mánadagur 22. august 2011síða 24

Mánadagur 22. august 2011 · Nr. 96 24 Sosialurin Ítróttarblaðið Tað gekk, sum tað sambært støðu­ talvu­ni kundi roknast við, tá ið trígg­ir dystir í bestu kvinnudeildini vóru á skránni ígjár. Tættasta uppgerðin var tann á Argj­um, har B36 vitjaði. Heimaliðið vann, men tað var rættuliga tepurt, tí AB skoraði bara eitt mál, og tað var sjey minuttir eftir hvíldina. Eftir fyrsta hálva tíman í oyggja­ upp­gerðini í Sarpugerði millum Vík­ing og Skála var tað einki, sum bendi á, at skálakvinnur ikki skuldu vinna øll stigini. Tær vóru á odda 2-0, og hóast heimaliðið svaraði aftur undan steðginum, so økti Skála um leiðsluna til 3-1 tíðliga í 2. hálvleiki. So gjørdu Sev­ dal systrarnar úr Runavík rættu­ liga um seg, og tað endaði við 4-3 heimasigri, sum ber við sær, at Víkingur framvegis hevur møgu­ leika at vinna bronsumerkini. Hjá KÍ kvinnunum var einki at rafla um, tá ið tær bláu við nógvum al­tjóða royndum tóku ímóti blað­ unga HB liðnum. Úrslitið var 8-0 heima­sigur - fýra mál vórðu skorað í 1. og fýra í 2. hálvleiki. FM kappingin er bara millum KÍ og AB, sum hini liðini hava meiri enn ilt at taka stig frá. Tí verður spurn­ingurin um meistaraheitið iva­leyst avgjørdur í innanhýsis upp­gerð­unum millum tey bæði odda­liðini. Í 4. umfari endaði tað 1-1, tá ið AB vitjaði í Klaksvík. Liðini skuldu havt spælt á Argjum 14. august, men orsaka av europeisku lut­tøku­ ni hjá KÍ er hesin dysturin útsettur til 7. september. Í 18. og triði síðsta umfari, sum verður 25. september, hitt­ast KÍ og AB aftur í Klaksvík, og um ikki fyrr so verður tað avgjørt tá, um tað enn eina ferð verður KÍ, ella um tað kanska verður AB, sum verð­ur meistari. KÍ eigur útsettan heimadyst ímóti Víkingi. Hann er settur at vera mánakvøldið um eina viku. Tvær finalur verða avgerandi 1. DEILD KVINNUR Eingin skalar KÍ og AB, og tí verða tær báðar uppgerðirnar millum oddaliðini avgerandi fyri, um tær í Klaksvík enn eina ferð verða meistarar, ella um tað hesa ferð skal eydnas teimum av Argjum at vinna 14. umfar AB-B36 1-0 (0-0) 1-0: Elin Maria Isaksen 52. Vík.-Skála 4-3 (1-2) 0-1: Jóna Jacobsen br 16. 0-2: Fríðrún Danielsen 30. 1-2: Heidi Sevdal 35. 1-3: Fríðrún Danielsen 49. 2-3: Heidi Sevdal 50. 3-3: Ansy Sevdal 77. 4-3: Heidi Sevdal 80. KÍ-HB 8-0 (4-0) 1-0: Sofía Purkhús 13. 2-0: Sofía Purkhús 21. 3-0: Sigrid Jacobsen 24. 4-0: Paula Mikkelsen 37. 5-0: Paula Mikkelsen 53. 6-0: Tove Sólheyg 69. 7-0: Rannvá B. Andreasen 73. 8-0: Malena Josephsen 81. Tað er trýst á TB 1. DEILD MENN Um TB skal hugsa um at varðveita møguleikan fyri at flyta upp í bestu deildina, so verður neyðugt við úrtøku í oyggjauppgerðini, sum verður í Vági mikukvøldið Jóannes Hansen Mikukvøldið verður oyggjauppgerð á Vágseiði. Talan er um uppgerðina millum FC Suðuroy og TB, sum upprunaliga var á skránni 3. august. Sum úrslitini hava lagað seg, og so­ leiðis sum tað gekk leygardagin, so er tað undan lokaluppgerðini trýst á