mikudagur 22. juni 2011síða 4

Mikudagur 22. juni 2011 · Nr. 71 4 Sosialurin Randi Jacobsen Fyrst í mars mánaði kom ein leki til sjóndar í aðrari kommunalu kjallaraíbúðini á Hvarvinum í Havn. Kommunan metti, at tað fór at taka nakrar fáar vikur at umvæla skaðan, men tá ið gólvið varð tikið upp, vísti tað seg, at báðar kjallara­ íbúðirnar høvdu vatn­skaða, og har fuktaði illa. Í aðrari úbúðini búðu Birgit og Gunnar Clement­ sen, og tey fingu eina íbuð hjá tryggingini at vera í, meðan skaðin skuldi umvælast. Men tað gingu tveir mán­ aðir, og tá kundu trygg­ingin ikki longur hýsa teimum. Kommunan útvegaði teimum tá eina aðra íbúð at vera í, men Birgit Clementsen er alt annað enn fegin um at skula vera har. Tað er trongt, og teimum vantar neyðugar hentleikar. Hví hendir einki? vil hon fegin vita. Hennara stóra ynski er at sleppa út aftur á Hvarvið at búgva, tí har hava tey haft sítt heim í áravís. Innbúgv teirra stendur í íbúð­ini skumpað saman, og har hevur hon eisini øll síni klæðir liggjandi. – Klæðini fara so illa og fara at lukta, tí tað er so slævið inni, sigur Birgit Clementsen. Jóan Petur Hentze, trivn­ að­arstjóri hjá Tórs­havnar kommunu sigur, at um­væl­ ing­ararbeiðið er ikki byrjað enn. Tað vísti seg, at skaðin var nógv størri, enn upp­ runaliga mett, og tí verður tað eisini kostnaðar­mikið. Íbúðunum í erva bagir einki, og tí verður loysin ikki at taka húsini niður, sigur hann. – Íbúðirnar verða um­ væld­ar, men nær tað verður, veit eg ikki, sigur Jóan Petur Hentze. randi@sosialurin.fo Randi Jacobsen Eftir nýggju donsku heilsulógini kunnu k o m m ­u n u l æ k n a r í Dan­mark arbeiða long­ur enn onnur i al­menn­ari tænastu. Men tá ið teir eru fyltir 73 ár, skulu teir ígjøgn­ um eina heilsu­kanning fyri at hava vissu fyri, at teir eru førir fyri at røkja sítt arbeiði. Hesa kanning skulu teir regluliga til. Men henda regla er ikki í Føroyum. Nýggja danska heilsulógin hevur ikki gildi í Føroyum. Í Føroyum er tí eing­in avmarking fyri, hvussu leingi k o m m ­u n u l æ k n a r kunnu halda fram við at arbeiða. Teir fáa ikki bræv, sum onnur almenn starvs­fólk um, at teir skulu frá tann ella tann dagin fyri aldur við eftirløn. Tvørturímóti verða kommunulæknarnir eggjaðir til at halda fram, eftir at teir eru farnir upp um 67 ár. Í sáttmálanum frá 2008 stendur, at ko m m u n u l æ k n a r, sum fara frá sum 67 ár gamlir, fáa eitt bonusgjald, men halda teir fram, til teir eru 70 ára gamlir, verður jaldið tað tvífaldaða. Henda regla kom í orsakað av stóra troti­ num á komm­unu­ læknum, og tí at fleiri av verandi komm­unu­ læknum eru komnir nakað upp í ár­ini, upp­ lýsir Heilsumálaráðið. Nakrir av komm­ unulæknunum í Føroy­ um eru oman fyri 70 ára gamlir. Einki aldur­ mark fyri læknar Fólk í almennum starvi kunnu arbeiða, til tey eru 70 ár. Men eingin slík avmark­ ing finst fyri kommunu­ læknar Stór umvæling dregur út Kjallaraíbúðirnar í kommunalu húsunum á Hvarvinum í Havn við fimm íbúðum í, eru í so vánaligum standi, at fólk ikki sleppa at búgva har aftur fyribils Randi Jacobsen Skiftandi kirkjuráð fyri Chri­ stianskirkjuna í Klaks­vík hava arbeitt við spurn­ing­ inum um, hvør eigur altar­ talv­una. Kirkjan fekk alatar­ talv­una, tá ið kirkjan varð bygd, men ógreiða hev­ur verið um, hvør eigur talvuna. Hesin spurningur hevur stóran týdning, tí neyðugt er at umvæla talvuna fyri stóra upphædd. Í Havnar kirkju var spurn­ ingurin øðrvísi. Kirkjuráðini hava altíð vitað, at kirkjan átti altartalvuna, men fyri tveimum árum síðan gjørdi Statanes Museum for Kunst vart við, at hetta listasavnið eigur talvuna. Tí fór eitt fylgi við um­ boðum fyri bæði kirkjuráðini og hægstu kirkjuráðini í seinastu viku á fund í Keyp­ mannahavn við Statens Museum for Kunst. Tað vísir seg, at Statens Museum for Kunst eigur báðar altartalvurnar, men á fundin varð gjørd avtala um, at báðar alatartalvurnar skulu vera í Føroyum næstu 75 árini. Fyri altíð – Ta avtaluna eru vit ovur­ fegin um, tí 75 ár merkir fyri altíð, sigur Jógvan Fríðriksson, bispur. Við á fundinum vóru tvey umboðð fyri kirkju­ ráðið í Christians­kirkjuni og eitt umboð fyri Havnar kirkju. Jógvan Fríðriksson held­ ur, at tað hevði sína góðu ávirkan á úrslitið av fundi­ num, at lokalu kirkju­um­ boðini vóru við og ikki bara toppurin. Tað kostar Altartalvan í Havnar kirkju er í góðum standi, men verri er við altartalvuni í Christianskirkjuni. Hon krevur eina størri umvæl­ ing, ið er mett at kosta onkrastaðni millum tríggjar og fimm milliónir krónur. Kirkjuráðið í Klaksvík ætlar at spíla seg út at finna pening til stóru umvælingina. – Vit mugu vóna, at fáa pening frá góðum fólki, og neyðugt verður eis­ini at royna nakrar grunnar, sigur Jógvan Fríðriks­ son, sum væntar, at allar góðar kreftir vilja spæla við fyri at varðveita kultur­ ríkidømi, sum tær báðar altartalvunum eru partur av. Jógvan Fríðriksson sær tað eisini sum eina trygd, at Statens Museum for Kunst eigur altartalvurnar, tí harvið átekur listasavnið sær fakliga eftirlitið av altartalvunum. randi@sosialurin.fo Altartalvurnar tryggjaðar í Føroyum Kirkjumyndugleikarnir í Føroyum hava gjørt avtalu við Statens Museum for kunst, sum eigur bæði altartalvuna í Christianskirkjuni í Klakvík og í Havnar kirkju. Altartalvurnar verða í Føroyum næstu 75 árini, og tað merkir fyri altíð, sigur Jógvan Fríðriksson, bispur Altartalvan í Christianskirkjuni skal umvælast fyri milliónir