mikudagur 27. juli 2011síða 46

vika 30 l 25. juli 2011 6 Ólavsøka 2011 Politiski myndug­ leikin fær ein á kjaftin – Vit ætla at geva teimum, sum hava havt evstu ábyrgdina av samfelagnum seinastu árini, ein á kjaftin, er greiði boðskapurin hjá teimum, sum leggja ólavsøkukabarettina til rættis í ár Uni Holm Johannesen – Kabarettin verður fullkomiliga øðr­ vísi í ár. Sex, porno og brennivín hevur nærmast verið kjarnin seinastu árini. Fólk hava runnið nakin og í fronskum undirklæðum. Tað verður einki pláss fyri tí hesaferð. Hetta verður ein polit­ isk satira. Ummælarar hava fyrr sagt, at hon hevur verið ov grov og ósømlig. Ólav­ søkukabarettin. Tað verða ikki skots­ málini í ár. Tað vissar Johan Ludvík Laksa­foss, sum hevur lagt tilfarið til rættis og er ein av spælarunum, um. Í Sjónleikarhúsinum í Havn verður sein­asta hondin nú løgd á árins ólav­ søkukabarett. Her verður stór orka løgd í at halda lív í obligatoriska part­ inum av ólavsøkuni. Tað var annars vandi fyri, at eingin kabarett var í ár, men fyri tveimum vikum síðani fóru nakrir sjónleikarar undir fyrstu venj­ ingarnar. Hendan kabarettin skal fremst av øllum geva áskoðarunum ein góðan látur, men eisini finnast at politisku myndugleikunum – í einum stuttligum hami. Tað er skemt við boð­skapi. – Vit ætla at geva teimum, sum hava havt evstu ábyrgdina av sam­ felagnum seinastu árini, ein á kjaftin. Tað eru somikið álvarsamar gølur, sum hava ávrikað okkum øll. Málið um makrelin, skrædlið og gølan hjá Eik, fyriskipararnir av langhylinum í Vági, at Havnin vil hava Oyggjaleikirnir til Føroya og løgreglan fáa tildømis sítt at hugsa um. Hetta er eitt stuttligt og kritiskt skot frá fólkinum til politik­ arnar, sigur hann. Øll kunnu flenna Málið við kabarettini er at endurspegla samfelagið, vit búgva í. At vísa á pall­ inum, hvussu láturligt og býtt okkara samfelag eisini er. – Áskoðararnir seta høg krøv, og tað ger ikki avbjóðingina minni. Tað er fínasta slag. Kabarettin fevnir víða, og øll kunnu flenna – útróðrarmaðurin av bygd og akademikarin í Havn, sigur Johan Ludvík Laksafoss. Tað er nógv tilfar at viðgera. Til­ gongdin við at vraka, sálda frá og leggja afturat hevur hilnast væl, og fyrireikararnir hava seinastu dagarnar fyrireikað nakrar filmar, sum eisini verða partar av framførsluni. – Tað eru ikki vit, sum skapa ólav­ søkukabarettina, men fólkini, sum búgva her. Vit ætla bara at geva eina ítøkiliga mynd av, hvat fer fram, sigur Johan Ludvík Laksafoss. Tað eru seks fólk, sum standa fyri ólav­ søkukabarettini í ár. Tað er Ria Tórgarð, sum leikstjórnar kabarettini. Johan Ludvík Laksafoss hevur skrivað tilfarið. Spælararnir eru Johan Ludvík Laksafoss, Hjálmar Dam, Hanna Flóvinsdóttir, Rasmus Eysturoy og Rúna Mortensen. Frum­framførslan verður tann 27. juni. Annars verður spælt tvær ferðir um dagin tann 28. juni, 29. juni, 30. juni og 31. juni. Mynd: álvur haraldsen