mánadagur 1. august 2011síða 48

vika 31 l 1. august 2011 16 Vikutema Summar Festivalurin Tað verður ikki meira country Enn einaferð hev­ur tað eydnast Summ­arfestivalinum at fáa eina sanna legendu til Føroya. Hesa ferð er tað Bobby Bare, sum hóast síni 76 ár enn letur eyðkendu røddina framføra sínar klassikarar Talan varð um sannan telefonstorm á Kunningarstovuni í Klaksvík, tá tað stóð greitt, at Bobby Bare verð­ur millum nøvnini á ársins festi­vali. Hóast tað helst verða fólk úr aldri, ið syngja við til framførslu hansara, so er einki at taka seg aftur í, at flestu veruligu fjepp­ar­ arnir hjá Bobby Bare eru farin nak­ að um teenage-árini. Her tosa vit um aldursbólkin, sum heldur húsvogn og bát vera meira hóskandi til ein festival enn tjald og fjellräven, og tað gav at bíta, tá Summarfestivalurin hevði kunngjørt amerikanska høv­uðs­ navnið. – Eg rokni við, at vit hava av­ greitt eini 200 fólk, men tað eru ivaleyst eini 500 onnur, sum ong­ antíð sluppu ígjøgnum til okkum, tí linjurnar hava verið upptiknar allan dag. – Fólk ringja fyri at biða um pláss til húsvognar, bátar og tjøld, og summi leita eftir øðrum møgu­ leikum at gista. Tíðindini um, at Bobby Bare skal spæla á ársins festival fingu eina rúgvu av fólki at reisa seg úr stólinum í dag. Enn eru pláss eftir til húsvognar og bátar, men tað ræður um at bíleggja pláss í góðari tíð. Í fjør vóru umleið 150 húsvognar á Summar Festivalinum, og tað eru so at siga allir húsvognar í landinum, segði Maiken Steinberg, leiðari á Norðoya Kunningarstovu sama kvøldið, sum Bare varð kunn­ gjørdur. So tað er væl eingin sum helst ivi um, at kamping-økið verður eins væl fylt, sum tað hevur verið seinnu árini, og bátabrúgvarnar sleppa enn einaferð at standa sína roynd, tá bátar úr øllum landinum valfarta til fiskivinnu- og tónleikahøvuðsstaðin. Fylti kamping- økið ­»I wanna go home«. Hesi ódeyði­ligu orðini sang Bobby Bare í 1963, og síðani hava fólk kring all­an heimin sung­ið við. De­troit City, sum sangurin kall­ast, er ein av kend­astu country- sang­um yvir­høvur, og hann verð­ur mill­um tón­arnar, sum í ár verða at hoyra á Vágs­bøi. Bobby Bare royndi í fimti­ árunum at vinna fram innan tón­ leikin, men tað var ikki fyrr enn fyrst í seksti árun­um, at hann av álvara fekk sítt gjøg­numbrot. Ikki minst var tað De­troit City, sum sló navn hansara rimm­ar­ fast í tónleikasøguni, men eisini sangir sum 500 Miles Away From Home, Four Strong Winds og Talk Me Some Sense hava síðani átt sínar hundraðtals tímar á radio­støðum kring knøttin. Bobby Bare spældi eisini duettir inn, og ein av teimum mest kendu er A Dear John Letter, sum hann spældi saman við Skeeter Davis. Sonurin Bobby Bare jr. er eisini virkin tónleikari, og hann byrjaði tíð­liga at syngja saman við pápa sínum. Miðskeiðis í sjeyti­árunum høvdu teir eitt stórt hitt við sanginum Daddy What If, og tá var yngri Bobby bert fimm ára gamal. Bobby Bear jr. spælir framvegis nógv saman við pápa sín­um. Bobby Bare er framvegis virk­ in tón­leikari. Hann er væl fyri og framførir nógv á konsertum. Nú hevur livandi legandan játtað at koma til Føroya at spæla fyri fyrstu ferð, og tað verður ikki meira ektað og meira country, enn tá Bobby Bear fer á stóra pallin leygarkvøldið á Summ­arfestivalinum. Kristina syngur duett við BARE Ein føroysk songkvinna fer á Summar Festivalinum at syngja duett saman við legenduni Bobby Bare. Tað er Kristina Bærendsen, sum fer á pallin saman við Bare at syngja ein sang. Tað er sangurin Let It Be Me, sum Bobby Bare upprunaliga sang saman við Skeeter Davis. Kristina Bærendsen hevur seinnu árini verið nógv frammi sum songkvinna. Hon er við í bólkinum hjá Hallur Joensen, har hon bæði hevur sungið kór, duettir og solo. Og nú fær Bobby Bare so gleðina av at syngja saman við Kristinu.