fríggjadagur 10. juni 2011síða 34

nr. 67 · 10. juni 2011 2 VIKUSKIFTI Framsýning Eyðun Klakstein eydun@sosialurin.fo Summarsprell var heiti á forvitnisligari søluframsýning í Smiðjuni í Lítluvík um vikuskiftið. Tað vóru Laila av Reyni, Beinta K. Mouritsen, IngaMaria V. Svínoy og Fríðgerð í Líð, sum stóðu fyri hesi fram­ sýning, ið var væl vitjað. Tær sýndu fram heimagjørd barna­ klæðir, prinsessukjólar, smúkkur, og damu/harraklæðir. Inga Maria V. Svínoy er sniðgevi, hevur lisið í Italia, og Fríðgerð í Líð er lærari í Kollafjarðar skúla. Laila av Reyni og Beinta K. Mouritsen starvast dagliga á Klædnadeildini á Tekniska skúla í Tórshavn, har tær undir­vísa í klædnaframleiðslu og kon­ struktión. Nevnast kann, at nýggjur klædna­atstøðisflokkur verður tikin inn eftir summarfrítíðina, síðsta freist at søkja, er 20. juni. Hetta er ikki fyrstu ferð, at hesar kvinnur vísa fram, tað tær fáast við í frí­tíðini, og neyvan síðstu ferð heldur. Samskipið mentanina Redaktørur: Eyðun Klakstein Útgevari: Sosialurin, www.sosialurin.fo Umbróting: Sosialurin · Høvuðssniðgevi: Pætur Eyðunsson Jensen Forsíðumynd: Guðrið Hansdóttir / Álvur Haraldsen 2 Klumma: Samskipið mentanina 2 Framsýning: Summarsprell 4 Interview: Guðrið Hansdóttir 6 Tips: Útferðir 8 90 sekund: Jacob Vestergaard 10 Til arbeiðis: Jórun Mørkøre 11 Í rangastrúpan: Ymiskt úr miðlunum 11 Umafturafturum: Høgni Djurhuus 12 Bakgrund: Keypsparadís 14 Albert Isfeldt: Á ferð í USA 18 Interview: Eyð Matras 20 Miðlamjarr: Tað siga tey á Facebook og í miðlunum 23 Tað hendir: Konsertir, tiltøk, bøkur og annað 24 Vikumyndin: Agurkur INNIHALD klumman Eirikur Lindenskov myndir: Jens Kristian Vang Farna vikuskiftið sýndu fýra kvinnur fram klæði og smúkkur í Lítluvík Summarsprell í Lítluvík Seinasta vikuskiftið vóru nógv mentanar­ tiltøk at fara til. Eitt var í Havn, Mentanar­ náttin, sum er vorðin eitt sera hugnaligt og forkunnugt tiltak, har handlar og mentanar­ lív ganga hond í hond við hópin av tiltøkum og framsýningum. Eitt sera hugnaligt tiltak. Norðoyastevnan hevur seinastu 75 árini »átt« vikuskiftið um mánaðarskiftið mai/ juni, og soleiðis var norðoyastevnan eisini hildin um vikuskiftið við øllum tí, sum hartil hoyrir, kappróðri, framsýning, kabarett og so fram­vegis. Somuleiðis varð árligi Fjarðafestivalurin hildin um vikuskiftið, har fólk kring Kelduna í Skálafirði skipa fyri konsertum við heims­ gitnum gospelstjørnum saman við okkara heimliga ískasti. Alt hetta ber boð um, at nógv hendir á mentanarøkinum, og tað er bara gott. Men tað er kortini eitt sindur hugstoytt, at so nógv og góð mentanartiltøk fella saman – verða hildin um somu tíð. So nógv tiltøk hava vit heldur ikki, at tað ikki ber til at spjaða tey út yvir fleiri vikuskifti. Gomlu stevnurnar hava sjálvandi sína hevd. Eingin hevði funnið upp á at skipa fyri einum festivali til dømis í Klaksvík á ólavsøku. Nú vita vit væl, at siðbundnu bygdarstevnurnar eru undir trýsti frá øðrum tiltøkum, eitt nú festivalunum. Soleiðis er Summarfestivalurin eitt nógv størri mentanar­tiltak í Klaksvík, enn norðoya­ stevnan. »Brandingin« av norðoyastevnuni hevur heldur ikki verið nakað serlig í ár – og mundu tað vera fleiri, sum ikki góvu sær far um, at norðoyastevna var, fyrr enn tey hoyrdu kappróðurin í útvarpinum leygar­ dagin. Og tað er størt spell og átti at verið gjørt betur. Júst hví Mentanarnáttin í Havn er løgd at vera samstundis sum norðoyastevnan, tað vita vit ikki. Eyðsæð er, at trupult verður at finna hóskandi fríggjakvøld seinni um summarið, men hetta kundi eisini verið hildið eitt sindur fyrr. Somuleiðis ber helst til at leggja Fjarða­ festivalin nær sum helst. Men tað stutta av tí langa er, at skilabetri var við eini yvirskipaðari ætlan – einum »mentanarkalendara«, so øll, sum skipa fyri mentanartiltøkum, kunnu samskipa tað soleiðis, at flest fólk hava møguleika at sleppa til flestu tiltøkini, og at ein stevna sum norðoyastevnan varðveitir síni sið­ bundnu rættindi.