mikudagur 6. juli 2011síða 40

vika 27 l 4. juli 2011 8 stjórin Vilmund Jacobsen Fiskamarknaður Føroya (FMF) varð stovnaður í 1992. Tey fyrstu árini var Ditleif Eldevig stjóri og síðan John Nielsen. Triði stjórin í røðini á FMF er Jens Christian Olsen, sum fram­vegis er ovasti leiðari í føroyskum uppboðs­ sølu­virksemi. Í nøkur ár var uppboðssøla og land­ ingarmiðstøð í einum og sama felag, men sum árini gingu, varð upp­boðs­ søla og landing skild sundur, soleiðis at vit nú fingu Fiskamarknað Føroya og Landingarmiðstøð Føroya. VikuBlaðið hevur hitt Jens Christian Olsen, stjóra, sum eftir royndir við upp­boðssølu í Hull og Grimsby og fiska­søluvirksemi fyri Friomar í Noregi, hevur verið stjóri á Fiskamarknaði Før­oya síðan hin 1. januar í 2005. Tá Jens søkti starvið sum stjóri hjá FMF, var hann eisini í holt við Master of Business Administrator hjá Henley, og hann gjørdist eisini MBA í 2005. Makrelur á uppboð – Mínar dagligu uppgávur á Fiska­ markn­aðinum eru í fyrsta lagi um­sit­ ingarligar. Vit hava góð og dugnalig fólk á arbeiðsplássinum, sum øll kenna sína uppgávu, harav flestu hava verið leingi í starvi. Felags fyri øll er eisini – og tað er av tilvild – at tey búgva í Nes kommunu, og soleiðis kenna vit øll eisini hvønn annan í tí dagliga. Jens Christian Olsen vísir á, at tað, sum felagið serliga arbeiðir við í løtuni, er at skipa fyri eini uppboðssølu av teimum 20.000 tonsunum av makreli, sum landsstýrið sigur skulu bjóðast út á uppboðssølu. – Landsstýrismaðurin í fiski­vinnu­ málum hevur latið okkum hesa upp­ gávu, og eg eri ógvuliga spentur upp á, hvussu hetta fer at rigga. Stjórin vísir á, at ætlandi verður klárt at bjóða tey 20.000 tonsini av makreli út einaferð miðskeiðis í juli, og Fiskimálaráðið fer fyrsta dagin eis­ini at lýsa eina kunngerð í hesum sam­bandi. Sær betri út Jens Christian Olsen sigur seg trív­ast væl í starvinum sum stjóri á Fiska­ marknaði Føroya. – Jú, mær dámar væl, og tað er altíð hugaligt at arbeiða saman við ágrýtnum starvsfólkum, sum øll kenna sína uppgávu. Spurdur, hvørji útlitini eru á fiski­ vinnuøkinum, heldur hann, at tað sær heldur betri út, enn tað hevur gjørt sein­astu tvey árini. – Tað eru nøkur viðurskifti, sum tala fyri, at útlitini eru batnandi. Hin­ vegin kundi eg hugsað mær, at útlitini vóru enn betri. Men í fiskivinnuni verður altíð upp-og niðurgongd. So­ leiðis hevur tað altíð verið, og soleiðis fer tað ivaleyst altíð at verða. Í fiski­ vinnuni er eingin vissa fyri nøkrum, leggur hann aftrat. Jens Christian Olsen heldur, at út­ róðrarflotin og línuskipaflotin, sum primert selja sína veiði um upp­boðs­ søluna hjá Fiskamarknaði Føroya, hava tað heldur frægari nú. Jens fer at selja makrel – Tað, sum vit serliga arbeiða við í løtuni, er at skipa fyri eini uppboðssølu av teimum 20.000 tonsunum av makreli, sum landsstýrið sigur skulu bjóðast út á uppboðssølu. Eg eri ógvuliga spentur upp á, hvussu hetta fer at rigga, sigur stjórin á Fiskamarknaði Føroya, Jens Christian Olsen Navn: Jens Chr. Olsen Aldur: 41 Hjúnarfelagi: Durita Børn: 2 Starv: Stjóri á FMF Navn: Fiska­m. Føroya Aldur: 1992 Virksemi: Uppboðssøla Starvsfólk: 7 Jens Christian Olsen tók við starvinum sum stjóri á Fiskamarknaði Føroya hin 1. januar í 2005. Hann heldur, at útlitini eru heldur frægari í dag, enn tey annars hava verið seinastu tvey árini Mynd: Vilmund Jacobsen