mánadagur 1. august 2011síða 38

vika 31 l 1. august 2011 6 Dagfinn Olsen Nær byrjaði/byrjar tú í starvinum? Í 2007 tá Dátueftirlitið varð umskipað og søkt varð eftir fyrsta stjóranum til stovnin. Arbeiðsroyndir/útbúgving Eg eri útbúgvin løgfrøðingur frá Uni­ versi­tet­inum í Keypmannahavn (1999) og eri júst liðugt við eina 2 ára leiðslu­ útbúgving. Eg flutti heim til Før­oyar í 2000 og starvaðist fyrstu árini í miðfyrisitingini, á Løg­mans­skriv­stov­ uni, í Løgmálaráðnum og Inn­lendis­ mála­ráðnum. At vera stjóri í Dátueftirlitinum fevn­ir um dagligu leiðsluna av stovn­ in­um og at tryggja framdriftina á øki­ num, at samskifta og samstarva við aðrar myndugleikar, vegleiða borgarar og fyritøkur, halda fyrilestrar, luttaka í norðurlendskum og altjóða samstarvi og at umboða stovnin í almenna rúm­ in­um. Fyribyrging Upp­gávan hjá Dátueftirlitinum er at verja persónsupplýsingarnar hjá fólkinum í Føroyum. Hetta verður gjørt við at varpa ljós á økið við upp­ lýs­ing, veg­leiðing og ráðgeving, at skipa fyri til­tøkum, geva loyvir til ym­ iska viðgerð, viðgera kærur, gera veg­ leiðingar og fara á eftirlitsvitjanir. Vit hava valt at raðfesta tað fyri­ byrgjandi arbeiðið høgt serliga viðvíkj­ andi børnum og ungum, og arbeitt verður m.a. saman við SSP ráðgevingini at fáa evnið inn í fólkaskúlarnar. Keðist av rutinu Eg trív­ist væl so leingi eg havi nokk av av­bjóðingum, læri nakað nýtt og kenni at tað eg geri ger mun. Tá tingini verða ov rutinukend keðist eg. Tað sum hevur verið og er serliga spen­n­andi við hesum starvinum er, saman við dugnaligu starvsfólkunum í Dátueftirlitnum, at byggja stovnin upp og at menna hetta økið í Føroyum. Gongur í fjøllunum Eg renni nakrar ferðir um vikuna og mær dámar væl at ganga túrar, helst í fjøllunum. Eisini eri eg byrjað at ganga til Yoga. Føroyingar væl við Tað er hent nógv á økinum her heima tey seinastu árini. So eg vil siga, at tað gongur tann rætta vegin, men enn er langt eftir á mál. Vit brúka nógvar pengar uppá nýggjar skipanir, men trygdarparturin verður ofta ikki raðfestur nóg høgt. Trygd er meira enn virusverja og fire­ wall. Orsøkin til at trygdin ofta ikki verð­ur raðfest nóg ovaliga er neyvan, at vit ikki ynskja tað, men heldur at tann parturin, sum snýr seg um skjal­ festingar, mannagongdir, vegleið­ing­ ar v.m., er tíðarkrevjandi og kostar pengar. Nýtir tú sjálv nógv nýggja sam­skiftis­tøkni? Ja, tað geri eg bæði í ar­beiðinum og privat, og kann illa vera míni apple produkt fyriuttan. Eg hugsi ofta um, hvussu man bar seg at fyrr, og hvussu tíðarkrevjandi tað var at finna upplýsingar fram og at samskifta við onnur. Undangonguland Mín visjón fyri framtíðina, sum stjóri á Dátueftirlitinum, er at Føroyar kunnu vera eitt undan­gonguland á hesum økinum, og at Dátu­eftirlitið kann vera ein virkin og sjónligur viðspælari á hesi leið. Føroyar fingu í fjør 3. lands­góð­ kenn­ing frá ES, og hetta hevur týdning fyri ætlanirnar um at fáa útlendskar granskarar til Føroyar at granska, fyri møguleikan hjá føroyskum fyritøkum at marknaðarføra seg uttanlands og fyri ætlanirnar at bjóða Føroyar fram sum altjóða hosting-miðdepil. Írland hevur dugað væl at tiltrekt altjóða fyritøkur sum t.d. Google og IBM, og tá Google valdi at leggja ein part av sínum virksemi í Írlandi, hevði tað kalda verðurlagið stóran týdning. Høvdu vit tá bjóðað okkum fram, hevði valið møuliga fallið á okkum. –­ Vit skulu kanska tosa minni og handla meira, sigur stjórin á Dátu­ eftirlitinum. Raðfesta fyri­byrgj­ andi arbeiðið høgt Ingunn Ósk Eiriksdóttir er stjóri á Dátueftirlitinum. Hon sigur, at fyrbyrgjandi arbeiðið verður raðfest høgt, og at trygd er meira enn virusverja og firewall. Fyritøka: Dátueftirlitið Aldur: 9 ár Starvsfólk: 3 Mynd: álvur haraldsen Navn: Ingunn Ósk Eiriksdóttir Starv: Stjóri Aldur: 41 Hjúnafelagi: Heini Weihe Børn: Hákun 10 ár og Marita Emma 5 ár stjórin