mánadagur 27. juni 2011síða 21

21 Mánadagur 27. juni 2011 · Nr. 73 Sosialurin Ítróttarblaðið Uni Holm Johannesen Tvímálsskjúttin Jákup á Borg er sera fegin. – Hetta er heilt fantastiskt. Vit eru framvegis á odda í kappingini, og enn eru vit ósigraðir. Kanska er tað eitt lítið sindur irreterandi, at hasir víkingarnir blíva við at fáa stig í evstu løtu, men tað er so tað, sigur hann við heimasíðuna hjá B36. Jákup á Borg hevur alla orsøk at fegnast. Fyrrverandi lands­liðs­ spælarin eigur virknan leiklut í úrslitunum, sum høvuðs­staðar­ liðið hevur rokkið í hesum kapp­ ingarárinum. Hansara seinna mál var feskasta dømið um spæligleðina, hann hevur. Framherjin stýrdi bóltin við hælinum framvið Marcin Dawid, áðrenn hann lat seg fagna av sínum viðhaldsfólkum. Jákup á Borg og Lukazs Cieslewicz manna vandamesta álopið í før­ oyskum fótbólti í løtuni. B36 er á odda­sessinum, og tað er bara EB/ Streymur, sum hevur vunnið á Jákupi á Borg og hinum í ár. Tað var í steypa­kappingini. Samansetingin er framúr. Odmar Færø, sum var leikbannaður í gjár, og Jonas Flindt Rasmussen hava staðið seg væl sum miðverjar. Høgni Eysturoy er umskúlaður til vongverja í høgru, og hann hevur fingið sítt gjøgnumbrot. Á mið­ vøllinum hava Klæmint Matras, John Hansen og Heini í Skorini runnið fremst við sínum bardaga­ huga. Undir liðini á teimum eru bóltsnillingarnir Súni Olsen og Róaldur Jacobsen. Fremstir eru Jákup á Borg og Lukasz Cieslewicz, sum hava nógvar aðrar dygdir enn bara at skjóta mál. Tað er smalt, men sera gott. HB í nýggjum hami Sigfríður Clementsen tók við sum venjari hjá HB í síðstu viku. Hann fall í fyrstu royndini. Uppgávan var ov torfør. HB hevði skift ham til dystin hesaferð. Kári Nielsen, Hans á Lag og Fróði Benjaminsen vóru í verju­ partinum, og 18 ára gamli Tróndur Jensen, sum spældi sín fyrsta dyst nakrantíð á besta liðnum, var mið­ vallari. Uppleggið við 3-5-2 var trivlandi fyrstu løtuna. Tað var eis­ ini tá, at Jákup á Borg kom á mál­ talvuni fyri fyrstu ferð. Cieslewicz spældi fyrrverandi landsliðs­spæl­ aran frían, og hann tók av. Ein av ætlanunum hjá Sigfríði Clementsen var at steðga Lukasz Cieslewicz. Tað eydnaðist til tíðir væl, tí Fróði Benjaminsen var alla tíð tættur í póllendinginum. Hinvegin hevur B36 fleiri hóttanir í álopsspælinum. Tað hilnaðist ikki eins væl hjá teimum reyðu og svørtu at verja fyri teimum. Tað var einu løtuna í seinna umfarinum, at HB var omaná. Tað eydnaðist eisini at fáa mál eftir flott uppspæl, tá Símun Samuelsen sendi bóltin í málhornið. 1-1, og Sigfríður Clementsen stórfegnast – men bara í 13 minuttir. Tá var B36 aftur á odda við máli frá Símuni Joensen, sum stýrdi frísparksinnleggi í málið. HB vildu hava brotsspark, tá fáir minuttir restaðu í. Fróði Benjaminsen fór um koll í brots­teig­ inum, men hann datt ov lættliga. Tað var eingin vanlukka at tapa fyri B36. Úrslitið hevur hin­ vegin við sær, at HB er bara tvey stig frá niðurflyting eftir 13 lands­ kapp­ingardystum – og tað var ikki gamalt! Steðgurin Nú er summarsteðgur. Ovastu liðini, B36 og Víkingur, hava frí næsta mán­aðin, tá EB/Streymur, NSÍ, ÍF og HB skulu umboða Føroyar í altjóða kappingum. Spurningurin er, um tað verður ein fyrimunur fyri B36. Tað er eisini greitt, at Atli Danielsen verður við, tá B36 fær vitjan av 07 Vestur á ólavsøku. Fakta er framvegis tað, at B36 er ósigrað í landskappingini. uni@sosialurin.fo Vodafonedeildin B36 heldur fast um oddasessin, og tað er framvegis eingin, sum hevur staðið oddaliðnum kurl. Hvítklæddu havnarmenninir vunnu sannførandi á grannunum í gjár HB var omaná eina løtu í seinna hálvleiki, men annars var tað B36, sum setti dagskránna Mynd: Jens Kristian Vang Tað var ein lættur heilaskjálvti, sum hevði við sær, at Lukasz Cieslewicz fór á sjúkrahúsið eftir dystin í gjár. Tað var eftir ein harðan nærdyst, tá pólski framherjin fekk ein fót í høvdið, at hann fekk ein stoyt. Læknin hevur staðfest, at talan var um lættan skjálvta. Cieslewicz fer nú í summarfrí í Póllandi. uni@sosialurin.fo Cieslewicz fór á sjúkrahúsið