mikudagur 15. juni 2011síða 20

Mikudagur 15. juni 2011 · Nr. 68 20 Sosialurin Sundalagsstevna Vilmund Jacobsen Hetta eru ikki summarhús, tí búgv­ ast kann í teimum alt árið, men av­markingar eru í eitt nú stødd og skapi. Byggiøkið hevur eisini sínar avmarkingar við, at bilar ikki kunnu standa inni á økinum, sum laðaður garður er rundan um. Grundøkini eru 200 fermetrar, og húsini skulu verða í einari hædd og hava eina hægri reising við lofti. Húsini kunnu ikki vera meiri enn 60 fermetrar í vídd. Sofus D. Johannesen, býráðs­ lim­ur í Sunda kommunu, hevur verið við í bygdarráðsarbeiði heilt síðan 1989, tá hann fyrstu ferð varð valdur í Gjáar kommunu. Hann sigur, at ymiskar ætlanir fyrilógu, tá farast skuldi undir at útstykkja fyri nevndu húsum, men alt talaði fyri, at nýggi býlingurin skuldi gerast ein partur av bygdini – og ikki liggja uttan fyri bygdina. – Tí verða øll hesi húsini bygd á einum øki, sum liggur tætt upp at gomlu bygdini, sigur hann. Sofus vísir á, at tað, sum liggur aftan fyri hesa ætlan, er at royna at skapa nakað, sum kann seta meiri lív í bygdina. – Hóast hetta eru heilárshús, vænta vit ikki, at fólk koma at búgva her, men vit vænta, at tá fólk eru sinnað at gera eina slíka íløgu, merkir tað í minsta lagi, at tey ætla at brúka ein fittan part av síni frítíð her norðuri. Stórur áhugi Hann vísir á, at áhugin fyri hesi bygging hevur verið stórur, og umframt tey 19 grundøkini, sum nú eru seld, standa eini 4-5 onnur, sum eisini vilja byggja sær slík hús við Gjógv, á bíðilista. – Fleiri, sum hava valt at byggja, hava eitt hvørt tilknýti til bygdina, men tað eru eisini fleiri, sum einki tilknýti hava – og talan er um fólk úr meginpartinum av landinum, leggur býráðslimurin aftrat. Sofus Johannesen sigur, at eini 10 sethús mest sum eru komin upp, eini eru liðug, og fleiri eru komin væl ávegis. Sunda kommuna hevur selt byggiøkini, sum liðugt planerað, fyri millum 130.000 og 195.000 krónur – alt eftir, hvussu grundøkini liggja. vilmund@sosialurin.fo Gjáarbygd veksur við 19 smáum sethúsum Fyri fáum árum síðan útstykkjaði Sunda kommuna 19 grundøki, har fólk kundu byggja sær smærri hús. Í dag eru øll grundøkini seld, og eini 10 hús standa í gerð, harav fleiri eru komin væl áleiðis Eingin bygd í Føroyum, sum er á stødd við Gjógv, kann reypa sær av, at heili 19 hús verða bygd meiri ella minni samstundis Myndir: Jens Kristian Vang Hóast hetta eru heil­árs­hús, vænta vit ikki, at fólk koma at búgva her SOFUS D. JOHANNESEN Saksun og Gjógv verða nógv vitjaðar Millum bygdirnar í Føroyum, sum verða nógv vitjaðar av føroyingum og útlendingum um sumrarnar, eru Saksun og Gjógv – og báðar bygdirnar liggja í dag í Sunda kommunu Vilmund Jacobsen Saksunardalur er langur, og tað tekur sína tíð at koyra vestur gjøgnum dalin og til Saksunar. Mangur hevur koyrt hendan túrin og flestu, sum ikki hava verið um hesar leiðir, hava ein dreym um at gera tað. Eisini millum eldri fólk kring um í Føroyum, er Saksun dreymurin, sum kanska – og kanska ikki - gjørdist veruleiki, áðrenn tey fóru undir grønu torvu. Minnist soleiðis abba mín í Nólsoy. Dreymurin hjá honum var at koma til Saksunar, áðrenn hann doyði, tí tær myndir, hann hevði sæð haðani, vóru so serstakliga vakrar og sjáldsamar. Honum unt­ist eisini hendan túrin, áðr­ enn hann legði eyguni saman. Saksun er avgjørt eitt áhuga­ vert ferðamál, sum trupult er at finna vakrari í Føroyum. Gjógv er ikki minni attraktivt millum ferðandi, bæði millum føroyingar og útlendingar. Á onkran hátt fellir tað føroyingum lættari at koyra til Gjáar enn til Saksunar, og kanska hevur hetta eisini við tað at gera, at Gjáargarður er í bygdini, har fólk kunnu steðga á og fáa sær ein drekkamunn ella ein bita. Bæði Saksun og Gjógv eru perlur av náttúru, sum øll við náttúruáhuga og við virðing fyri sær sjálvum eiga at vitja. vilmund@sosialurin.fo Hvalvík og Streym­ nes betri bátahyl – Vit hava betrað um bátahylin í Hvalvík í stigum, og nú er grótarbeiðið mest sum liðugt, sigur Trygvi K. Joensen, formaður í teknisku nevnd hjá Sunda kommunu Vilmund Jacobsen Bátahylurin í Hvalvík, sum ser­ liga fólk í Hvalvík og Streymnesi brúka, er nú útbygdur, og hyl­ urin er vorðin nógv kyrrari á landnyrðingi eystri, sum var keðiligasta ætt fyri bátarnar í hylinum. Trygvi K. Joensen, formaður í teknisku nevnd hjá Sunda kommunu, sigur, at arbeiðið er gjørt í stigum yvir eini trý ár, soleiðis at hetta ikki legði ov stórar byrðar á kommunala pengapungin. – Nú er grótarbeiðið mest sum liðugt, men brúgvarnar eru eftir. Vit hava ikki endaliga gjørt av enn, um talan verður um at leggja nakrar brúgvar út aftrat – ella um talan verður um fastar brýr. Tá hetta arbeiði er gjørt, er hylurin perfektur, sum hann tekur til. Trygvi K. Joensen sigur, at hylurin er vorðin væl størri, eins og arbeiðið, sum nú er gjørt, ger hann nógv kyrrari. – Tað ljóðar kanska løgið at tosa um ókyrru í Sunda­lag­ num, men hylurin kundi gerast ókyrrur, tá hann lá á land­synn­ ingi eystri. vilmund@sosialurin.fo