mikudagur 15. juni 2011síða 32

Mikudagur 15. juni 2011 · Nr. 68 32 Sosialurin Sundalagsstevna Vilmund Jacobsen Tað var tann tíð, tá fiskaarbeiði á gamla Víkarvirkinum hevði stóran týdning fyri hetta økið. Seinnu árini hevur lítið fiskaarbeiði verið á virkinum, sum í dag er ogn hjá einum felag, ið kallast Farita. Tá Sosialurin vitjaði í Haldarsvík seinasta hósdag, vóru vit ein túr inni á gólvinum á virkinum, har vit heilsaðu upp á Hjørleif Dahl, sum er ein av monnunum aftan fyri Farita. Hjørleif hevði ikki hug at siga so nógv um virksemi, tí enn er ikki so nógv ferð á, men hann segði seg heldur einki hava ímóti, at vit festu nakrar reglur á blað. Nakrir tímar Asbjørn Djurhuus, sum býr í Tjørnu­ vík og er bókhaldari á Bátafiski á Eiði, veit at siga, at lítið virksemi hevur verið á Farita í Haldarsvík. – Virkið hevur mest sum ligið stilt í langa tíð, men nú eru av og á nakrir arbeiðstímar í saltfiski til nøkur fólk. Asbjørn Djurhuus, sum eisini er býráðslimur í Sunda kommunu, sigur, at hóast lítið virksemi enn er á Farita, er kortini at vóna, at virksemi fer at mennast, so tað aftur kann fáa týdning fyri hetta økið, har annars rættiliga lítið arbeiði er. – Sum eg havi skilt, hevur Farita arbeitt longu, brosmu og eitt sindur av toski. Tá lítið arbeiði er, ger hvør tími mun, sigur Asbjørn Djurhuus. vilmund@sosialurin.fo Nakrir tímar í saltfiski í Vík Saltfiskavirkið Farita í Haldarsvík hevur ikki nógv fiskaarbeiði at bjóða sínum arbeiðsfólki, men tá lítið arbeiði er, ger hvør tími mun Vilmund Jacobsen Hetta er annað árið á rað, at fólk í Hvalvík og Streymnesi skipa fyri bátatreffi í Hvalvík. Seinast var tiltakið samstundis, sum sunda­ lags­stevna var í bygdini, men nú sundalagsstevna hesaferð er í Hós­ vík, valdu bátafólk at hava tiltakið seinasta vikuskifti. Heðin Zachariassen, sum er ein av fyrireikarunum, sigur, at bátarnir samlaðust á Selatrað næst seinasta leygardag, og siglt varð haðani til Hvalvíkar tíðliga seinnapartin. – Tá bátarnir stevndu inn í havn­ ina í Hvalvík, vóru umleið 35 bátar í fylginum, men sum seinnaparturin leið, og bátar løgdust til, gjørdist saml­aða talið av bátum í báta­hyl­in­ um umleið 45. Hugni í tjaldi Fyrireikararnir høvdu sett eitt tjald upp á havnarlagnum, og her bjóðaðu vertirnir okkurt gott til matna og okkurt leskandi. Seinni varð eisini felags tiltak í tjaldinum, har fólk sungu sangir saman. – Tiltakið eydnaðist stak væl, og vit ætla at halda fram at skipa fyri bátatreffi. Tá sundalagsstevna er í Hvalvík, verður tiltakið lagt sama vikuskifti, sum stevnan er, sigur Heðin Zachariassen. Bátatreff í Hvalvík Næst seinasta vikuskifti skipaðu fólk, sum eiga bátar í Hvalvík og Streymnesi, fyri bátastreffi, har ikki færri enn 45 bátar vóru við Í sínari tíð var nógv virksemi á Víkarvirkinum í Haldarsvík, sum felagið Farita í dag eigur. Nú er lítið arbeiði, men fólk í økinum vóna, at fleiri tímar kunnu skapast, sum tíðin gongur Mynd: Jens Kristian Vang Einir 45 bátar vóru savnaðir í Hvalvík næst seinasta vikuskifti, tá skipað varð fyri bátatreffi Mynd: Birgir W. Høgnesen