mikudagur 15. juni 2011síða 18

Mikudagur 15. juni 2011 · Nr. 68 18 Sosialurin Sundalagsstevna Vilmund Jacobsen Mynd: Jens Kristian Vang Seinnu árini hava nógvir bygda­ handlar latið aftur, men enn eru einstakir eftir. Ein av hesum er í Hósvík, har Birgit Bisgaard er eigari og stendur aftan fyri diskin stóran part av tíðini. Handilin er opin heilt frá klokkan 08 á morgni til klokkan 22 á kvøldi, og tí hevur hon hjálparfólk aftrat sær. Sjálv plagar hon at arbeiða til klokkan 16, og síðan taka onnur yvir. Minkar ikki Birgit sigur, at sølan er hampilig, sum hon tekur til. – Eg haldi ikki, at sølan er mink­ að seinastu tíðina, heldur er hon vaksin eitt lítið sindur. Í handlinum í Hósvík hevur hon flest allar vanligar gerandisvørur, og so er eitt lítið sindur av øðrum. – So leingi, sum fólk stuðla mær við at keypa í handlinum, ætli eg mær at halda fram, sigur Birgit Bis­gaard. Ferðafólk vitja Handilseigarin í Hósvík sigur, at tað eru ikki bara fólk í Hósvík, sum keypa hjá Fa. Esmari Ol­sen, men fólkið í bygdini er høv­uðs­ grundarlagið undir handils­virk­ seminum. – Her koma eisini fólk, sum annars ferðast eftir landsvegnum, og stundum fái eg eisini vitjan av útlendskum ferðafólkum, sum detta innar í betri tíðini av árinum, sigur hon. Ikki heima Nú tað stundar til sundalagsstevnu, sigur Birgit Bisgaard, at hon verður ikki heima í Hósvík, men í Danmark, tá stevnan verður. – Eg fari til Danmarkar í sjeyti ára føðingardag hjá vermammu míni, sigur fryntliga handilskvinnan í Hósvík, tá Sosialurin vitjar inni á gólvinum. vilmund@sosialurin.fo Hósvík hevur bygdarhandil Birgit Bisgaard hevur rikið handilin Fa. Esmar Olsen í Hósvík síðan 2004, og hon hevur ongar ætlanir um at gevast. – Eg haldi, at sølan heldur veksur eitt sindur enn minkar, sigur handilskvinnan í Hósvík Vilmund Jacobsen Útróðrarbáturin Veðranes hevur í nógv ár roynt við nót eftir sild og brislingi í Sundalagnum, Skála­ fjørð­inum og aðrastaðni, har hugs­ andi hevur verið, at fiskur er. Tað eru brøðurnir, Eyðun og Friðjón Jacob­sen í Hósvík, sum hava átt og framvegis eiga bátin, ið líka sum er vorðin ein bygdarmynd í Hósvík og í Sundalagnum. Tá Sosialurin vitjaði seinasta hósdag, stóð Veðranes á beding, og Eyðun Jacobsen stóð í einum stiða, har hann hevði skift eitt petti av einum planka ovarlaga á bógnum. Longu dagin eftir stóð annar bátur á bedingini í Hósvík, og tá varð Veðranes longu flotaður aftur. Tað eru nakrir fáir bátar sum Veðranes, ið royna eftir sild og bris­ lingi inni á firðum og sundum, og ein annar bátur er Katrin, sum er heimahoyrandi í Søldarfirði. Navnið á bátinum í Hósvík - Veðranes VN 397 – stavar heilt aft­ ur til 1975. Hann er annars bygdur í Bremsnes Båtbyggeri í Noregi í 1968. Fyrsta navnið hann hevur undir føroyskum flaggi er Hervør. Hetta var í 1972, tá hann var heima­ hoyrandi í Sandavági. vilmund@sosialurin.fo2 Veðranes VN 397 á beding í Hósvík, har Eyðun Jacobsen hevur skift eitt pettið av einum planka Mynd: Jens Kristian Vang Veðranes fiskar sild og brisling Í nógv ár hava brøðurnir, Eyðun og Friðjón Jacobsen í Hósvík, átt og rikið útróðrarbátin Veðranes, ið hevur havt sama navn heilt síðan 1975 Enn eru nakrir bygdarhandlar eftir, og ein av hesum er í Hósvík. Tað er handilin Fa. Esmar Olsen, sum Birgit Bisgaard eigur og rekur So leingi, sum fólk stuðla mær við at keypa í handlinum, ætli eg mær at halda fram BIRGIT BISGAARD Fakta Navn: Veðranes Smíðistaður/ár: Bremsnes (1968) Longd: 11,26 metrar Breidd: 3,79 metrar Motorur: Thorny­croft/ 179 HK Framleiðsluár: 1990 Útgerðarmaður: Eyðun Jacobsen