mánadagur 1. august 2011síða 68

vika 31 l 1. august 2011 36 bleyti stólurin Navn: Gunnar Djurhuus. Starv: Oddi P/f. Lýs teg sjálvan við trimum orðum: Ótolin, kreativur og kanska eitt sindur dovin viðhvørt. Hvat orð ella hvønn setning nýtir tú oftast? »Atí« Heimagjørt orð. Er nakað tað sama sum »hedna« á íslandskum. Hvørjum hyggur tú at hjá hinum kyninum? Fyrst bringu og reyv og síðani restini, tað skal jú helst verða passaligt av øllum. Hvat er tað fyrsta, tú gert um morgunin? Lati meg í og fari út at ganga við hundinum. Hvat stressar teg? órudd og »at missa kontrol«. Hvat gleðir teg? Góð úrslit hjá H71 og at dóttirin er liðug við útbúgving sína í vár. Nær feldi tú seinast eitt tár? Leygarkvøldið, tá ið Manchester United tapti. Hvat var seinasta ynski, sum tú fekst uppfylt? Tað var, tá vit í vár vunnu greipuna saman við »mínum dreingjum« í hondbólti. Hvar arbeiðir tú? Hjá Oddi Føroyar P/F, sum er veitari av pakningi og prenti. Hví valdi tú at arbeiða innan hetta yrki? Eg havi altíð haft stóran áhuga í føroyskum vinnulívið. Her komi eg í samband við nógv spennandi fólk, serliga innan fiskivinnuna. Hvat lag er heimsins besta? »This is my life« hjá Kim Larsen. Hvat er besta uppfinningin og hví? Telda og internet, tí eg kann sita mest sum allastaðir og arbeiða. Eisini í feriuni í Bulgarien. Hvat hevur tú í lummunum beint nú? Pengar og tendrara, bæði eru jú lívsneyðug. Hvat er títt besta heimaráð? Minnist til at skera grindalykkjurnar nóg tjúkkar og langar, tá ið tú skert upp. Hvat er keðiligast við Føroyum og hví? Fyrst og fremst veðrið, havi akkurát fingið staðfest at eg mangli d- vitaminir. Annars kann »ov nógv« av fanatismu og dupultmorali eisini øsa meg. Hvussu ofta speglar tú tær? Eitt stað millum 20 og 50 ferðir, vildi eg mett. Hvussu ofta ert tú hjá frisør? Annan hvønn mánað cirka, men onkuntíð havi eg trimmað mær hárið sjálvur. Hvar ert tú um 10 ár? So leingi eg havi smá børn so heilt sikkurt í Føroyum, men kundi eisini trivist í øðrum londum, eitt nú Íslandi, Danmark ella kanska Amerika. Hvør er tín stuttligasta uppliving? Tað var, tá ið eg var í Russlandi seinast saman við nógvum góðum fólkum m.a Hans í Líðini. Hann fortaldi nógvar góðar søgur, spældi uppá skeiðir og sang á grønlendskum fyri bara at nevna okkurt av øllum.  Teldan og netið eru besta uppfinningin So leingi eg havi smá børn verði eg í Føroyum