mánadagur 29. august 2011síða 40

vika 35 l 29. august 2011 8 stjórin Magnus Gunnarsson Reyni Service er ein rættiliga gomul fyri­tøka, sum hevur røtur heilt aftur til 1947, tá Sigird av Reyni (1916-1994) stovnaði fyritøkuna, sum seinni skuldi blíva tann størsta av sínum slagi í land­inum. Sigird av Reyni byrjaði í Rættará og umboðaði ensku Morris bilarnar í Føroyum. Í 1969 varð Eivind av Reyni út­ lærdur sum bilsmiður. Hann hevði stað­ið í læru hjá Frits Jensen í Gunda­ dali og yvirtók nú verkstaðin. Tá Reyni Service gjørdist partafelag í 1973, tók Eivind yvir sum stjóri í fyritøkuni. Síðan 2004 hevur Árni Rasmussen eisini verið stjóri, og fara tað framhaldandi at verða tveir stjórar á Reyni Service Við tíðini gjørdist ov trongligt í Rættará, og sum fráleið varð nærum líka nógv arbeiði gjørt úti á vegnum sum inni á verkstaðnum. Hetta kundi ikki halda á, og æltanir vóru lagdar um at byggja nýggj hølir til fyritøkuna, sum umboðaði British Leyland bilmerkini, Morris, MG, Rover og Jaguar. Í 1978 flutti Reyni Service inn í ein nýggjan virkisbygning við Vegin Langa. Síðan 1980 hevur Reyni Service havt umboð fyri Toyota í Føroyum, og næstan øll árini hevur Toyota verið mest selda bilmerki. Fyritøkan er í dag býtt upp í hesar deildir: bila­ sølan, eykalutagoymslan, mekaniski verk­staðurin, plátu- og lakkerings­ verk­staðurin og Tidy Car, umframt skriv­stovu og fyrisiting og eina deild í Klaksvík. Nú er so tíðin komin til at triðja ættarlið tekur yvir. Tað er Sámal av Reyni, sum tekur yvir stjórasessin eftir pápan, Eivind av Reyni, sum hevur stjórn­að fyritøkuni í útvið 40 ár. Sámal er 31 ára gamal, giftur, bú­sitandi í Hoyvík og eigur trý børn. Hann hevur arbeiðsroyndir frá ymsum deild­um á Reyni Service, eisini ar­ beiddi hann eitt stutt tíðarskeið inn­ an marknaðarførslu hjá bilsølu í Skot­ landi. Hann er útbúgvin bilmekanikari hjá Toyota í Glostrup, og hevur hann tikið bachelor honours grad innan virkisleiðslu á Robert Gordon Uni­ versity í Aberdeen. Seinastu trý árini hevur hann verið søluleiðari í fyri­ tøkuni. Sámal hevur síðani ungan aldur havt ynski um, at taka yvir eftir pápan. Og hevur tískil valt at nema sær útbúgvingar, sum hava verið við­ kom­andi til starvið. Eg eri spentur upp á uppgávuna. Tað forpliktar at skula leiða eina stóra fyritøku við nógvum starvsfólkum og stórum kundaskara. Góð tænasta er okkara vørumerki, og fer tað fram­ haldandi at vera okkara mál alla tíð­ina at geva kundum okkara eina dygdar­ góða tænastu á høgum støði, sigur nýggi stjórin hjá Reyni Service, sum bjóðar til móttøku á Reyni Service fríggja­dagin 2. september frá kl. 10 til 12. Eg havi fyrireikað meg til uppgávuna Móttøka verður hjá Reyni Service í Hoyvík fríggjadagin 2. september í sambandi við at Sámal av Reyni tekur yvir stjórasessin eftir pápan, Eivind av Reyni, sum hevur stjórnað fyritøkuni í yvir 40 ár Eg eri spentur upp á uppgávuna. Tað forpliktar at skula leiða eina stóra fyritøku við nógvum starvsfólkum og stórum kundaskara Sámal av Reyni, stjóri á Reyni Service Mynd: Jens Kristian Vang Navn: Sámal av Reyni Aldur: 31 ár Hjúnarfelagi: Laila Børn: 3 Starv: Stjóri, Reyni Service Adressa: Vegurin Langi, Hoyvík Stovnað: 1947 Starvsfólk: 50