mikudagur 27. juli 2011síða 64

vika 30 l 25. juli 2011 40 Ólavsøka 2011 Dagfinn Olsen Tað er tingformaðurin, ið skipar fyri skrúð­gonguni á ólavsøku. Hergeir Nielsen, løgtingsformaður, hevur skrivað teim luttakndi bræv, har tey verða biðin at møta vælklødd hálvan tíma áðrenn skrúðgonguna ólav­søkudag. – Viðvíkjandi raðfylgjuni, sum ging­ ið verður í, sigur tingformaðurin, at gongan er skipað soleiðis, at høgru­ megin ganga løgmaður og lands­ stýris­fólk, í miðjuni tingformaðurin og for­mansskapurin og tingfólk eftir ára­máli á løgtingi, og vinstrumegin ganga bispur og prestar í røð, sum bisur skipar, sigur Hergeir Nielsen, løg­tingsformaður. Tá gingið verður úr kirkjuni aftur, og niðan í løgtingið, er tað soleiðs, at formaðurin hevur løgmann og bisp við lið, hetta er av praktisktum orsøkum, tá gingið verður út úr kirkjuni. Síðani er sangurin á tinghúsvøllinum á skránni, løgmansrøðan, og síðani er høvi hjá tingfólki og øðrum at halda ólav­søku. Í vikuni eftir ólavsøku er viðgerð av ólavsøkurøðu løgmans, sigur løg­ tingsformaðurin. Tað er stýrisskipanin, ið ásetir, at skrúðgonga er. – Tískil er skylda hjá okkum at ganga skrúðgongu. Øll hava ikki verið við altíð, men hetta er altso ein skylda, vísir tingformaðurin á. Hann vísir á, at hetta er siður, ið er frá fornari tíð, og vísir hetta til, at guðstrúgv og kirkja er partur av skip­ anini. Tað hevur ikki altíð verið heilt uttan knirk, tá skrúðgonga og, serliga raðfylgjan, skuldi skipast. Øll hava ikki altíð verið nøgd við sítt pláss í røðini. Hesum játtar tingformaðurin, men hann vísir á, at so langt sum til hans­ ara er ongin klaga nakrantíð komin. – Tað er ein serlig løta, tá fólka­ valda fólkið gongur skrúðgongu, fara í kirkju, og leggja arbeiðið í Guðs hond og viðurkenna, at hetta er grund­ vøllurin fyri tingarbeiðinum. Hatta virða tingfólk høgt, meti eg. Hetta er eftir fornum siði, og hetta meti eg øll vilja varðveita og virða høgt, sigur løgtingsformaðurin. dagfinn@sosialurin.fo Eyðun Klakstein Ólavsøkuskráin er fjølbroytt, og hon er í ár so long sum sjáldan. Tað kemst av, at ólavsøkuaftan er hósdagur og ólavsøkudagur fríggjadagur. Tað slitnar altso ikki sundur, soleiðis at viku­skiftið verður partur av ólav-søku­ haldinum hesa ferð. Ein partur av ólavsøkuhaldinum er lógarásettur. Í stýrisskipanarlógini verður sagt soleiðis um Ólavsøkuna: § 10. Løgtingssetan byrjar ólav­søku­ dag og heldur á til ólavsøkudag árið eftir. Stk. 2. Ólavsøkudag ganga løg­ tings­formaður, løgtingsmenn, løg­ mað­ur, landsstýrismenn og embætis­ menn skrúðgongu úr tinginum í dóm­kirkjuna, har gudstænasta verð­ur hildin, og síðan aftur í tingið. Løg­ tings­for­maðurin ger av, hvørjir em­ bætis­menn eru við í skrúðgonguni, og hvussu gongan er skipað. Stk. 3. Løgtingið verður sett aftur ólavsøkudag kl. 13.00. § 11. Samkomustaður løgtingsins er Tórshavn. Í serstøkum føri kann løgtingið tó koma saman til fundar á øðrum staði í landinum. § 12. Á ólavsøkufundinum greiðir løgmaður frá støðu landsins og tí, ið landsstýrið hevur í ætlan at fremja. Stk. 2. Við støði í røðu løgmans tekur tingið innan 6 yrkadagar støðu landsins til umrøðu. Arbeiðsdagurin Ólavsøkudagur man vera ein tann huga­lig­asti arbeiðsdagurin hjá politik­ ar­unum. Klokkan verður ikki meiri enn farin av tíggju, tá ið teir skulu møta í tinginum. So verður stillað upp og gingið oman í kirkjuna. Eftir gudstænastuna, skrúð­gong­ una niðan aftur undir tinghúsið og kórsangin verður tingið sett kl. 13. Kaj Leo Holm Johannesen fer at halda sína triðju og í hesum valskeiðnum seinastu løgmansrøðu. Stýrisskipanarlógin sig­ur, at hann skal greiða frá støðu landsins og tí, sum landsstýrið hevur í ætlan at fremja. Tað er greitt, at hetta verður síðsti arbeiðsdagurin hjá fleiri tingmonnum. Sum tað hevur verið greitt frá í Sosialinum tær seinastu vikurnar, so hava fleiri av fremstu tingmonnunum boðað frá, at teir fara ikki at bjóða seg fram á løgtingsvalinum, sum í seinasta lagi verður í januar. Á hvørjum vali er tað onkur, sum bjóðar seg fram aftur, men sum ikki verður afturvaldur. Soleiðis verður tað ivaleyst eisini hesa ferð, men tað hongur sjálvsagt í tí óvissa, hvør tað verður, sum ætlar sær at vera við aftur á ólavsøku næsta ár, men sum ikki sleppur upp í part. Tá ið løgmaður er liðugur við sína røðu, verður tingfundurin liðugur, og harvið verður einasta lógarásetta punktið í ólavskránni avgreitt. Valstríðið Áðrenn tingfundurin ólavsøkudag endar, fer formaðurin at boða frá, nær viðgerðin av løgmansrøðuni verður. Stýrisskipanarlógin sigur, at við støði í røðu løgmans tekur tingið innan 6 yrka­dagar støðu landsins til umrøðu. Løgtingsformaðurin, Hergeir Niel­ sen, hevur boðað frá, at hann ikki verður á tjóðveldislistanum til løg­ tings­valið. Hetta verður altso síðsta ferðin, at tingformaðurin fer at ganga fremstur í skrúðgonguni og síðsta ferð­in, at hann fer at seta tingið. Ivaleyst fer Hergeir Nielsen, ting­ formaður, at áseta viðgerðina av løg­mansrøðuni at vera týsdagin ella miku­dagin í vikuni eftir ólavsøku. Tann viðgerðin verður startskotið upp á valstríðið, sum í alt heyst verð­ ur í tinginum. Tað var tað, sum ting­ menn søgdu, tá ið teir í síðstu viku í Sosialinum vórðu spurdir um, nær teir roknaðu við, at løgtingsvalið verður. Bara eitt lógarkrav er í skránni Stýrisskipanarlógin sigur, at ólavsøkudag verður farið undir nýggja tingárið, og at politikararnir undan tingsetanini skulu í kirkju og ganga í skrúðgongu, sum verður tann síðsta á ólavsøku hjá fleiri tingmonnum Nýtt tingár byrjar á ólavsøku, og tá fer Kaj Leo Johannesen, løgmaður, at halda sína røðu Skrúðgonga frá fornari tíð Ein av stóru hátíðarløtunum á ólavsøku er skrúðgongan, har løgtingsfólk, landsstýrisfólk og bispur og prestar fara í kirkju