at politiskt ásetta uppihaldshjálpin, er púra útholað og røkkur als ikki til mat, klæðir ella aðrar gerandisvørur. Javnaðarflokkurin, ið er sosialistiskur flokkur, eig­ur sum skjótast at koma við lógar­uppskoti at hækka uppi­halds­hjálpina í forsorgar­lógini heilt mun­ andi, so føroyingar, ið eru raktir av langtíðarsjúku ella langtíðararbeiðsloysi ikki longur verða noyddir at liva í fátækradømi, men kunnu fáa nøktandi hjálp til undir­ halds gjøgnum okkara sosial­ lóggávu. Milliónerskattur at tryggja okkara grundleggjandi vælferð At fíggja henda alneyðuga bata á almannaøkinum eig­ ur at verða ásett, í okkara skatt­alóg, at tey, ið hava sera høgar inntøkur skulu gjalda serstakan skatt “millióner­skatt”. Sosialistiski Javnaðarflokkurin má tryggja, at tað verða tey við hægstu inntøkunum, sum skulu bera tyngstu skatta­ byrurnar, at tryggja øllum borgarum eina tilveru uttan fátækradømi. Tórshavn, hin 2. juni 2011 Forsorgarhjálpin alt ov lág Ingrid S. Henriksen valevni hjá Javnaðarflokkinum T V Ø R O Y R A R K O M M U N A Íløga í útbúgv­ing er íløga í Føroya framtíð Kristina Toftegaard Larsen løgtingsvalevni Sjálvstýrisfloksins Eins og føroyska samfelagið eigur nógvar íðnar hendur, ið byggja land og tjóð – hava vit eisini tørv á nógvum góðum høvdum, at tryggja framtíðokkara. Í stóran mun, verður búðskapar virði í landinum, sæð út frá hvussu nógvur fiskur verður fiskaður og hvussu nógv fíggjarliga avkasti frá fiskivinnuni, uppá stutt sigt, sæst aftur í samfelagnum. Við stórari virðing fyri øllum góðum fólkum, ið virka í fiskivinnuni, bæði eigarum og arbeiðsfólkum, ið gera eitt megnar arbeiði, er tað umráðandi, at vit ikki bert síggja fiskivinnu, sum tað ultimativa svarið til framburð og trygt fíggj­arligt støðufesti fyri føroyska samfelagið. Skal føroyska samfelagið klára seg í kappingin mót­ vegis londunum rundan um okkum, er tað á hægstu tíð, at vit í nógv størri mun, eisini síggja útbúgving, sum eina fíggjarliga íløgu fyri føroyska samfelagði. Bestu høvdini flyta til útlondini! Føroya ungdómur er týðn­ ingarmesta tilfeingi vit eiga og sera umráðandi er, at gera íløgu í teirra framtíð her á landi. Seta vit ikki útbúgving á hægstu rók, flyta bestu høvdini heimaífrá. Vit hava alt ov leingi, niðurraðfest útbúgv­ing­ar­ økið, og úrslitið er greitt,- vit útflýggja okk­ara unga ættarlið, sum til­feingi til onnur lond, og av­odda okkara egna land. Einki samfelag kann fáa fíggjarligan vøkstur, uttan at raðfesta útbúgving og tí mugu og skulu vit gera íløgu í útbúgving. Vit hava simpulthen ikki ráð at lata vera. Sjálvstýrisflokkurin vil seta sjónareyga á útbúgv­ ingarøkið, tí útbúgving er fíggjarligur framburður.