mánadagur 11. juli 2011síða 52

vika 28 l 11. juli 2011 20 fjarðastevna Vilmund Jacobsen Artur Johansen er borgarstjóri í Sjóv­ ar kommunu. Hetta er tó ikki fyrstu royndirnar, hann ger sær í bygda­ ráðs­arbeiði. Árini 2001-2004 sat hann eisini í bygdaráðnum, men ikki í skeiðnum frá 2004-2008. Borgarstjórin fegnast um tað vinnu­ lív, sum er í kommununi, bæði tað, sum er á sjónum við útróðrarbátum og skip­um, við sjóvarmálan og tað, sum er í kring um í kommununi annars. Størsta einstaka arbeiðsplássið í kommununi er saltfiskavirkið Vaðhorn, sum eisini hevur aktiverað fitt av skúla­ungdómi gjøgnum árini. – Vaðhorn ger nógv fyri síni ar­ beiðs­fólk, sum eisini trívast væl í salt­fisk­inum. Vit fegnast um, at virkið eisini tekur skúlaungdóm inn, tá høvi er, sigur Artur Johansen. Annað virksemi Borgarstjórin vísir á, at við sjóvarmálan er eisini laksavirkið Viking Seafood, sum hevur fitt av virksemi, tá laksur verður tikin, og her er eisini Andersens Beding, sum gjøgnum mong ár hev­ur verið ein støðug fyritøka í komm­un­ uni. Á bryggjuni er eisini annað virksemi, og eitt nú er nakað av útróðri, sum gevur egning og umreking á landi. – Kommunan eigur níggju egn­ ing­ar­skúrar, sum allir hava frystarí, og nakrir av hesum eru leigaðir út til útróðrarmenn. Allir skúrarnir eru tó ikki í brúki, tí tørvurin er ikki so stórur. Í onkrum føri deilast menn um skúrar, tí frystiorkan til hvønn skúrin sær røkkur til meiri enn tann eina út­ róðrarmannin. Artur Johansen sigur, at tað eru mest pensjónistar, sum hjálpa út­ róðrar­monnum at egna og rekja um. – Lítið sæst til ungdóm í egn­ingar­ skúrunum í dag. Tað er ikki sum fyrr, leggur hann aftrat. Nú borgarstjórin hevur nevnt vinnu­lívið, sum hevur við sjógvin at gera, vísir hann á, at virksemi, sum er uppi á landi, so sanniliga eisini hevur sín stóra týdning fyri Sjóvar komm­ unu. – Vit hava nýútbygdan skúla, fólk sum arbeiða innan tænastuvinnu, og vit hava fólk, sum starvast innan barna-og eldraøki. Artur Johansen fegnast eisini um tað virksemi, sum Snældan gjøgnum mong ár hevur skapt í kommununi, eins og hann fegnast um, at Mál­inga­ virkið á Strondum nú aftur er komið upp at koyra. Minni sveiggj Skattainntøkurnar í Sjóvar kommunu eru heldur minni enn inntøkurnar í fyri hvønn íbúgva í eitt nú Nes kommunu og Runavíkar kommunu. – Okkara miðalskattainntøkur fyri hvønn borgara liggja nakað lægri enn í grannakommununum, men hetta merkir so eisini, at sveiggini hjá okkum ikki gerast so stór, tá kreppa er. Í verri tíðum hava vit soleiðis ikki merkt so stóra afturgongd í skattainntøkum, sum onkrar aðrar kommunur hava gjørt. Artur Johansen vísir á, at miðal­ skattainntøkan fyri hvønn borgara í Sjóvar kommunu liggur um góðar 23.000 krónur, meðan inntøkan í eitt nú Runavíkar kommunu og Nes kommunu liggur nakrar túsund krónur hægri. Hvørt einasta arbeiðspláss hevur týdning Skattainntøkurnar hjá Sjóvar kommunu teljast ikki millum tær hægstu fyri hvønn borgara í landinum. Positiva síðan av hesum er, at sveiggini heldur ikki gerast so stór, tá kreppa er. - Í verri tíðum hava vit soleiðis ikki merkt so stóra afturgongd í inntøkunum, sum onkrar aðrar kommunur hava gjørt, sigur Artur Johansen, borgarstjóri Vilmund Jacobsen Sjóvar kommuna røkkur úr markinum móti Skála bygd og heilt vestur til Sela­ traðar. Í løtuni búgva sløk 1000 fólk í