mánadagur 1. august 2011síða 56

vika 31 l 1. august 2011 24 Vikutema Summar Festivalurin Størsta rock- brakið nakrantíð Yvirskriftin var eisini brúkt, tá Scorpions vitjaði Vágsbø fyri nøkrum árum síðani. Men D-A-D er í stórformi, og teir lova eina brakandi framførslu fríggjakvøldið »Mumbling godd­morning and raising my head A bad breath kiss to my pillow pet...« Saman við fimtan djúpum bass-tónum var hetta tað, sum bankaði Disneyland after Dark upp á tónatindarnar. Bólk­ urin hevði júst fimm ár á baki, tá teir sendu No Fuel Left for the Pilgrims á marknaðin. Tvær ferðir undan hes­ um høvdu teir eisini sent útgávur á marknaðin, men tað var ikki fyrr enn í triðu royndini, at tað veruliga beit á. Enntá somikið væl, at útgávan gav teimum ein milliónasáttmála við Warner, og tó at amerikanska gjøg­ numbrotið ongantíð kom, so er D-A-D enn í dag ein av teimum heilt stóru punk-rock bólkunum. Og tað eru teir, tí teir hava sín egna stíl. Cowpunk verður hetta rópt, og í mangar mátar var hetta ein uppgerð móti depressivu tekstunum, ið ofta eyðkendu punkbólkarnar fyrsta part­ in av 80’unum. Hóast harður, so var rockurin framúr melodiøsur, og við einum skeivum vinkli til veruleikan megnaðu teir at fanga áhoyrararnar. Eisini tey, sum ikki beinleiðis vóru til punk-stílin. Gloyma ikki upprunan Umframt navnið – sum av ótta fyri sakar­máli frá Disney-konsernini varð broytt til D-A-D – so er bólkurin eyðkendur við, at manningin hevur verið at kalla óbroytt frá byrjan. Allar fyrstu konsertina var gentan hjá Stig Pedersen, Lene Glumer, sangarinna, men talan gjørdist bert um ta einu konsertina hjá henni, og miðskeiðis í 90’unum tók Laust Sonne yvir trummu­pinnarnar, tá Peter Lundholm Jen­sen heldur vildi nýta orkuna til verk­frøðinga-lesnaðin. Júst óbroytta konseptið og óbroytta manningin er eisini eitt av loynd­ar­málunum handan livitíðina hjá bólk­inum, sum við sínum skjótt 30 árum er eitt sjáldsamt fyribrigdi innan hevarock-tónleikin. – Vit geva hvør øðrum pláss og røkka teim persónligu málum, sum vit hava sett okkum. Uttan eitt fantast­ iskt samstarv høvdu vit ikki verið komnir so langt, sigur Jesper Bintzer, sum øll árini hevur verið høvuðs­ maðurin í bólkinum. Ferð á D-A-D hevur altíð verið kendur sum ein bólkur, har nærum einki mark er fyri framførslunum. Teir brenna eld, blaka bumbur og koyra á við fullari ferð gjøgnum alla konsertina. Men hetta er bert eyka eitt bonus, heldur Jesper sjálvur. – Eyðkennið hjá D-A-D vil altíð vera sjálvur tónleikurin. Vit skulu heilt niður á gólvið til nakað so einkult sum orku og melodi. Tó haldi eg eisini, at tað hevur nakað at siga, at vit hava fingið møguleika til at spæla so nógv og so nógva staðni, sum vit hava gjørt gjøgnum árini. Tað hevur gjørt okkum enn betri til tað, sum vit nú einaferð gera. Og so kunnu fólk kenna seg heilt trygg saman við okkum, tí vit hava jú roynt hetta fyrr, greiðir hann frá. Og sambært Jesper sjálvum, so verður framførslan á Vágsbøi einki øðrvísi í so máta. – Fyrireikið tykkum uppá nógv ferð og góðar melodiir. Tí vit fara at seta ferð á, heilt vist! Og talan er ikki bara um tóm orð. Bólkurin tykist vera í stórformi fyri tíðina, og ferð eftir ferð hava um­ mælarar hálovað framførslunum hjá bólkinum. Danska tónleikatíðarritið Gaffa skrivaði soleiðis í einum ummæli av framførslu hjá D-A-D á Grøn Koncert í Esbjerg farna summar: – Tað er D-A-D, og tað er fram­úr­ skarandi. Punktum. D-A-D hevði í heyst jubileums­ kon­sert í Hamburg, og tá skrivaði um­mælari hjá Gaffa, at hann hevði ongantíð upplivað D-A-D betri enn tað kvøldið. So tað er øll orsøk at gleða seg til fríggjakvøldið á Summarfestivalinum, tá Vágsbøur leggur svørð til eitt rock- show, ið neyvan hevur sæð sín líka á føroyskari jørð. Fakta um D-A-D Manning Jesper Binzer (vokal/ rútmiskan guitar) Stig Pedersen (Bass/ backup vokal) Jacob Binzer (guitar) Laust Sonne (trummur) Studioútgávur Standin’ on the Never Never (er seinni útgivin sum fløga) Call Of The Wild (1986) D.A.D. Draws A Circle (1987) No Fuel Left For The Pilgrims (1989) Riskin’ It All (1991) Helpyourselfish (1995) Simpatico (1997) Everything Glows (2000) Soft Dogs (2002) Scare Yourself (2005) Monster Philosophy (2008) Behind The Seen (2009) Á tónatindunum Sleepin’ My Day Away Lagh ‘n’ a ½ Something Good Scare Yourself Bad Craziness