TB. Um teir á Tvøroyri framvegis skulu hava møguleika at flyta upp, so skulu teir vinna í hvussu so er eitt stig í Vági. Um tað ikki eydnast TB at fáa stig við norður aftur úr Vági, so verð­ur tað torført hjá TB at fáa fat­ ur á AB, og tað fer ikki at bera til at fáa fatur á FC Suðuroy, ið tyk­ist hava beina kós aftur í bestu deild­ ina. Leygardagin stemmaði tað rættu­liga hjá argjamonnum, tá ið 18. um­far í næstbestu fótbóltsdeildini var á skránni. Tað eydnaðist argjamonnum at vin­na torføra uppgávu á útivølli, og tað gjørdist eyka kærkomið, tá ið næsti kappingneytin um upp­flyt­ ing­ar­plássið, TB, misti tvey stig á heima­vølli ímóti eitt sindur sperda EB/Streymi. Toppliðið, FS Suðuroy, megnaði fulla úrtøku í Sørvági, men tað gekk striltið at fáa mál, og tað var ikki fyrr enn tað bara restaðu tíggju minuttir, at teir næstbestu hjá 07 Vestur góvu seg yvir. John T. Poulsen og Palli Augustinussen skor­aðu og harvið syrgdu teir fyri, at øll stigini fóru suður til Suður­ oyar. AB var hesa ferð á útivølli á niðara vølli í Gundadali, og har eydn­a­ðist tað at vinna 2-1 á FC Hoy­vík. Milan Kuljic legði við bein­ leiðis frísparki AB framum, og dygst undan steðginum økti Ebbe Kristin Thomsen um munin til 2-0, tá ið hann eftir uppspæl í høgru og innlegg stýrdi bóltin í málið. Stutt undan leikloki minkaði Jan M. Laursen um munin við stútara, men 2-1 sigurin hjá argjamonnum var ongantíð í vanda. Serliga kærkomin var AB sigur­ in, tí TB, sum AB kappast við um upp­flytingina, ikki megnaði meiri enn 1-1 á heimavølli ímóti EB/ Streymi, sum stríðist fyri at sleppa undan niðurflytingini. Teitur Justinus­sen legði TB á odda stutt und­an hálvleiki, og Poul G. Olsen javn­aði til 1-1, tá ið tað restaðu 20 minuttir. Grannauppgerðin á Skála, har NSÍ vitjaði, var rættuliga hend­ inga­rík, og hóast NSÍ eina løtu var framman­fyri 3-1, so vóru gestirnir iva­leyst nøgdir, tá ið teir fóru yvir um aftur við einum stigi. Tá ið støðan var 3-2 til NSÍ, vórðu tveir hjá NSÍ riknir av vølli. Annar fyri at hava sæð gult tvær ferðir, og hin fyri beinleiðis reytt kort. Seks minut­t­ir fyri leiklok tóktist tað sum um, at Skála skoraði sigursmálið, men í tíðini, sum dómarin hevði lagt aftrat, eydnaðist tað teimum nígg­ju í NSÍ at javna til 4-4! Í Leirvík endaði tað 1-1, tá ið HB vitj­aði. TB-EB/St. 1-1 (1-0) 1-0: Teitur Justinussen 41. 1-1: Poul G. Olsen 70. Vík.-HB 1-1 (0-0) 1-0: Per Gregersen 48. 1-1: Bogi Reinert Petersen 71. Skála-NSÍ 4-4 (1-2) 0-1: Rógvi Højgaard 6. 1-1: Brian Jacobsen 34. 1-2: Rógvi Højgaard 36. 1-3: Andrias á Líknagøtu 53. 2-3: Jákup Johansen 56. 3-3: Ólavur Mikkelsen 76. 4-3: Hendrik á Fríðriksmørk 84. 4-4: Ari Ó. Ellingsgaard 90.+2. Reytt kort: Arni Gregersen, NSÍ, 65. (2 gul), Magnus Pauli Sørensen, NSÍ, 75 (beinleiðis reytt) FC H.-AB 1-2 (0-2) 0-1: Milan Kuljic 32. 0-2: Ebbe Kristin Thomsen 44. 1-2: Jan M. Laursen 89. 07 V.-FC S. 0-2 (0-0) 0-1: John T. Poulsen 80. 0-2: Palli Augustinussen 87.