fríggjadagur 10. juni 2011síða 55

nr. 67 · 10. juni 2011 23 VIKUSKIFTI Tað hendir ... lagt til rættis: Eyðun Klakstein Karneval á Eystanstevnu Vanliga skrúðgongan á Eystanstevnu hevur í nøkur ár verið skipað sum karnevalur, tá stevnan hevur verið sett. Karnevalurin hevur verið mannaður av ítróttarfólki - og tað má sigast at hava verið ein stór succes við fleiri hundraðtals luttakandi hvørt ár. Men nú bjóða fyrireikarunum øllum, sum hava hug, at fylgjast við ítróttarfólk fyri at fáa ein enn størri skrúðgongu. Evnið í ár er lond, so fólk kunnu vísa litir hjá øllum heimsins londum. Karneval á Eystanstevnu Runavík Fríggjakvøldið 10/6 kl. 18.00 FM avbjóðarar bresta saman Eftir ein steðg í fremstu mansdeildini í fótbólti orsaka av landsdystum, verður aftur spælt í Vodafonedeildini um vikuskiftið. Allir fimm dystirnir í hesum umfarinum verða spældir leygardagin. Tvey av feløgunum, sum bjóða av í toppinum, spæla ímóti hvørjum øðrum leygarkvøldið. Á Eystanstevnu verður dystur millum NSÍ og EB/Streym, sum royna at hanga í B36 og Víkingi í toppinum. NSÍ-EB/Streymur Vodafonedeildin Leygarkvøldið 11/6 kl. 19.00 Søgan um Sprogøe Í eina hálva øld var Ove Sprogøe ein av best umtóktu sjónleikarunum í Danmark, og vit kenna hann øll í leiklutinum sum Egon í Olsen-bandanum. Ove Sprogøe vardi sítt privatlív væl, men nú hevur Jacob Wendt Jensen skrivað eina umfatandi og neyva ævisøgu um Ove Sprogøe. Hann hevur tosað 90 fólk, sum kendu kenda sjónleikaran, og úrslitið er ein væl skrivað og dokumeterað ævisøga. Jacob Wendt Jensen Ove Sprogøe People’s Press Seinasti møguleiki at síggja Edward Seinastu vikurnar hevur listamaðurin Edward Fuglø havt framsýning í Listaskálanum í Havn. Nú er framsýningin ber opin nakrar fáar dagar afturat, og hevur tú ikki enn sæð spennandi framsýningina, so er at seta tíð av hetta vikuskiftið. Edward Fuglø: Merry-Go-Round Listaskálin í Havn Fram til 13/6 Bonnie og Clyde Niðurgongdstíðir eru í USA, og tveir rótleysir ungdómar fara á ferð í USA. Tey skuldu gerast víðagitin, Bonnie & Clyde, tí teirra svar til trupulleikarnar var ræna bankar. Tey endaðu sum mest eftirlýstu brotsfólk í USA, og løgreglan jagstrar tey ígjøgnum USA. Hetta er klassiski filmurin um Bonnie & Clyde, har Faye Dynaway og Warren Beatty spæla høvuðsleiklutirnar. Bonnie & Clyde Klassiskur filmur DR1 leygarkvøldið 11/6 kl. 22.50 Paul skal heim Í 60 ár hevur Paul, sum er komin úr rúmdini til jørðina, hildið til á eini loyniligari hernaðarstøð. Men mitt í tí heila rýmir hann av støðini og finnur saman við tveimum science fiction nørdum. Teir leggja eina ætlan, so at Paul kann sleppa aftur til sítt rúmdarskip, men tað verður ikki uttan stríð við myndugleikarnar. Paul Biograffilmur Frá hósdegnum 9/6