fríggjadagur 26. august 2011síða 34

surr 2 Summar Sosialurin hevur, sum yvir 64.000 onnur, eisini flent í kíki eftir Birgir Petersen, sum verður lumpaður – at hann skal hoppa 50 metra bungy jump, tá tað í veruleikanum er ein metur yvir jørð. Hvussu bleiv tú fangaður? ‒ Teir fangaðu meg á skeiva bein­ inum við at taka meg um morgunin. Eg væntaði tað slett ikki, tí ÍF skuldi spæla steypafinalu í Klaksvík sama dag, og eg var í ferð við at gleða meg til tað. Fyrst fingu teir damuna at ringja og siga, at orkestrið til brúdleypið meldaði avboð, síðan vístu teir eina grein inni á einum eftirgjørdum portali, sum vísti at hølini, sum vit skuldu hava brúdleyp í, høvdu fingið vatnskaða, so vit kundu ikki hava veitsluna har. Tað er sera forvirrandi at fáa tílík boð eina viku undan stóra degnum. Hvussu leingi koyrdu teir teg runt, áðrenn hoppið skuldi verða? ‒ Fyrst bundu teir sera væl fyri eyguni og koyrdu tónleik í oyrini. Teir koyrdu runt einar 10-15 minuttir, og gjørdu ymisk løgin ting aftrat, helst fyri at forvirra meg. Er bungy jump nakað tú hevur gjørt áður - ella droymt um? ‒Eg havi aldrin torað ella havt tol til køina, tá eg eri komin framvið bungee-jump-facilitetum. Hvat var fyrsti tankin, tá tú lá í grasinum? ‒ Júst hvat fyrsti tankin var ... tjaaa ... eg andaði inn og luktaði mosa, tá skilti eg slettis onki. Gjørdist bara vátari og vátari, men reageraði ikki upp á tað, tí eg bíðaði (og bíði enn) eftir einum sugi í búkinum. Summi halda, at vinmennirnir hjá tær vóru øguliga óreinir - hvat heldur tú sjálvur? ‒ Eg haldi slett ikki at hatta var óreint, eg eri sera glaður fyri alla uppmerksamheitina, og at teir hava tímað at riggað hatta til bara fyri meg. Teir kannaðu bøin sera gjølla áðrenn, og har var sera tjúkkur mosi, so har var ongin vandi. Rukka og hetja í senn, tað er tað mest geniala í hasum, haldi eg. Hvussu var reaktiónin hjá tær aftan á hetta? Sjokk? ‒ Eg var ikki beinleiðis í sjokk, men hatta gjørdi restina av degnum so sera góðan, hatta er ein fínur máti at byrja dagin. Onkur viðmerking vil vera við, at tú hevur uppiborið hetta – hvat meina tey tá? ‒ Uppiborið tað, hehe, kanska tí at vit altíð royna at fáa stuttleika burtur úr ølllum, og har stendur man ikki aftast tá okkurt býtt skal gerast. Fer tú at hevna, tá vinmennirnir fara at hava polterabend? ‒ Ja, sjálvandi verður tað »hevnt«, (men tað skal altíð gerast for­ svarligt og við respekt fyri »offrinum«). So eg giti, at eg sleppi ikki í brúdleyp tey næstu árini, tí ongin torir at útseta seg sjálvan fyri onkrum líknandi ;) Hvussu kendist at koma í Ekstra Bladet? ‒ Ekstra Bladet, ja tað kendist gott, so varð man kendur um land og ríkið! inna@sosialurin.fo Seinasta vikuskifti var Føroya Sjómannadagur hildin í Klaksvík. Fríggjadagurin byrjaði við sera góðum veðri, og umleið 1500 børn og foreldur vóru til fiskikapping á Kósabrúnni Tá fiskikappingin varð liðug, vórðu fløskupostar kastaðir, og síðan byrjaði tað stóra vatnkríggið. Tað var sera hugnaligt, at so nógv børn luttóku í fiskikappingini. At fiska og rógva út er siðaarvur, sum eigur at varðveitast í einum fiskivinnusamfelag sum Føroyum. Eitt sindur undarligt var at síggja, at sjálvt smádreingir høvdu ilt við at nerta við fiskarnar. Summir hildu hetta snøgt sagt vera vemmiligt. Men fiskurin er jú í fyrsta lagi tað, sum vit liva av í Føroyum – og vit mugu rokna við, at soleiðis verður tað eisini langt fram í tíðina. Tá fiskikappingin varð liðug, varð farið í holt við vatnkríggj, og her var undirtøkan eisini sera stór – ja, so mikið stór, at fyrireikarar høvdu trupulleikar at fáa øll børnini við. Telefonirnar hjá fyrireikarunum gingu heitar til at fáa fleiri bátar. Men er tað nakað, sum fyrireikararnir av Føroya Sjómannadegi duga, so er tað at skipa fyri. Tað eydnaðist øllum at sleppa í bátar. Einir 37 bátar – størri og smærri - løgdu út á Pollin, og komnir út móti Húsum, vórðu allir fløskupostarnir kastaðir á sjógvi. Síðan varð lagt innaftur á vánna, og nú øktist spenningurin til tað stóra vantkríggið. Uppi á landi vóru sløkkilið og bjargingarfeløg úr Norðoyggjum og Eysturoy klár, og tað stóra var, tá Brimil byrjaði at sproyta við báðum vatnkanónunum á takinum. Umborð á Brimli gjørdu teir eisini einar 20 brandslangur klárar, so pápar og dreingir, sum vóru umborð, fingu brandslangur at spula við. Hetta tóktist at vera sera væl móttikið, og tú sást smílini, bæði á smádreingum og í pápum. Hetta tiltak var heilt fantastiskt, og tað er at vóna, at tað verður endurtikið – og møguliga útbygt, tó at tað eydnaðist til fulnar. vilmund@sosialurin.fo Børn og vaksin í vatnkríggi Heimagjørt Stuttligt kakustempul, so at ongin ivi er um málið, um smákøkurnar eru heimagjørdar ella ikki. 100 kr frá suck.uk.com Retro til køkin Klisturmerki til køkin í 60-ara stíli. Lætt at seta upp og taka niður, tá tú er troytt av teimum. 65 kr IKEA Legogoymsla Genialar eskjur frá LEGO at goyma lego í. Á sama hátt sum vanligt lego ber eisini til at byggja við teimum. Fáast í støddum frá matpakka til stórar eskjur. aplaceforeverything.co.uk Tapetsera við pengum Um tú kennur teg fátækan, tapetsera stovuna við »Money­ wall« av Mr Perswall. So kann tú um ikki annað droyma um dagin, tá tú kann tapetserað heimið við veruligum seðlum... wallpaperdirect.co.uk Halló brúð­ gómurin ... Vilmund Jacobsen