kommununi. Talið hevur verið størri, men tað hevur eisini verið minni. Tá fólkatalið var størst, lá tað um 1045. Eitt skifti fyri stuttari tíð síðan var fólkatalið niðri á 970, men liggur nú beint undir 1000 aftur. – Í løtuni veksur fólkatalið spaku­ liga, sigur borgarstjórin, Artur Johan­ sen. Hann vísir á, at tað serliga er tíðliga um heystarnar, at nøkur fólk flyta, og tá eru hetta í flestu førum ungdómar, sum fara burtur í lestrar­ørindum. – Nú vóna vit at síggja ein lítlan vøkstur í fólka­ talinum tey næstu árini, leggur borgarstjórin aftrat. Byggja á Strondum Tann sethúsabygging, sum hevur ver­ ið í kommununi seinnu árini, hevur serliga verið á Strondum. – Nøkur ár herfyri høvdu vit nógv fólk á bíðilista til grundøki, men tá tíðirnar broyttust, minkaði eftir­spurn­ ingurin eftir grundøkjum niður í lítið og lætt. Artur Johansen vísir á, at Sjóvar kommuna í 2007 hevði eina útstykking við 23 gundøkjum Úti á Lág, sum tá vóru tøk at byggja á. – Øll vórðu seld beinanvegin, sam­stundis sum nógv onnur stóðu á bíðilista. Tí valdi kommunan eisini at geva teimum, sum høvdu keypt hesi byggiøki, lutfalsliga stuttan skáa til bygging. Men, sum tíðin leið, vísti tað seg, at bert nøkur fá grundøki vórðu bygd, kanska eini seks av hesum 23. Restin fall aftur til kommununa. Artur Johansen vísir á, at framvegis eru eini 8-10 grundøki tøk í hesi útstykkingarætlan. – Vit selja hesi grundøkini fyri 200 krónur fyri fermeturin, meðan onnur grundøki á Strondum, sum eru partur av útstykking, fara fyri 150 krónur fyri fermeturin. Borgarstjórin sigur, at fýra grundøki eisini eru uppi í Hálsagøtu, har eini sethús nú eru bygd, og eitt byggiloyvi aftrat er útskrivað. – Her eru so tvey grundøki etir, leggur hann aftrat. Hann veit eisini at siga, at Innan Glyvur – ella inn móti Gjarnanesi – verða eisini hús bygd innan stutta tíð, og her verður helst talan um eini 2-3 nýggj sethús áðrenn langt um líður. – Fólk, sum umhugsa at byggja, eru vælkomin at seta seg í samband við kommununa, sigur Artur Johansen. Einki vestanfyri Borgarstjórin í Sjóvar kommunu sigur, at vestanfyri Lágháls og í bygdunum ávegis norður til Selatraðar hevur eingin bygging verið seinnu árini. – Tað vísir seg ikki at vera nakar serligur áhugi at byggja í Kol­bana­ gjógv, Morskranesi ella Selatrað. Held­ur er tað so, at onkur, sum hevur búð vestan­fyri, hevur sett seg niður á Strond­um. Artur Johansen sigur seg onga løtu ivast í, at vegurin vestan fyri er ein orsøk til, at fólk aftra seg við at byggja sær hús í smáu bygdunum vest­an­fyri. – Onkur pettir av vegnum eru breiðk­að, men í síni heild er vegurin alt ov vánaligur og smalur, sigur borg­ ar­stjórin. Kreppan helt fólki aftur Tá Sjóvar kommuna í 2007 varð liðug við eina útstykking Úti í Lág, sum fevndi um 23 grundøkir, var byggihugurin stórur. Men kreppan, sum rakti fíggjarheimin árið eftir, gjørdi, at nógv grundøkir fullu aftur til kommununa – og bert nøkur fá sethús vórðu bygd Artur Johansen, borgarstjóri, fegnast um tað vinnulív, sum er í Sjóvar kommunu, bæði á sjógvi, á bryggjuni og ymsastaðni kring um í kommununi – Kommunan eigur egningarskúrar, sum hava frystarí. Allir skúrarnir eru tó ikki í brúki, tí tørvurin er ikki so stórur, sigur borgarstjórin Fólk, sum umhugsa at byggja, eru vælkomin at seta seg í samband við kommununa Myndir: Jens Kristian Vang